Maklerlər kirayə bazarında qiymətləri daha sürətlə artırır

Tarix: 19.03.2014 / 09:21
Bölmə: İqtisadiyyat

Məlum olduğu kimi, "Sovetski"nin sökülməsi fonunda gündəmə gələn məsələlərdən biri də mənzillərin qiymətində yaşanan artımlardır. Hadisələrin inkişaf istiqaməti bu artımların hələ bir müddət davam edəcəyini, mənzil bazarında bahalaşmanın cari il ərzində ən azı 20 faiz təşkil edəcəyini göstərir. Lakin hazırda diqqət çəkən məqam bahalaşmanın kirayə bazarında da özünü qabarıq büruzə verməsindədir.
İlin bu vaxtları kirayə bazarında qiymətlər adətən sabit qalır, hətta müəyyən qədər aşağı da düşürdü. Lakin məlum söküntü işləri bu sahədə artıq fərqli vəziyyət yaradıb. Yəni qiymət artımı, mənzil alqı-satqısı ilə yanaşı, kirayə ev bazarından da yan keçməyib. Araşdırmalar isə qiymət artımında maklerlərin əsas rol oynadığını göstərir. Belə ki, onlar söküntü işlərini bəhanə edərək kirayə ev axtaranlara daha yüksək qiymətlər təklif edirlər. Ev sahibi isə, bu prosesə qarışmayaraq, hər şeyi maklerlərin öhdəsinə buraxır. Belə vəziyyətdə də "Sovetski"də söküntü məsələsi işbazların əlində alətə çevrilir. Bundan istifadə edən ev sahibləri, dəllallar evlərin kirayə və satış qiymətlərini qaldıraraq xoşagəlməz vəziyyət yaradırlar.
Bahalaşma özünü çoxmərtəbəli binalarda daha çox göstərir. Bir daha qeyd edək ki, belə binalarda mənzillərini kirayə verənlər ev bazarında əsasən maklerlərlə işləyirlər. Xatırladaq ki, çoxmərtəbəli binalarda mənzil kirayə verənlərin, demək olar ki, hamısı maklerə üz tutur, mənzil barədə məlumat verir, əlaqə telefonlarını qoyur. Ümumi həyət evlərindəki otaqlarını kirayə verənlərin bir qismi isə kirayənişin axtarışını özü aparır. Cari il ərzində kirayə mənzillərin daha böyük sürətlə bahalaşması gözlənir. Digər tərəfdən nəzərə alaq ki, sökülən ərazilərdə yeni evlər inşa olunmayacaq. Bu isə ev üçün paytaxtın digər ərazilərinə üz tutacaq insanların sayının artmasına gətirib çıxaracaq. Məhz həmin yerlərdə həm mənzil, həm də kirayə qiymətlərinin artması qaçılmaz sayılır.
Daşınmaz əmlak məsələləri üzrə ekspert Rövşən Talıbzadə mövcud vəziyyəti belə şərh edir: "hazırda kirayə bazarında mövsümə uyğun olmayaraq qiymətlərin artımı yaşanır. Bu onunla bağlıdır ki, hazırda bazarda təklifin artması gözlənir. Təklifin artması da onunla bağlıdır ki, son vaxtlar aparılan söküntü işləri insanlar arasında ajiotaj yaradıb. Kim mənzil satırdısa, bu gün satışı dayandırıb. Və yaxud da elə bir qiymətə satır ki, bu, ev üçün absurd bir rəqəm olur. Evini kirayə verənlər əvvəl bunu 300 manata verirdisə, indi 350 manata verməyi düşünür. Yəni bunlar hamısı məhz əhali arasında yayılan ajiotajla bağlıdır".
Ekspertlər hesab edir ki, kirayə bazarında indidən qiymət artımı yaşanırsa, proses mövsümi aylarda daha sürətli xarakter daşıyacaq. Məsələ bundadır ki, mövsümi aylarda kirayə bazarlarında qiymət artımı təbiidir. Ona görə ki, bu artıq kirayə bazarında tendensiyadır. Mövsüm zamanı isə tələbələrin gəlişi ilə, insanların rayonlardan şəhərə işlə əlaqədar gəlməsilə bağlı şəhər ərazisində kirayə qiymətləri artır. Bu, əsasən avqust-sentyabr aylarında müşahidə olunur. Belə vəziyyət tamamilə bazarın strukturuna uyğun olaraq baş verir və təbii sayılır. Lakin hazırda baş verən qiymət artımı xarakterik sayılmır. Belə vəziyyətdə mövsüm zamanı kirayə qiymətlərinin daha çox artması gözlənir. İstisna edilmir ki, söküntü davam etdikcə qiymət artımı qaçılmaz olacaq. Qeyd edək ki, Böyük Bakının regional planına əsasən, "Sovetski"də sökülən evlərin yerində heç bir bina, ev və ya obyekt tikilməyəcək. Həmin ərazi tamamilə yaşıllıqdan ibarət olacaq. Plana əsasən Dübəndi, Pirallahı adalarının isə turizm sahəsinə çevrilməsi nəzərdə tutulur. Ölkə başçısının tapşırığına əsasən, mərkəzdə olan müəssisələr şəhərdən kənara köçürülməlidir. Ümumiyyətlə, Böyük Bakının regional planına Sumqayıt, Xırdalan, Abşeron, Qaradağ daxildir. Plan tam həyata keçirilərsə, bu ərazilərdə böyük dəyişikliklər nəzərdə tutulur. Bu dəyişikliklər isə daha çox insanın mənzil bazarına üz tutmasına səbəb olur. Bunun digər tərəfləri ilə yanaşı, əsas fəsadlarından biri də, qeyd olunduğu kimi, kirayə bazarında qiymət artımına gətirib çıxarmasıdır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...