Fəaliyyəti dayanan sığorta şirkətlərinin sayı arta bilər

Tarix: 07.03.2014 / 11:54
Bölmə: İqtisadiyyat

Ölkədə sığorta şirkətlərinin məcmu kapitalı ilə bağlı yeni tələblərin qüvvəyə minməsindən sonra fəaliyyətini dayandıracaq sığorta şirkətlərinin sayının artacağına dair verilən proqnozlar özünü doğrultmaqdadır. Belə ki, Azərbaycan Maliyyə Nazirliyi tərəfindən iki sığorta şirkətinin lisenziyasının qüvvəsi dayandırılıb.
Məcmu kapitalı qanunvericiliklə müəyyən olunmuş, sığortaçının tələb olunan kapitalının minimum məbləği səviyyəsinə uyğun olmaması ilə əlaqədar "Günay Sığorta" və "Royal Sığorta" şirkətlərinin sığorta fəaliyyətinə verilmiş lisenziyaların qüvvəsi dayandırılıb.
Bu arada onu da qeyd edək ki, Maliyyə Nazirliyi tərəfindən lisenziyası dayandırılmış "Günay Sığorta" şirkəti yaxın vaxtlarda yenidən lisenziyasını bərpa etmək niyyətindədir. Şirkətdən "fins" portalına bildiriblər ki, Maliyyə Nazirliyinin müvafiq əmrinə əsasən, lisenziyanın qüvvəsinin dayandırılması barədə fevralın 26-da şirkətə rəsmi məktub daxil olub. Buna əsasən, həmin gündən şirkətin fəaliyyəti dayandırılıb. Şirkətdən o da bildirilib ki, hazırda tələb olunan şərtlərin yerinə yetirilməsi, yəni məcmu kapitalın tələb olunan həddə çatdırılması üçün işlər aparılır. Buna əlavə səhmlərin buraxılması hesabına nail olmaq nəzərdə tutulur.
Xatırladaq ki, məcmu kapitalla bağlı yeni tələblərə görə, sığorta sahəsində çoxdan fəaliyyət göstərən, həm də yeni yaradılmaqda olan sığorta şirkətləri üçün minimal kapitala qarşı tələb 5 milyon manat səviyyəsində qalır. Həyat sığortası ilə məşğul olan yeni sığorta şirkətləri üçün minimal tələb 10 milyon manat təşkil edir. Bu sahədə çoxdan fəaliyyət göstərən şirkətlər üçün də tələb 10 milyon manat təşkil edir, lakin onlar üçün minimal tələblərin artırılması təsdiq edilmiş cədvəl əsasında həyata keçiriləcək. Bu cədvəl 2017-ci ilə qədər hesablanıb. Elə buna əsasən, 2015-ci il yanvarın 1-nə həyat sığortaçılarının məcmu kapitalı 6,5 milyon manat, 2016-cı il yanvarın 1-nə 8 milyon manat, 2017-ci il yanvarın 1-nə 10 milyon manat səviyyəsində olmalıdır.
Təkrar sığorta şirkətlərinə gəlincə, onlar üçün kapital üzrə minimal tələblər 20 milyon manata qədər artırılıb. Yeni yaranan təkrar sığorta şirkətləri üçün də kapitala dair tələblər 20 milyon manat təşkil edəcək. Bundan başqa, "Sığorta Fəaliyyəti Haqqında" Qanunda edilmiş son dəyişikliklərə uyğun olaraq, başqa ölkələrin praktikasında olduğu kimi, faliyyətinin əsasını sığorta işi təşkil edən şirkətlər üçün sığorta və təkrar sığorta fəaliyyətinin lisenziyalaşdırmasını ayırmaq qərarı verilib. Bu şirkətlərin eyni zamanda həm də təkrar sığorta ilə məşğul olması üçün ayrıca lisenziya almaları vacibdir. Bununla əlaqədar olaraq təkrar sığorta fəaliyyətinə lisenziya almaq üçün şərtlərdən biri sığorta fəaliyyəti üçün lazım olan kapitaldankənar əlavə kapitalın mövcud olmasıdır. Hazırda bu əlavə kapital 2,5 milyon manat, 2015-ci il yanvarın 1-dən 5 milyon manat səviyyəsində olmalıdır. Amma mütəxəssislərin fikrincə, yeni tələblər sığorta bazarında fəaliyyəti zəiflədəcək. Xüsusən də kapitalla bağlı bu hal özünü artıq göstərir. Çünki ölkədəki 28 sığorta şirkətinin heç də hamısı kapitalını yeni həddə çatdıra bilməyəcək. Gözlənir ki, kapital tələbinə cavab verə bilməyənlər bazarı tərk edəcək. Lakin belə şirkətlərin bazarı tərk etməsi bu sahədə daha güclü rəqabət yarada bilər. İstənilən halda isə fəaliyyəti dayanan sığorta şirkətlərinin sayı artacaq. Məlumat üçün bildirək ki, 2014-cü ilin əvvəlinə sığorta şirkətlərinin ümumi kapitallaşması 270 milyon manat təşkil edib. 2013-cü ilin əvvəlinə bu göstərici 230,7 milyon manata bərabər olub. Beləliklə, ötən il sığortaçılar kapitallaşmanı, demək olar ki, 40 milyon manat artırıblar. Lakin bu hal özünü fəaliyyəti güclü, maliyyə vəsaiti böyük olan şirkətlərdə qabarıq formada büruzə verib. Ekspertlərin fikrincə, son illər Azərbaycanda həm yığılan sığorta haqlarının, həm də sığorta ödənişlərinin məbləğində əhəmiyyətli dərəcədə artım müşahidə olunur və icbari sığortanın tətbiqi ilə sığorta bazarı kifayət qədər inkişaf edib. Odur ki, bazar iştirakçılarının nizamnamə kapitalı yeni göstəricilərə uyğunlaşdırılmalıdır. Bununla yanaşı, hesab edilir ki, Azərbaycanda sığorta haqları və ödənişləri getdikcə artsa da, bu artım daha çox icbari sığortanın hesabınadır və könüllü qaydada sığortalanma lazımi səviyyədə deyil, çünki əhali sığorta şirkətlərinə inanmır. Sadəcə, böyük sığorta şirkətlərinə müəyyən inam var və bu səbəbdən də onlar kapitallarını artıra bilirlər. Digərləri isə bu gedişlə bazarı tərk etməli olacaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...