Ziyad Səmədzadə valyuta kreditləri barədə çıxışında iki hədəfi dəqiq vurdu - bankların soyğunçuluğu və...

Tarix: 19.05.2016 / 01:28
Bölmə: İqtisadiyyat

Əli Əlirzayev: "Hesab edirəm ki, əsassız gəlirləri devalvasiyadan əziyyət çəkənlərə yönəltmək üçün hüquqi baza yaradılmalıdır"

"Vətəndaş dollarla kredit götürəndə haçansa devalvasiya olacağını bilmirdi"

Xəbər verildiyi kimi, Milli Məclisin plenar iclasında İnzibati Xətalar Məcəlləsinə dəyişikliklər müzakirə edilib. Dəyişiklik banka aidiyyəti olan şəxslər və ya aidiyyəti olan şəxs adından hərəkət edən şəxslərlə əməliyyatların aparılması qaydalarının pozulması ilə bağlıdır.
Təklif edilən dəyişikliyə əsasən, banklara və bank olmayan kredit təşkilatlarına aid olan şəxslərlə əqdlərin bağlanması qaydalarının pozulmasına, həmçinin belə əqdlərlə əlaqədar qanunla müəyyən edilmiş qaydada məlumatların təqdim edilməməsimnə görə vəzifəli şəxslər 2 min manatdan 2 min 500 manatadək miqdarda, hüquqi şəxslər 15 min manatdan 20 min manatadək miqdarda cərimə ediləcək.
Qanun layihəsinin müzakirəsi zamanı millət vəkili Fazil Mustafa bildirib ki, əsas məsələ vətəndaşa dəstək verməkdir: "Banklara dəstək verilir, ancaq hələ də vətəndaşlara dəstək verilməsi hallarını görmürük. Dollarla kredit götürən insanlar devalvasiyanı proqnozlaşdıra bilməzdi. Vətəndaşların kredit borcları ilə bağlı yaxın vaxtlarda Milli Məclisdə qanunlara dəyişikliklərin müzakirəsini gözləyirəm".
Müzakirələr zamanı İqtisadi siyasət, sənaye və sahibkarlıq komitəsinin sədri Ziyad Səmədzadə banklarla bağlı maraqlı məqamlara toxunub: "Bütövlükdə bank sektorunda yaranmış vəziyyət dərindən araşdırılmalıdır. Banklar son illər xeyli əsassız gəlirlər əldə edib. Həmkarlarımız haqlı olaraq bildirir ki, həmin gəlirlərin bir hissəsindən devalvasiya nəticəsində ziyan çəkmiş vətəndaşlar üçün istifadə edə bilərik. İnanıram ki, bu məsələ ilə bağlı konsensusa nail ola biləcəyik".
Deputat əslində bu fikirlə həm bankların soyğunçuluğunu vurur, həm də əhalinin böyük bir hissəsinin ürəyincə olan mətləbdən danışır.
Həqiqətən də son illər banklar müxtəlif vasitələrlə xeyli əsassız gəlir əldə edib. Bura yüksək faiz dərəcələri, komissyon haqlar və digər məsələlər daxildir. O üzdən sözügedən gəlirlərin bir hissəsinin devalvasiyadan ziyan çəkmiş vətəndaşlar üçün istifadə edilməsinə ekspertlər necə baxır?
Məsələyə münasibət bildirən iqtisadçı alim Əli Əlirzayevin fikrincə, bunun üçün hüquqi baza yaradılmalıdır: "Devalvasiya təkcə banklardan asılı olan məsələ deyil. Bu, dünyada gedən iqtisadi proseslərlə bağlı olan məsələdir. Devalvasiya bütün sahələrə təsir göstərir, əsasən də vətəndaşlara. Ona görə də banklar vətəndaşların vəziyyətini nəzərə almalıdır. Çünki bankların da bu məsələdə az günahı olmayıb. Xüsusən də problemli kreditlərin yaranması məsələsində bankların günahı çoxdur. Kimə gəldi kredit verilib. Həmçinin, kreditlərin bir hissəsi dollarla verilib. Vətəndaş dollarla kredit götürəndə haçansa devalvasiya olacağını bilmirdi. Bilsəydilər, dollarla kredit götürməzdilər.
Banklar milli valyuta ilə kredit verilməsinə üstünlük verməli idi. O üzdən yaranan indiki vəziyyət müəyyən narazılıqlara səbəb olub. O vaxt bank sistemindəki neqativ proseslər vəziyyəti bu həddə gətirib çıxarıb. Hesab edirəm ki, əsassız gəlirləri devalvasiyadan əziyyət çəkənlərə yönəltmək üçün hüquqi baza yaradılmalıdır. Birdən-birə buna getmək çətin olar".
Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...