Azərbaycanın beynəlxalq qaz kəməri layihəsinin daha bir elementi böyük maneələrdən "düzə çıxdı"

Tarix: 19.05.2016 / 01:58
Bölmə: İqtisadiyyat

Qulu İsmayılov: "Təməlqoyma mərasimini "Cənub Qaz Dəhlizi"nin tamamlanması istiqamətində atılan ən zəruri addım saymaq olar"

"ABŞ da bu layihəyə dəstəyini davam etdirəcəyini bəyan edib"

Xəbər verdiyimiz kimi, mayın 17-də Yunanıstanın Saloniki şəhərində Trans-Adriatik boru kəməri - TAP-ın təməli qoyulub. Bununla bağlı keçirilən mərasimdə layihənin Avropanın enerji təhlükəsizliyindəki mühüm rolu bir daha vurğulanıb. Tədbirdə Azərbaycan Respublikası baş nazirinin birinci müavini Yaqub Eyyubovun rəhbərliyi ilə energetika naziri Natiq Əliyev və SOCAR-ın prezidenti Rövnəq Abdullayevdən ibarət nümayəndə heyəti iştirak edib.
Təməlqoyma mərasiminə Yunanıstan, ABŞ, Avropa Komissiyası, Albaniya, İtaliya, Türkiyə, Bolqarıstanın yüksək vəzifəli şəxsləri, o cümlədən konsorsiuma daxil olan şirkətlərin nümayəndələri qatılıb.
Yunanıstanın baş naziri Aleksis Tsipras tədbirdə çıxış edərək deyib ki, Trans-Adriatik qaz kəmərinin inşasına başlanması region üçün mühüm əhəmiyyət kəsb edir. O, enerji təhlükəsizliyinin möhkəmləndirilməsində və mənbələrin şaxələndirilməsində bu layihənin böyük rol oynadığını vurğulayıb. Baş nazir deyib ki, bu layihə regionda əməkdaşlıq körpüsünü möhkəmləndirəcək və firavanlığı artıracaq.
TAP layihəsinin icraçı direktoru Yan Bradşou Avropa üçün strateji əhəmiyyət kəsb edən bu layihənin 2020-ci ildən başlayaraq Azərbaycan qazının Avropaya nəqlini həyata keçirəcəyini diqqətə çatdırıb. Direktor bildirib ki, əsas vəzifə Xəzər qazının Avropa bazarına vaxtında çatdırılmasına, tranzit və istehlakçı ölkələrin qarşılıqlı iqtisadi maraqlarının təmin edilməsinə nail olmaqdır. TAP layihəsi Avropanın enerji təhlükəsizliyində əhəmiyyətli rol oynayacaq.
TAP layihəsinin reallaşması ilə Avropa bazarlarına yeni qazın çıxışına şərait yaranacaq. Bu fikir isə ABŞ dövlət katibi Con Kerrinin TAP-ın təməlqoyma mərasimi iştirakçılarına ünvanladığı məktubda əksini tapıb.
Sonra Azərbaycanın baş nazirinin birinci müavini Yaqub Eyyubov mərasimdə çıxış edib. TAP üzrə işlərin cədvələ uyğun aparılacağına əminliyini vurğulayan Y.Eyyubov bildirib ki, bu layihə Avropa ölkələrinə enerji təhlükəsizliyi məsələsində ciddi dəstək verəcək. O deyib ki, "Cənub Qaz Dəhlizi" layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil edilən Azərbaycan qazının Avropaya nəqli nəzərdə tutulur. TANAP-a qoşulacaq bu boru kəməri ilə ilkin mərhələdə Avropaya ildə 10 milyard kubmetr mavi yanacaq çatdırılacaq.
Avropa Komissiyasının enerji birliyi üzrə vitse-prezidenti Maroş Şefçoviç Azərbaycanın təşəbbüsü ilə reallaşdırılan "Cənub Qaz Dəhlizi"nin müasir dövrün ən böyük infrastruktur layihəsi olduğunu deyib.
Gürcüstanın baş naziri Georgi Kvirikaşvili isə Azərbaycanın və Gürcüstanın uğurlu enerji əməkdaşlığından danışıb, ölkələrimizin birgə nəhəng layihələri həyata keçirdiyini qeyd edib.
"Türkiyə TAP və TANAP layihələrinə sonadək dəstək göstərəcək". Bu fikri isə mərasimdə çıxış edən Türkiyənin enerji və təbii sərvətlər naziri Berat Albayrak söyləyib. Mərasim TAP-ın təməlinə qoyulacaq boru kəmərinin imzalanması ilə başa çatıb.
TANAP-a üzv olmayan ölkələr bundan sonra layihə üçün hər hansı bir problem yarada bilərmi? Bu təməlqoymanın Azərbaycan üçün önəmi nədən ibarətdir?
İqtisadçı Qulu İsmayılov qəzetimizə açıqlamasında bildirdi ki, bu olduqca önəmli bir layihədir: "Xüsusilə də Avropa ölkələri öz enerji təminatlarını tam həll etmək üçün bu layihəyə dəstək verdilər. Məlum olduğu kimi, Avropanın əhəmiyyətli bir hissəsi Rusiya qazından asılı vəziyyətdədir. Düzdür, bu layihənin reallaşması Rusiyanın marağında deyil. Bütün mümkün təsirlər oldu, ancaq hesab edirəm ki, təhlükə arxada qaldı.
Xatırladım ki, TAP-ın səhmdarları SOCAR (20%), BP (20%), "Snam" (20%), "Fluxys" (16%), "Enagas" (16%) və "Axpo" (5%) şirkətləridir. Bu şirkətlərin çoxu Avropanın aparıcı dövlətlərinə məxsusdur. Kəmərin uzunluğu 878 km-dir. İstər maddi təminat, istərsə də kəmərin təhlükəsizliyinin təminatı baxımından pis nəsə vəd olunmur. Azərbaycan üçün də TANAP-ın önəmi böyükdür. "Cənub Qaz Dəhlizi" vasitəsilə Azərbaycandan Avropaya 10 milyard kubmetrdən çox qaz nəql olunacaq. Bu layihənin reallaşması ilə Avropa bazarına yeni qaz çıxacaq.
Buna görə, nəinki "Cənub Qaz Dəhlizi", o cümlədən Yunanıstan-Bolqarıstan qaz təchizatı ilə bağlı işlər davam etdirilməlidir. TAP və "Cənub Qaz Dəhlizi" Avropanın enerji təhlükəsizliyinə töhfə verəcək. Təməlqoyma mərasimini "Cənub Qaz Dəhlizi"nin tamamlanması istiqamətində atılan ən zəruri addım saymaq olar. ABŞ da bu layihəyə dəstəyini davam etdirəcəyini bəyan edib".
Məhəmmədəli QƏRİBLİ

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...