Quş əti maraqlı səbəblərdən bahalaşmağa başladı

Tarix: 14.03.2014 / 08:18
Bölmə: İqtisadiyyat

Bayrama çox az müddət qaldığı bir vaxtda diqqət çəkən hadisələrdən biri də bazarlarda artıq özünü göstərən bahalaşmadır. Müxtəlif növ ərzaq məhsullarının, xüsusən də kənd təsərrüfatı mallarının qiymətində artım müşahidə olunur. Araşdırmalar isə bahalaşmanın daha çox qüş ətində özünü büruzə verdiyini göstərir.
Dövlət Statistika Komitəsinin məlumatına görə, ötən ay diri heyvanlar və heyvandarlıq məhsullarından diri qoyun və keçilərin istehsalçı qiymətləri 3%, qoyun ətinin 0,8%, camışın 0,6%, südün 0,1%, quş ətinin 4,9%, yumurtanın istehsalçı qiymətləri 0,3% bahalaşıb. Göründüyü kimi, daha çox bahalaşma özünü quş ətində göstərib.
Qeyd edək ki, Azərbaycanda illər üzrə quş ətinin istehlak həcmi artır. Tələbatı ödəmək üçün bir sıra, eləcə də qonşu ölkələrdən idxal həyata keçirilir. Yeri gəlmişkən qeyd edək ki, Azərbaycana Türkiyə və İrandan, hətta Braziliyadan toyuq əti gətirilir. Həmin ölkələrin özündə də quş ətində bahalaşma hiss olunur. Bu isə Azərbaycana ixracda özünü mütləq şəkildə büruzə verir. Onu da qeyd edək ki, hazırda ət və ət məhsullarının qiymətinin bahalaşması prosesi bütün dünyada gedir. Son aylar dünya miqyasında, ərzaqla bərabər, ət və ət məhsullarının da qiymətində yüksəlmə tendensiyaları müşahidə olunur. Dünyada cərəyan edən proseslər isə əvvəl-axır Azərbaycana da sirayət etməlidir. Bu mənada hazırda hökumətin qarşıya qoyduğu əsas məqsədlərdən biri quş ətinə olan tələbin yerli istehsal hesabına ödənilməsidir. Yeri gəlmişkən qeyd edək ki, bununla əlaqədar "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı"na uyğun olaraq, əhalinin qida məhsullarına olan tələbatının yerli istehsal hesabına ödənilməsi, ərzaq məhsulları ilə özünütəminetmə səviyyəsinin daha da yüksəldilməsi istiqamətində tədbirlər davam etdirilir. Bu istiqamətlərdən biri də quş ətinə olan tələbatın tamamilə yerli məhsullar hesabına ödənilməsidir. Qeyd edilən istqamətdə müəyyən addımlar atılıb. Belə ki, sənaye üsulu ilə quş əti istehsalının, torpaq vergisi istisna olmaqla, bütün vergilərdən, eləcə də quşçuluq üçün avadanlıqların idxalının gömrük rüsumu və əlavə dəyər vergisindən azad olunması, yeni texnologiyaların tətbiqi bu sahənin inkişafını müəyyən təkan verib. Digər dövlət dəstəyi tədbirləri ilə yanaşı, quşçuluq sahəsində investisiya layihələrinə güzəştli kreditlərin verilməsi də bu sahənin inkişafına təsir göstərir. Belə ki, son illərdə Sahibkarlığa Kömək Milli Fondu tərəfindən müasir texnologiyalara əsaslanan və illik istehsal gücü 55 min ton quş əti, 84 milyon damazlıq yumurta və 164,5 milyon əmtəəlik yumurta olan 39 quşçuluq təsərrüfatının maliyyələşdirilməsinə 98 milyon manatdan çox güzəştli kredit verilib. Görülən işlərin nəticəsidir ki, son 3 ildə quş əti istehsalı 1,5 dəfədən çox artaraq 2013-cü ildə 97.3 min tona, o cümlədən sənaye üsulu ilə quş əti istehsalı 2,6 dəfə artaraq 55 min tona çatıb. Bununla belə, quş ətinə olan tələbatın tamamilə ödənilməsi üçün, yuxarıda qeyd olunduğu kimi, idxala ehtiyac var. Halbuki, tələbatın sırf yerli istehsal hesabına ödənilməsi və bu sahədə ixrac potensialının yaradılması üçün geniş imkanlar var.
Araşdırmalar həm də onu göstərir ki, sahibkarlar əvvəlki kimi toyuq yeminin qiymətinin bahalığından şikayətlənir. Qeyd edək ki, uzun müddətdir quşçuluq biznesi ilə məşğul olanlar, o cümlədən broyler təsərrüfatları quş yeminə tətbiq olunan ƏDV-nin ləğvini istəyir. Düzdür, quşçuluq üçün avadanlıqların idxalının gömrük rüsumu və əlavə dəyər vergisindən azad olunması reallaşsa da, bu hal quş yeminə tətbiq olunmur. Elə quş əti və məhsullarında qiymət artımı həm də yem məhsullarının baha olması ilə bağlıdır. Artıq müəyyən edilib ki, həm quş ətinin, həm də yumurtanın dəyərinin 70 faizi yemə çəkilən xərclə ödənilir.
Xatırladaq ki, Respublika Quşçular Cəmiyyətinin xaricdən gətirilən quş yeminə 18 faizlik ƏDV-nin ləğv olunmasına dair təklifləri hələ də qəbul olunmayıb. Quşçular Cəmiyyətinin ölkədə quşçuluq təsərrüfatlarının inkişaf etdirilməsi, həmçinin quş əti və yumurtanın qiymətində artımın qarşısını almaq üçün ƏDV-nin ləğvinə dair Nazirlər Kabinetinə təqdim etdiyi təklifləri elə təklif olaraq qalıb. Hökumət bu istiqamətdə addımlar atmağa tələsmir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...