Azərbaycanın hələ də çözülməyən çay problemi...

Tarix: 07.03.2014 / 12:05
Bölmə: İqtisadiyyat

Məlum olduğu kimi, ölkədə çayçılıq hələ də özünün tənəzzül dövrünü yaşayır.Belə ki, ölkədə çayçılığın əvvəlki şöhrətini geri qaytarmaq hələlik mümkün olmayıb. Eyni zamanda, burada istehsal sahələri də sürətlə azalır.
Bu işlə məşğul olan fermerlər isə, əvvəlki kimi, onlara da sərfəli şərtlərlə güzəştli kreditlərin verilməsini istəyirlər. Əksər ekspertlər də hesab edir ki, ölkədə çayçılıqla məşğul olan fermerlərə uzunmüddətli kreditlər verilməsə və bu sahəyə xüsusi yanaşma tətbiq edilməsə, satışda yerli çay tapmaq müşkülə çevriləcək. Fermerlərin sözlərinə görə, bunun əsas səbəbi çay plantasiyalarının əhaliyə pay torpaqları kimi verilməsi, bu sahəyə investisiya qoyuluşunun dayandırılması olub. Üstəlik, çayın satınalma qiymətlərinin aşağı düşməsi də çayçılığa marağı azaldır.
Onu da qeyd edək ki, yerli çay keyfiyyətinə görə də həmişə fərqlənib. Lakin satışda yerli çayın indi az olması halında bazara daha çox keyfiyyətsiz çaylar daxil olur. Bunu şərh edən Azad İstehlakçılar Birliyinin sədri Eyyub Hüseynov qeyd olunan xüsusda maraqlı açıqlamalar verir: "Hazırda satışda olan qablaşdırılmış quru çayların keyfiyyəti barədə birmənalı fikir söyləmək mümkün deyil. Belə ki, istifadə etdiyimiz əksər quru çaylar dəmlənəndən yarım saat sonra dadını, rəngini itirir, bulanıq suya oxşayır".
Onun sözlərinə görə, bu, çay istehsalçılarının məhsulun tərkibinə boyayıcı maddələr əlavə etdiklərini deməyə əsas verir: "Bununla belə, Azərbaycanda çay bazarında satılan qablaşdırılmış çayın tərkibi ilə bağlı fikirlər mübahisəlidir. Satışdakı çayların keyfiyyətsizliyi ilə bağlı təşkilatımıza çoxlu sayda şikayət daxil olur. Azad İstehlakçılar Birliyi çayın tərkibini araşdırmaqla məşğul olub. İstehlakçılar belə hesab edirlər ki, məhsula kimyəvi rəng qatılır. Qara çayı soyuq suya atanda bir anın içərisində rəng verir. Çay yığılandan sonra qurudulur, fermentasiya olunur. Məhsula aromatik maddələr qatılır. Halbuki, əvvəllər Azərbaycanda yetişdirilən ənənəvi çay dəmləndikdən sonra rəng verirdi".
Eyyub Hüseynov SİA-ya açıqlamasında qeyd edib ki, Azərbaycana çaylar emaldan keçəndən sonra gətirilir və burada qablaşdırılır: "Şri-Lanka və Hindistanla əlaqələr saxlayıb bu işə aydınlıq gətirməyə cəhd etmişik, lakin nəticələr əldə edə bilməmişik. Vətəndaşlara məsləhət görərdik ki, yaşıl çaylara üstünlük versinlər. Çünki yaşıl çaylar emal prosesi zamanı fermentasiyaya məruz qalmır".
Beləliklə, deyilənlərdən bəlli olur ki, hazırda istifadə olunan çay səhhətimiz üçün əlavə problemlər yaratmaqdan başqa heç nəyə xidmət etmir. Bu sahə üzrə ekspertlər bildirir ki, çay istehsalında ən vacib şərt xammalın keyfiyyətli olmasıdır. Digər ən vacib şərtlərdən biri də emal olunmuş hazır məhsulun normal şəraitdə saxlanmasıdır. O da xüsusi olaraq vurğulanır ki, keyfiyyətli məhsul üçün ən yaxşısı yerli məhsullardan istifadə olunmasıdır. Azərbaycanda çay istehsalının zəifləməsinə səbəb olan amillərdən biri də xarici ölkələrdən gətirilən aşağı keyfiyyətli və ucuz qiymətli çaylardır. Mütəxəssislər deyir ki, daxili istehsalı artırmaqdan ötrü gərgin iqlim şəraitimizdə çayın becərilməsi üçün lazımi aqrotexniki qulluq aparılmalı və sahələr vaxtında gübrələnməlidir. Yalnız bu halda yüksək keyfiyyətli çay əldə etmək olar. Çay istehsalçılarının sözlərinə görə, ölkədə becərilən çay qiymətinə görə ən bahalı çaylarla rəqabət apara bilər. Bildirilir ki, vaxtilə Azərbaycanda çay plantasiyalarının sahəsi 13 min hektara çatırdısa, indi bu rəqəm dəfələrlə aşağı düşüb. Nəticədə yerli məhsul ölkənin daxili tələbatının çox cüzi hissəsini ödəyə bilir. Məlumat üçün qeyd edək ki, Azərbaycanda çayçılığın inkişafı üçün ən perspektivli region cənub bölgəsidir. Burada çayçılığın inkişafı istiqamətində müəyyən addımlar atılsa da, hələlik istənilən nəticə yoxdur. Hazırda Azərbaycanda çay plantasiyaları çox azdır. Bu üzdən çay istehsalçıları çayın böyük hissəsini xarici ölkələrdən alır. Onu da bildirək ki, yaxın keçmişdə çay istehsalı və emalında 65-70 min adam işləyib. İndi isə bu sahədə işləyənlərin də sayı həddən artıq azdır. Bu mənada çayçılığın dirçəldilməsi həm də əlavə iş yerlərinin yaranmasına səbəb ola bilər.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...