Ərzaq yenidən sürətlə bahalaşmağa başladı...

Tarix: 12.03.2014 / 09:00
Bölmə: İqtisadiyyat

Novruz bayramı ərəfəsində, həmişəki kimi, bazarlarda qiymət artımı müşahidə olunur. Ümumiyyətlə, son bir ayda ərzaq məhsullarının qiymət artımı rəsmən də etiraf olunur.
Dövlət Statistika Komitəsinin açıqladığı məlumatda bununla bağlı bildirilir ki, 2014-cü ilin fevral ayında ərzaq məhsullarının qiymətləri 0,8 faiz bahalaşıb, qeyri-ərzaq mallarının qiymətləri və əhaliyə göstərilən pullu xidmətlərin qiymət və tarifləri əvvəlki ayla eyni səviyyədə qalıb, ümumilikdə istehlak mallarının qiymətləri və xidmət tarifləri əvvəlki ayla müqayisədə 0,4 faiz bahalaşıb. Ay ərzində qarabaşaq yarmasının, mal və toyuq ətinin, yumurtanın, portağalın, bananın, çuğundurun, kartofun, qurudulmuş üzümün qiymətlərində ucuzlaşma, uzun və yumru düyünün, qoyun ətinin, balıq məhsullarının, kolbasa məmulatlarının, kərə yağının, zeytun və günəbaxan yağlarının, limonun, naringinin, almanın, armudun, heyvanın, narın, qozun, fındığın, şabalıdın, göyərtinin, kələmin, kökün, soğanın, sarımsağın, şəkərin, duzun qiymətlərində isə bahalaşma müşahidə olunub.
Bayram yaxınlaşdıqca qiymətlər daha da artır. İqtisadçı ekspertlər isə qiymət artımının hər bayramda hiss edilən tendensiya olduğunu deyir. Bildirilir ki, istər Novruz, istər Yeni il, istərsə də Qurban bayramında ərzaq məhsullarının qiyməti bahalaşır. Əksər hallarda bayramdan sonra da qiymətlər enmir və ya cüzi miqdarda enir. Dünya təcrübəsində isə o var ki, hökumət, iş adamları bayramla bağlı ərzaq məhsullarının daha ucuz olmasını tənzimləyir. Qeyd edək ki, ölkəmizdə bu məqsədlə yarmarkalar təşkil olunur. Lakin paytaxtda təşkil olunan bayram yarmarkaları alıcıları heç də həmişə razı salmır. Belə ki, kənd təsərrüfatı məhsullarının üzərinə yazılan qiymətlər alıcıya təqdim olunan qiymətlərlə bəzən üst-üstə düşmür. Bəzən isə yarmarkalarda qiymətlər adi bazarlardan heç də fərqli olmur. Kənd Təsərrüfatı Nazirliyi isə bu sahədə təkmilləşdirmə işlərinin aparıldığını bildirir. Kənd təsərrüfatı naziri Heydər Əsədov da bu günlərdə vurğulayıb ki, paytaxtda təşkil edilən ənənəvi yarmarkaların təkmilləşdirilməsi planlaşdırılır və bu, artıq zamanın tələbidir: "Dünya təcrübəsində bu yarmarkaların arxasında meyvə-tərəvəz logistik bazaları dayanır. Meyvə-tərəvəz logistik bazalarının təşkili, yarmarkalarla onlar arasındakı əlaqə yeni sxem üzərində qurulacaq. Logistik bazalarda iaşə obyektlərindən tutmuş anbarlara, xidmətlərə və daşınmalara qədər hər şey təşkil olunacaq. Yarmarkalar dünya ölkələrinin təcrübəsinə uyğun formada təşkil ediləcək. Bu proses müəyyən vaxt tələb edir". Hazırda bahalaşmaya səbəb olan əsas amil burada bəzi inhisarçıların bayramdan istifadə edərək daha çox qazanc götürmək məqsədilə qiymətləri artırmasıdır. Bundan başqa, məlum Ukrayna böhranı ilə bağlı olaraq son dövrlər ərzində Rusiyada bir sıra ərzaq məhsullarının qiymətində nəzərəçarpacaq dərəcədə artım müşahidə olunur. Bu, əsas etibarı ilə özünü kənd təsərrüfatı məhsullarının qiymətində büruzə verir. Bu vəziyyətdə Azərbaycandan Rusiyaya kənd təsərrüfatı məhsulları aparanlar durumdan istifadə etməyə çalışır. Söhbət şimal qonşumuzun bazarlarına daha çox miqdarda məhsul daşınması cəhdlərindən gedir. Belə vəziyyət isə, bəzi ekspertlərə görə, daxili bazarda yerli kənd təsərrüfatı məhsullarının xüsusi çəkisini azaldır və qiymət bahalaşmasına rəvac verir. Bundan başqa, ölkənin baş bankının manat - dollar nisbəti ilə bağlı siyasəti də qiymətlərə təsirsiz ötüşmür. Ekspertlər hesab edir ki, Mərkəzi Bank manatın kursu hesabına idxal inflyasiyasının təsirini minimuma endirir. Yəni manatın bahalaşması xaricdən gələn malların qiymətinin ucuz olmasını təmin edir. Ancaq eyni zamanda nəzərə almaq lazımdır ki, manatın baha olması Azərbaycan daxilində, yəni yerli istehsalı da bahalaşdırır. Nəticədə yerli istehsal sıradan çıxır. İdxal malları isə artır. O da vurğulanır ki, dünyada ərzağın bahalaşması da Azərbaycana təsir göstərir. Burada həm mövsümi məsələlər var, həm də bir sıra xammalın xaricdən gəlməsi qiymətləri bahalaşdırır. Bahalaşmanın bayrama qədər davam etməsi, bundan sonra isə qiymətlərin sabitləşməsi gözlənir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...