Qızıl Azərbaycanda daha sürətlə bahalaşacaq

Tarix: 17.03.2014 / 08:23
Bölmə: İqtisadiyyat

Son dövrdə dünya bazarlarında, eləcə də Azərbaycanda qızılın qiyməti durmadan artır. Bahalaşmanın Azərbaycanda daha sürətli xarakter ala biləcəyinə dair isə yeni iddialar indi daha çox müzakirə predmetinə çevrilməkdədir. Nə qədər qəribə olsa da, buna səbəb kimi "Moskva" ticarət mərkəzində baş verən yanğın göstərilir.
Xatırladaq ki, "Moskva" ticarət mərkəzinin mərtəbələrarası eskalator və ona yaxın birinci mərtəbədə yerləşən zinət əşyalarının satışı üçün quraşdırılmış taxtadan ibarət vitrinin yanar konstruksiyaları 50 kvadratmetr sahədə yanıb. Ticarət mərkəzinin qalan hissəsi yanğından mühafizə olunub. Yanan yerlərdə isə əsasən qızıl məmulatlarının satıldığı bildirilir. Satıcılar da iddia edir ki, yanğın nəticəsində burada olan qızılların hamısı əriyib. Elə bu fonda da qızıl bazarında müəyyən qıtlığın yaranacağı və bunun da bahalaşmaya səbəb olacağı iddia edilir. Lakin bu iddiaların əksinə olanlar da var. Məsələn, iqtisadçı ekspert Vüqar Bayramov bildirib ki, "Moskva" univermağında zinət əşyalarının yanması qiymətlərə təsir göstərməməlidir: "Çünki qızılın ölkəyə gətirilməsi ilə bağlı şərtlər dəyişdirilməyib. Qızılın qiymətində artım baş verəcəksə, bu artıq iqtisadi əsaslı deyil, süni qiymət artımı olacaq. İqtisadiyyat və Sənaye Nazirliyi birmənalı şəkildə bazarda qızılın qiymətinin artmasına qarşı mübarizə aparmalıdır. Sahibkarlar yanğın nəticəsində onlara dəyən ziyanı vətəndaşların cibindən çıxarmamalıdır. Bu nə iqtisadi, nə də hüquqi baxımdan doğrudur."
Ekspertin sözlərinə görə, Azərbaycanda qızılın qiyməti dünya bazarına görə müəyyənləşdirilir":Azərbaycan sahibkarları qızılı daha çox Türkiyə və Birləşmiş Ərəb Əmirliyindən idxal edirlər. Dünya bazarında qızılın qiymətinin artması müşahidə edilir. Son 6 ayda dünya bazarında qızılın qiyməti təxminən 7% artıb, son bir ayda isə 5% artım qeydə alınıb. Bu baxımdan dünya bazarında qızılın qiymətinin artması Azərbaycanda qızılın istehlak bazarında qiymətlərin artmasına səbəb ola bilər".
Hazırda dünyada qızılın qiymətləri sürətlə artmaqdadır. Səbəb son makroiqtisadi göstəricilərin dərcindən sonra investorların ABŞ iqtisadiyyatına etibarının azalması ilə bağlıdır. Nəticədə qlobal bazarda maliyyə vəsaitləri ABŞ-ın qiymətli kağızlarının yox, qızılın alınmasına yönəldilir. Hazırda qızılın hər unsiyasının qiyməti 1360 dollara çatıb. Bir çox investorlar gözləyirdi ki, ABŞ-da faiz dərəcələri artacaq, qızılın qiyməti isə azalacaq. Amma ilin əvvəlindən əks proses gedir. Ekspertlər qızıl bazarında növbəti qiymətin yaxın tezlikdə 1450 dollara çatacağını proqnozlaşdırır.
Mütəxəssislər onu da qeyd edirlər ki, qızılın unsiyasının qiyməti 1500 dolları keçərsə, qiymət artımı 2000 dollara kimi davam edə bilər. Artıq İsveçrənin UBS bankı da 2014-cü il üzrə qızıl qiyməti üçün proqnozunu 1200 dollardan 1400 dollara yüksəldib. Qızılın qiymətinə təsir göstərən faktorlara gəldikdə, rəylərə görə, investorların öz vəsaitlərini qızılla saxlamaq niyyətləri buna təsir edir. Yəni investorların qızıla vəsait yönəltməsi onun bahalaşmasına yol açıb. Bütün bunlar isə Azərbaycana da təsirsiz ötüşməyəcək. Ekspertlər bildirir ki, baş verən bahalaşma tendensiyası qiymətli metal sahəsi üzrə Azərbaycanda gəlirlərin çoxalması ilə nəticələnəcək. Lakin təbii ki, qızılın qiymətində bahalaşma halları müşahidə olunursa, belə vəziyyət ondan hazırlanan məhsulun, xüsusən də daş-qaşın qiymətlərinin bahalaşmasında özünü göstərir. Bu hal isə heç də əhalinin maraqları çərçivəsində deyil. Digər tərəfdən, Azərbaycanın maliyyə bazarında pul kisəsinin həddən artıq çox olması ilə əlaqədar inflyasiyanın davamlı olacağını düşünsək, bankların özlərinin də ehtiyatların bir hissəsini qızıla yatırması halları müşahidə ediləcək. Belə vəziyyətdə qızılın qiymiətində daha çox artım gözlənir. Təbii ki, bu hal Azərbaycan bazarlarında özünü dərhal göstərəcək. Ekspertlərin də sözlərinə görə, dünya bazarında qızılın bahalaşması Azərbaycanda əsasən zinət əşyalarının qiymətinə təsir edəcək. Çünki Azərbaycan, bir qayda olaraq, qızılı idxal edən ölkədir. Bu baxımdan dünya bazarında bahalaşma Azərbaycanda qızıl-zinət əşyalarının bahalaşmasına gətirib çıxaracaq və bu hal bazarlarda özünü tezliklə büruzə verəcək.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...