Avtomobil "su qiymətinə" düşə bilər

Tarix: 18.05.2016 / 02:01
Bölmə: İqtisadiyyat

Ölkənin maşın bazarında müşahidə olunan durğunluq hələ də davam edir. Elə bunun nəticəsidir ki, Azərbaycana gətirilən maşınların sayı da ötən illərə nisbətdə nəzərəçarpacaq dərəcədə azalıb. Belə ki, cari ilin yanvar-aprel aylarında Azərbaycana 1 742 ədəd avtomobil idxal olunub. Bu da əvvəlki ilin müvafiq dövrü ilə müqayisədə 11 148 ədəd, yaxud 7,4 dəfə azalma deməkdir.
Belə ki, ötən ilin yanvar-aprel aylarında bu göstərici 12 890 ədəd təşkil edib.
Avtomobil idxalının 1 509 ədədi və ya 86,63%-i əsasən adamların daşınması üçün nəzərdə tutulmuş minik avtomobilləri və digər mühərrikli nəqliyyat vasitələrinin payına düşüb. Ötən ilin eyni dövrü ilə müqayisədə bu göstərici 7,8 dəfə azalıb. Bundan başqa, hesabat dövründə ölkəyə 152 ədəd yük daşımaq üçün mühərrikli nəqliyyat vasitəsi gətirilib ki, bu da əvvəlki ilin eyni dövrü ilə müqayisədə 4,2 dəfə azdır. Maşın bazarında alverlə məşğul olanlar da yaranmış vəziyyətdən narazılıq edir. Amma məsələnin digər maraqlı tərəfi indiki durumda avtomobillərin qiymətinin xeyli ucuzlaşmasıdır. Söhbət burada əsas etibarı ilə işlənmiş avtomobillərdən gedir. Məlumatlara görə, ötən həftədən etibarən bütün banklar avtomobil kreditlərini tamamilə dayandırıb. Belə ki, banklar manatla verilən kreditlərinin dollara çevrilərək saxlanmasından ehtiyat edir. Bu vəziyyət isə avtomobil bazarında satışların yenidən azalmasına gətirib çıxarıb. Badamdar avtomobil bazarından satıcı Aley Şamilov "fins" portalına bildirib ki, avtomobil kreditlərinin dayanması ilə barterlə satış azalıb. Məsələn, ötən ay bazarda 30-40 avtomobil satılıbsa, hazırda bu rəqəm 20-30 arasındadır. Nağd şəkildə yalnız qiyməti 3000 manata kimi olan avtomobillər satılır. Nəticədə ikinci əl bazarda avtomobillərin qiyməti yenidən ucuzlaşıb. Şamilov bildirib ki, hazırda nağd satılan köhnə Almaniya avtomobilləri də ucuzlaşıb. Köhnə "Opel"lər 200-300 manat aşağı qiymətə təklif edilir. Məsələn, 1998-ci il model 1.6l mühərrikli "Opel Astra" aprel ayında 2500 manata satılırdısa, indi 2200 manata təklif edilir. Köhnə "Mercedes"lərdə qiymət fərqi 1500-2000 manatdır. Məsələn, 1.8l mühərrikli 1999-cu il model "Mercedes C Class" 7000-6500 manatdan 5300-4700 manata kimi ucuzlaşıb. Əvvəl 8500-8000 manata satılan "Mercedes E240" modellərinin son qiyməti 6500-7000 manatdır. 2001-2003-cü il model "Mercedes C200"lər də ucuzlaşıb. Belə ki, bu maşınları 1000 manat aşağı qiymətlə 5500 manata almaq olar. İstehsal tarixi 2008-ci ildən yuxarı olan avtomobillər hazırda yalnız barterlə satılır. Bununla yanaşı, barterlə satılan avtomobillərin də qiymətlərində enmə müşahidə edilir.
Ekspertlər qiymətlərin bundan sonra da müəyyən qədər aşağı düşməsini istisna etmir. Amma bütün bundan təsirlənən avtomobil bazarının özü deyil. Belə ki, avtomobil bazarında yaranan durğunluq servislərin də işinə təsir göstərib. Hətta rəsmi servisə müraciətlər xeyli azalıb. Adi avtomobil servislərinin işində də durğunluq müşahidə edilir. Avtomobil ekspertlərinin sözlərinə görə, rəsmi servislərə müraciətlərin azalması, avtomobil kreditlərinin dayanması ilə yanaşı, yeni maşın satışının azalması və rəsmi servislərdə xidmətlərin baha olmasının nəticəsidir. Adi servislərə gəlincə, sürücülər vacib olmayan xidmətlərdən istifadə etməməklə ciblərinə qənaət etməyə çalışırlar. Bundan əlavə, bazarda rəsmi servislərin qiymətlərinin digərlərinə nisbətən yüksək olması, adi müştərilərlə yanaşı, korporativ müştərilərin də itirilməsi ilə nəticələnir. Bu isə rəsmi servislər üçün daha acınaqlı vəziyyət yaradır. Eləcə də sığorta şirkətləri yaranmış durumdan əziyyət çəkir. İndiyə qədər sığorta bazarının da əsas hissəsində nəqliyyat vasitələrinin sığortası ön planda yer alıb. Sığortalanan avtomobillərin təqribən 70-80 faizini kreditlə alınanlar təşkil edir. Amma hazırda kreditləşmə zamanı banklarla işləyən sığorta təşkilatlarının yığımlarında kəskin azalmalar var. Kreditlə satılmayan avtomobillərin də sayının ötən illərə nisbətən azalması sığorta bazarına təsir göstərib.
Çünki insanlar, adətən, avtomobili yeni alarkən onu məcburi və ya könüllü şəkildə sığortalamağa daha çox meylli olurlar.
İndi həm satışın, həm də idxalın azalması sığorta bazarına mənfi təsir göstərib. Bütün bunlar isə avtomobil bazarında yaranan durğunluğun miqyasının kifayət qədər geniş olduğunu göstərir.
Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...