Güzəştli kreditlərin faiz dərəcələrinin azaldılması aktuallaşır

Tarix: 01.04.2014 / 09:27
Bölmə: İqtisadiyyat

Bu gün hökumətin xüsusi diqqət yetirdiyi məsələlərdən biri də kənd təsərrüfatı sahəsində istehsal həcminin davamlı surətdə artmasıdır. Çünki bu, nəticə etibarı ilə ərzaq məhsullarına olan tələbin daha çox yerli istehsal hesabına ödənilməsinə imkan verir. O da faktdır ki, bu məqsədə nail olunması üçün hökumət tərəfindən məqsədyönlü addımlar atılır və qeyd edilən proses hazırda davam etdirilməkdədir.
Məsələn, yaz əkininin başlaması ilə əlaqədar fermerlərə güzəştli şərtlərlə gübrələrin verilməsinə başlanıb. Rayonlarda fəaliyyət göstərən aqroservislərə bununla bağlı azot və digər gübrələr gətirilib. Azot gübrəsinin bir tonu 392 manatdır. Bu məbləğin 50 faizi dövlət tərəfindən ödənilir. Güzəştli şərtlərlə mineral gübrə əldə etmək istəyənlər gübrələrin növünü və çəkisini göstərməklə, yerli kənd ərazi komissiyası tərəfindən təsdiq olunan sənədi aqroservislərə təqdim edir. Bundan başqa, hökumət fermerlər üçün subsidiyalar da ayırır. Eyni zamanda, fermerlərə böyük həcmdə güzəştli kreditlər də verilir. Yeri gəlmişkən qeyd edək ki, 2014-cü ildə 280 milyon manat vəsaitin güzəştli şərtlərlə sahibkarlara verilməsi planlaşdırılır. Bunun 150 milyon manatı dövlət vəsaitidir, 130 milyon manatı isə geri qaytarılmaq şərtilə güzəştli şərtlərlə sahibkarlara veriləcək. Artıq prioritet sahələr müəyyənləşdirilib. Güzəştli kreditlərin verilməsini vacib sayan mütəxəssislər isə bildirir ki, belə kreditlərin faiz dərəcələrinin bir qədər aşağı salınması daha məqbul olardı. Özü də bunun üçün lazımi imkanlar var. Xatırladaq ki, Sahibkarlığa Kömək Milli Fondu güzəştli krediti illik 6 faiz olmaqla verir. Ekspertlər isə bildirir ki, Sahibkarlığa Kömək Milli Fondunun kredit faizlərinin azaldılması sahibkarlığın inkişafını daha sürətli hala gətirərdi. İqtisadçılar da, Avropa ölkələri ilə müqayisədə, Azərbaycanda sahibkarlara təqdim edilən kredit faizlərini daha yüksək hesab edir. Misal üçün, Avropada sahibkarlara təqdim edilən güzəştli kredit faizləri illik 2-4 arasında dəyişir. Kanadada kiçik müəssisələrə kreditlər illik 1 faizlə verilir. Ölkəmizdə də faiz dərəcələrinin aşağı salınması vacib sayılır. Çünki bu, sahibkarlığın sürətli tərəqqisinə təkan vermək iqtidarındadır. Sahibkarlığın inkişafı isə ən yüksək səviyyədə diqqət mərkəzindədir. Elə bu günlərdə Prezident İlham Əliyevin sahibkarlığın inkişafı ilə bağlı əlavə tədbirlər haqqında imzaladığı fərmanın ölkədə daha əlverişli biznes mühitinin yaradılmasına gətirib çıxarması gözlənir. Sənədə əsasən, bundan sonra sahibkarlığın inkişafı üçün kreditlərin verilməsi asanlaşacaq, idxal-ixrac və digər əməliyyatlar zamanı tələb olunan sənədləşmə problemləri aradan qaldırılacaq. Bununla yanaşı, İlham Əliyevin imzaladığı fərmana uyğun olaraq, sahibkarlıq subyektlərinin qeydiyyatı "bir pəncərə" prinsipinə uyğun olaraq elektronlaşdırılacaq. Həmçinin, digər sənədləşmə prosedurları da minimuma endiriləcək. Sənəddə, həmçinin, tikintiyə icazələrin verilməsi sahəsində prosedur və müddətlərin azaldılması üçün qanunvericiliyə dəyişikliklərin edilməsi də öz əksini tapıb. Fərmanda əks olunan əsas məsələlərdən biri də kreditlərin verilməsinin asanlaşdırılmasıdır. İnvestorların maraqlarının qorunması, idxal-ixrac əməliyyatları zamanı tələb olunan sənədlərin müddət və xərclərinin azaldılması da nəzərdə tutulur.
Digər bir məsələ kreditlərin verilməsi prosesinin asanlaşdırılmasıdır.
Bütün bunlar fonunda iqtisadıçılar kreditlərin faiz dərəcələrinin aşağı salınmasını zəruri sayır. Ayrılan kredit məbləğinin artması da zəruridir. Araşdırmalara görə, sahibkarlıq subyektlərinin illik kredit tələbatı 400-500 milyon manat olduğu halda, Azərbaycanda bunun təxminən yarısı ödənir. Qalan hissəni isə sahibkar illik 18-24, bəzən 30 faiz olmaqla kommersiya banklarından götürməyə məcbur olur. Belə vəziyyət isə bankları kredit verilişi ilə daha çox gəlir əldə etməyə meylləndirir. Qeyd edək ki, dünya ölkələrində kreditlər orta hesabla 6- 8, ən pis halda 9-10 faizlə verilir. Azərbaycanda isə bu göstəricinin orta həddi 22-25 faizdir. Ekspertlərin fikrincə, Azərbaycanda orta hesabla kredit indiki situasiyada təxminən 8-9 faizlə verilməlidir. Sahibkarlığa Kömək Milli Fondunun kreditləri isə daha aşağı faizlə verilməlidir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...