Bakını dünya gözəlinə çevirmək üçün böyük söküntülər başlayır

Tarix: 07.03.2014 / 11:51
Bölmə: İqtisadiyyat

Paytaxtda davam edən söküntü işləri hələ də cəmiyyətdə əsas müzakirə predmetinə çevrilən aktual mövzulardan biri olaraq qalır. Çünki "Sovetski"də söküntü ilə bağlı yaranan mübahisə hələ də çözümünü tapmayıb. Lakin istənilən halda aydındır ki, dövlət ehtiyacları məqsədilə buradakı bütün köhnə evlərin sökülməsi həyata keçiriləcək. Ümumiyyətlə, köhnə evlərin sökülməsi yaxın tezlikdə daha geniş vüsət alacaq.
Bunu Nəsimi Rayon İcra Hakimiyyətinin Sənədlər və vətəndaşların müraciəti üzrə iş şöbəsinin müdiri Nazim Quliyevin açıqlamaları da təsdiq edir. O, ANS-ə bildirib ki, "Xutor", "Qaraşəhər", "Sovetski", "Kubinka", "Papanin" və başqa yerlərin sökülməsi artıq neçə illərdir müzakirə olunur. Bunun üçün artıq işlər görülür: "Sakinlərin şəhərdən kənara köçmələrinə belə reaksiya vermələri, təbii ki, normaldır. O ki qaldı onların Binəyə və ya başqa yerlərə köçürülməsinə, bu yanlışdır. Sakinlər özləri haradan istəsələr, oradan da mənzil almaqda sərbəstdirlər". Amma o deyib ki, "Xutor" və "Kubinka"nın ümumi söküntüsü ilə bağlı dəqiq məlumat yoxdur: "Sökülmə nəzərdə tutulub, vaxtını isə dəqiq deyə bilmərəm". Nazim Quliyevin sözlərinə görə, ümumiyyətlə, paytaxtın bütün ərazisində memarlıq baxımından əhəmiyyət kəsb etməyən, birmərtəbəli, kommunikasiya xətti olmayan tikililərin hamısının sökülməsi və yerində parkların salınması nəzərdə tutulub. Bu bir daha təsdiq edir ki, köhnə evlərin hamısı söküləcək. Təxmini hesablamalar isə onların sayının on minlərlə olduğunu üzə çıxarır. Digər tərəfdən, buraya qanunsuz ərazilərdə tikilmiş evlər də daxildir. Düzdür, belə evlərin heç də hamısı sökülməyəcək. Lakin təhlükəli ərazilərdə olanların sökülməsi qaçılmaz sayılır. Dövlət Neft Şirkətinin yaydığı rəsmi məlumata görə, təkcə Bakı şəhərində şirkətin balansında olan mədən sahələrinin təqribən 30 faizi qanunsuz şəkildə zəbt olunub. Aydın məsələdir ki, söküləcək evlərin sayının artması daşınmaz əmlak bazarına daha çox təsir edərək qiymət artımına rəvac verəcək. Onu da bildirək ki, köhnə evlərin sökülməsi prosesi təkcə Bakının mərkəzilə məhdudlaşmır. Bu, paytaxtdan kənara doğru uzanan ərazilərdə də özünü göstərir. Xüsusən də regionların sosial-iqtisadi inkişaf proqramı ilə bağlı bu tendensiya daha da dərinləşməkdədir. İndi infrastruktur tikintisinin coğrafiyası artıq daha çox mərkəzdənkənar ərazilərə doğru genişlənməkdədir. Qeyd edək ki, 2013-cü ildən etibarən ölkədə evlərin qiymətində təxminən 12 faiz artım müşahidə olunub. Bu artımların səbəbi həm mənzillərə olan tələbat, həm də Bakıda söküntü işlərinin aparılması nəticəsində insanlara nağd şəkildə kompensasiyaların verilməsidir. İqtisadçı ekspertlər hesab edir ki, mənzillərin qiymət artımı ilin sonunda nəzərəçarpacaq dərəcədə yüksələcək.
Şəhərin mərkəzində söküntü işlərinin başa çatması ilə bağlı olaraq yeni abadlıq-quruculuq layihələrinə start veriləək. İndilikdə isə şəhərin mərkəzində və ətraf ərazilərdə söküntünün aparılması ilə əhalinin yerdəyişməsi baş verir ki, bu da bazara əlavə təzyiqlər göstərir. Evi sökülən alıcılar bazara daxil olaraq bazarda əlavə təzyiq yaradırlar ki, bu da qiymətlərin artmasına rəvac verir.
Araşdırmalara görə, 10-15 min hektar ərazi tutan şəhər mərkəzində, unikal və dövlət əhəmiyyətli obyektlər istisna olmaqla, digər inşaat işlərinin aparılması mümkün olmayacaq. Böyük Bakının Baş Planı layihəsinə görə də, paytaxtın mərkəzində sıxlığı azaltmaq baxımından bu, əhəmiyyətli xarakter daşıyır. Şəhərin mərkəzində çoxmərtəbəli binaların tikintisinin yolverilməz olduğunu deyən ekspertlər bunun onsuz da tikinti və əhali sıxlığından əziyyət çəkən mərkəzi daha da yüklədiyini bildirirlər. Bu həm də tıxacların intensivləşməsi, kommunal xətlərin, ekoloji durumun yüklənməsi deməkdir. Hazırda mənzil fondunun 30%-dən çoxunun fiziki cəhətdən yararsız hala gəldiyini deyən ekspertlər burada köhnə birmərtəbəli evlərin xüsusi çəkiyə malik olduğunu da vurğulayırlar. Şəhər mərkəzinin belə evlərdən təmizlənməsi və yerinə yaşıllıqlar salınması isə burada həm genişliyə, həm də turistlərin buradakı sayının artmasına səbəb ola bilər.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...