Taxıl və un idxalından asılılığımız hələ də problem kimi ortada...

Tarix: 07.03.2014 / 11:44
Bölmə: İqtisadiyyat

Ərzaq sferasında hökumətin qarşıya qoyduğu əsas məqsədlərdən biri də ərzaq idxalını minimum həddə endirmək və buna son qoymaqdır. Qeyd edilənlər qida rasionunda mühüm yer tutan ərzaq buğdasına da aiddir. Burada bir məqamı da xatırladaq ki, "Azərbaycanda əhalinin ərzaq məhsulları ilə etibarlı təminatına dair Dövlət Proqramı"nın məqsədi, əsasən, artıq 2015-ci ildə bu sahədə idxalı sıfıra endirməkdir.
Bu istiqamətdə indiyə qədər dövlət tərəfindən çox iş görülüb və bunun üçün dövlət tərəfindən fermerlərə böyük subsidiyalar ayrılır. Lakin hələ də istənilən nəticə hasil olmayıb.
Yaranmış durumu şərh edən millət vəkili Vahid Əhmədov qeyd edir ki, ərzaq məhsullarının bir qismi yerli istehsaldırsa, müəyyən hissəsi xaricdən idxal olunur. Onun sözlərinə görə, birinci növbədə ərzaq təhlükəsizliyini tam təmin etmək üçün taxıl istehsalına diqqəti artırmaq lazımdır: "Azərbaycan özü taxılı idxal və ixrac edir. Qarşıya qoyulan məqsədlər həll yolunu tapa bilərsə, ərzaq təhlükəsizliyi tam təmin oluna bilər. Ümumiyyətlə, ərzaq təhlükəsizliyinin təmin edilməsi bütün dövlətlər, o cümlədən Azərbaycan üçün ən əhəmiyyətli, vacib məsələlərdən biridir. İkinci ən təhlükəli problem geni dəyişdirilmiş məhsulların Azərbaycana idxal olunması, həmçinin burada istehsalın yayılmasıdır. Bu məhsulların Azərbaycana gətirilməsinin qarşısını almaq lazımdır".
Vahid Əhmədov onu da qeyd edib ki, kənd təsərrüfatının inkişafı üçün iri fermer təsərrüfatlarının yaradılmasına ehtiyac var: "Beyləqanda da belə bir fermer təsərrüfatı yaradılıb. Kənd təsərrüfatında emal sənayesinin inkişafı da olduqca vacibdir. Kənd təsərrüfatı məhsulları istehsalçılarına müddətli vergi güzəştlərinin verilməsi haqqında" Qanun təsdiqlənib. Bu sərəncamın verilməsində əsas məqsəd ərzaq təhlükəsizliyi proqramının həyata keçirilməsi üçün mühitin yaradılması, o cümlədən Azərbaycanın özünü bütün kənd təsərrüfatı məhsulları ilə təmin edə bilməsi məsələsidir. Bu güzəştlər, artıq neçə illərdir ki, tətbiq olunur və bu məsələ təqdirəlayiqdir. Edilən güzəştlər şərait yaradır ki, kəndlilər daxili və xarici bazara daha çox məhsul çıxara bilsin".
Hələlik isə, qeyd olunduğu kimi, edilən güzəştlərə və köməkliyə rəğmən, ölkədə lazımi keyfiyyətdə istənilən qədər taxıl istehsal olunmur. Hər halda, bunu ötən ilin yekunları da təsdiq edir. Belə ki, ötən il ölkəyə xaricdən buğda və un idxalı artıb. Özü də buğda idxalı 2012-ci ilə nisbətən 20 faiz artıb. Eyni dövrdə xaricdən buğda ununun idxalı isə daha kəskin surətdə çoxalıb. Hazırda ölkədə taxıla olan tələbat 3 milyon ton, buğdaya olan tələbat isə 1 milyon 700 min tondan çoxdur. Dövlət Statistika Komitəsindən verilən məlumata görə isə, ötən il ölkədə 2 milyon 938 min ton məhsul götürülüb. Ancaq bununla belə, biz hələ də özümüzü taxıl məhsulları ilə tam təmin edə bilmirik. Buna görə də xaricdən idxal həyata keçirilir. Aqrar sahə üzrə ekspertlər idxalın artımını onunla əlaqələndirir ki, yerli məhsul keyfiyyətcə ərzaq kimi istifadəyə yararsızdır. Qeyd olunur ki, ölkədə taxıllar çeşidlərə bölünmür. Heyvandarlıqda istifadə olunan buğdanın əsas hissəsi, demək olar ki, yerli buğda istehsalının hesabına ödənir. Baxmayaraq ki, həmin buğdanın keyfiyyət göstəricisi aşağıdır. Mütəxəssislər idxalın artım tendensiyasını ölkə üçün təhlükəli sayır. Bu amil gələcəkdə ölkənin ərzaq təhlükəsizliyinə də ciddi təsir edə bilər.
Kənd Təsərrüfatı Nazirliyindən isə bildirilir ki, ölkədə taxıl istehsalında məhsuldarlığın artırılması və Azərbaycanın özünü tam ərzaq buğdası ilə təmin etməsi üçün bu il də müvafiq tədbirlər görüləcək. Amma ilk növbədə, fermerlər taxıl becərmə prosesində nəzərdə tutulmuş 40-a yaxın aqrotexniki tədbirdən ən azı 20-ni tam həyata keçirməlidirlər. Yalnız bu yolla ölkədə taxıl istehsalının keyfiyyəti və miqdarını artırmaq mümkün olacaq. Lakin əksər hallarda fermerlər aqrotexniki tədbirdən heç 3-4-nü belə həyata keçirmirlər. Nəticədə qida üçün yararlı məhsul əldə olunmur. Bu səbəbdən də taxıl və un idxalı məcburi xarakter alır. Halbuki, müvafiq tədbirlər görülsə, taxıl və un idxalına birdəfəlik son qoymaq olar.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...