Rusiya-Ukrayna ziddiyyətləri Azərbaycanın mənzil bazarını oynadır

Tarix: 18.03.2014 / 08:35
Bölmə: İqtisadiyyat

Son aylarda ölkənin daşınmaz əmlak bazarında sürətli bahalaşma qeydə alınır. Bunun əsas səbəbi isə paytaxtda həyata keçirilən söküntü işləridir. Lakin hazırda mənzil bazarında bahalaşmaya səbəb olan amillərdən biri, nə qədər qəribə görünsə də, Rusiya və Ukrayna arasındakı məlum münasibətlər və bu səbəbdən yaranan gərginlikdir.
Belə ki, bu gərginliyə görə həmin ölkələri tərk edən həmvətənlərimiz Azərbaycana dönür və onların bir qismi burada mənzil alır. Belə vəziyyətdə mənzil bazarında evlərə tələbat artır. Elə bu da bahalaşmaya rəvac verən əsas amillərdən biri sayılır. İqtisadçı-ekspert Vüqar Bayramov da qeyd edir ki, Rusiya və Ukrayna arasındakı konflikt Azərbaycanın əmlak bazarına ciddi təsir göstərir. O bildirib ki, bu iki dövlətdə yaşayan azərbaycanlıların bir qismi öz vəsaitlərini Azərbaycanda əmlak bazarına yönəltməyə çalışır: "Rublun dəyərinin düşməsi və bunun fonunda Rusiyada biznes aktivliyinin azalacağı ilə bağlı proqnozlar Rusiyada yaşayan həmvətənlərimizin Bakıda mənzilə tələbatının artmasına gətirib çıxarır. İlkin qiymətləndirməmizə görə, Bakıda satılan mənzillərin 25 faizini ölkədən kənarda yaşayan həmyerlilərimiz alır".
Artıq Rusiyanın tərkib hissəsinə çevrilməkdə olan Krımdan da çıxan soydaşlarımızın bir hissəsi məhz Azərbaycanda mənzil alışına çalışır. Xatırladaq ki, Ukraynanın Krım Muxtar Respublikasında yaşayan azərbaycanlıların son bir neçə gündür bölgədən köçü başlayıb. Bu günlərdə Krım Azərbaycan Cəmiyyətinin sədri Rəhim Hümbətov bildirib ki, Muxtar Respublikada yaşayan azərbaycanlıların Krımdan çıxarılması təşkil olunur və mümkün qədər soydaşlarımıza bölgədən çıxmaq tövsiyə edilir, bunun üçün şərait yaradılır. Hazırda dəqiq nə qədər azərbaycanlı ailəsinin Krımdan çıxdığının məlum olmadığını deyən R.Hümbətovun sözlərinə görə, köç davam edir. Miqrasiya məsələləri üzrə digər ekspert Azər Allahverənov da hesab edir ki, Krımda hadisələr şiddətlənərsə, azərbaycanlıların ölkəmizə axınının kəskinləşməsi ehtimalı yüksəkdir: "Ukrayna hadisələri ölkə daxilində gedən porses idi. Hakimiyyətin dəyişməsi birmənalı şəkildə Ukrayna ərazisində yaşayan azərbaycanlılara təsir etmirdi. Lakin proseslərin sonradan gərgin məcaraya keçməsi və xüsusilə Rusiyanın hərbi müdaxiləsi ilkin olaraq Ukraynada əmək fəaliyyəti ilə məşğul olan azərbaycanlıların Azərbaycana qayıdışına səbəb ola biləcək bir haldır. Hətta artıq az sayda geri dönmələr var. Tarixən Ukrayna ilə Azərbaycan arasında çox intensiv miqrasiya prosesləri olub. Amma indi oradan gələnlərin sayı daha çoxdur. Bu da onu göstərir ki, Ukrayna ilə Azərbaycan arasında olan miqrasiya prosesləri əsasən birtərəflidir. Ancaq bu hələ kütləvi axın demək deyil. Çünki hadisələr məhdud coğrafi çərçivədə baş verir. Ukrayna hökuməti tez bir zamanda sabitliyə nail olmayacaqsa, bu, bilavasitə azərbaycanlıların ziyanına işləyən hadisə olacaq. Yəni onların müəyyən qisminin Azərbaycana qayıdışına səbəb ola bilər". Qeyd olunduğu kimi, bütün bunlar nəticə etibarı ilə ölkənin mənzil bazarına da öz təsirini göstərir və bahalaşmaya yol açır. Təbii ki, paytaxtda gedən söküntü prosesi bahalaşmanı daha da sürətləndirir. Məsələ burasındadır ki, söküntüyə görə əhaliyə verilən kompensasiya indi daha sürətlə əmlak bazarına daxil olaraq tələbi artırır. Bu vəziyyətdə isə qiymətlər istər-istəməz yüksəlir. Xatırladaq ki, hazırda söküntü işləri Bakının "Sovetski" adı ilə məşhur olan hissəsində gedir. Perspektivdə isə şəhərin mərkəzi hissəsində söküntü işlərinin miqyasının genişlənməsi gözlənir. Məsələn, məlumdur ki, Heydər Əliyev Sarayından başlayan və Füzuli meydanındakı dairəyədək çatdırılan bulvar zolağı gələcəkdə Hüseyn Cavid parkınadək uzanacaq.
Mənzillərin bahalaşmasına, söküntü ilə yanaşı, təkan verən digər amillər də var. Onlardan biri daxili bazarda pul kütləsinin çoxalmasıdır. Bu gün Azərbaycanda iri tikinti, infrastruktur layihələri həyata keçirilir, regionların inkişaf proqramlarına böyük vəsaitlər xərclənir. Bu pulların bir hissəsi dolayısı yollarla daşınmaz əmlaka daxil olur və burada qiymət təzyiqi yaradır. Ekspertlər deyir ki, əmlakın bahalaşmasına ölkədə artan pul kütləsi mühüm səbəbdir. Digər tərəfdən, artıq məlumat verildiyi kimi, son vaxtlar ucuz mənzillərin sayının azalması da qiymət artımını şərtləndirib. İpoteka kreditinin artan məbləği bu bazarda bir təzyiq yaradır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...