Azərbaycanın xarici investisiyalar üçün cəlbediciliyi - Prezidentin və məmurların yanaşması...

Tarix: 13.05.2016 / 02:58
Bölmə: İqtisadiyyat

Günel Fərhadqızı: "Hətta bir müddət əvvəl Prezident yerli icra hakimiyyətlərinə də müstəqil şəkildə xarici sərmayəni cəlb etməklə bağlı tapşırıq verdi"

"Xarici sərmayəni bura cəlb edən istər əcnəbi, istərsə də yerli vətəndaşlarımız bürokratik əngəllərlə üzləşməməlidir"

Azərbaycan Prezidenti İlham Əliyev Fransa Sahibkarlar Təşkilatının - MEDEF-in nümayəndə heyəti ilə görüşdə bildirib ki, son illər ərzində iqtisadi nailiyyətlər böyük təəssürat bağışlayır: "Biz bir çox sosial məsələlərin həllinə nail olduq. Yoxsulluğu 5 faizə qədər azaltdıq, işsizlik demək olar ki, eyni səviyyədədir və ölkəmizdə münbit sərmayə şəraiti mövcuddur".

Prezident qeyd edib ki, son 15 il ərzində Azərbaycana 200 milyard dollardan artıq vəsait sərmayə kimi yatırılıb:

"Həmin investisiyaların yarısı xarici sərmayələrdir. Düzdür, xarici sərmayələrin əksər hissəsi neft və qaz sektoruna yatırılmışdır. Hazırda isə iqtisadiyyatın digər sahələrinə daha çox diqqət yetirilməlidir. Birmənalı olaraq neft qiymətləri ilə bağlı vəziyyət iqtisadiyyatımıza mənfi təsir göstərmişdir. Bu əsasən əvvəllər əldə etdiyimiz gəlirlərlə bağlıdır.

İndi isə qiymətlərin üç-dörd dəfə aşağı düşdüyü dövrdə gəlirlərimiz də müvafiq olaraq üç-dörd dəfə azalmışdır. Biz bunu islahatların daha fəal qaydada həyata keçirilməsi ilə əvəzləmək və qeyri-neft sektoruna daha çox diqqət yönəltmək istəyirik.

Bu sektor hazırda ümumdaxili məhsulun təxminən 70 faizini təşkil edir və hesab edirəm ki, bu, şaxələndirmənin yaxşı göstəricisidir. Lakin biz daha çox çalışmalıyıq. 2016-cı il üçün nəzərdə tutduğumuz planlar sabitləşmə ilə bağlıdır. Bu artıq baş verir.

Hazırda maliyyə vəziyyəti sabitdir. Eyni zamanda, büdcə gəlirləri yaxşı səviyyədədir. 2017-2018-ci illər qeyri-neft sektorunun çox fəal inkişaf illəri olacaq. Dövlət və özəl sərmayələr artıq planlaşdırılıb. Əlbəttə, infrastruktur layihələri prioritet olacaq.

Həmçinin maraqlı olduğumuz sahələrə xarici sərmayələri gözləyirik. Biz sərmayədarların maraqları ilə ölkəmizin maraqları arasında tarazlığı tapmalıyıq. Bu günə qədər, fikrimcə, biz bu vəzifənin öhdəsindən gəlmişik. Lakin bu il yeni iqtisadi vəziyyət ilidir.

Dəfələrlə qeyd etdiyim kimi, biz artıq neftdən sonrakı dövrə qədəm qoymuşuq. Demək olmaz ki, neft və qaz erası bitib. Sadəcə, biz bu faktoru kənara qoymalıyıq və öz iqtisadi strategiyamızı elə formalaşdırmalıyıq ki, sanki bizdə neft və qaz yoxdur".

Göründüyü kimi, Prezident yenidən ölkəyə xarici sərmayənin cəlbində maraqlı olduğumuzu bildirib. Bunun üçün məmurlarımız hansı işləri həyata keçirməlidir?

İqtisadçı Günel Fərhadqızı "Bakı-Xəbər"ə açıqlamasında bildirdi ki, ölkə başçısının dəfələrlə çıxışında bu məqama toxunduğunu görürük: "İstənilən ölkənin iqtisadiyyatı üçün böyük önəm kəsb edən məsələdir. Hər bir ölkə xarici sərmayənin cəlbində maraqlıdır. Azərbaycan üçün hazırda bunun xüsusi əhəmiyyəti var. Çünki biz neftdən itirdiklərimizi iqtisadiyyatın digər sahələrindən gələn qazancla kompensasiya etməliyik. Bunun üçün ölkəyə nə lazımdırsa edilib. Yəni ortaya böyük siyasi iradə qoyulub. Qanunvericilik bazası təkmilləşib. Bir sözlə, maneə törədən nəsə yoxdur. Hətta bir müddət əvvəl Prezident yerli icra hakimiyyətlərinə də müstəqil şəkildə xarici sərmayəni cəlb etməklə bağlı tapşırıq verdi. Amma təəssüflər olsun ki, hələ də dediyimiz sahədə irəliləyiş görmürük. Məmurlarımız bu məsələyə böyük önəm verməlidir. Xarici sərmayəni bura cəlb edən istər əcnəbi, istərsə də yerli vətəndaşlarımız bürokratik əngəllərlə üzləşməməlidir. Yersiz yoxlamalar, süründürməçiliyə yol verilməməlidir. Yəni bu elə bir prosesdir ki, tək Prezidentlə həll edilmir. Hər bir məmur bu sahədə öz məsuliyyətini dərk etməlidir".

Məhəmmədəli QƏRİBLİ

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...