Almaniyaya qızıl axını və Azərbaycan...

Tarix: 06.03.2014 / 15:41
Bölmə: İqtisadiyyat

Dünya qızıl bazarında baş verənlər yenidən bütün diqqəti bu bazara yönəldib. Buna əsas səbəb isə ölkələrin öz qızıl ehtiyatlarını xarici banklardan geri çəkməyə, ölkə daxilinə cəmləşdirməyə başlmasıdır. Mütəxəssislər bildirir ki, belə vəziyyət dünya bazarında qızılın bahalaşmasına və hətta cari il ərzində bir unsiyanın qiymətinin 2000 dolları keçməsinə gətirib çıxaracaq. Hazırda qızıl ehtiyatını ölkə daxilinə cəmləşdirən ölkələrdən biri Avropanın iqtisadi mərkəzi sayılan Almaniyadır. Almaniyaya ilk olaraq 674 ton qızıl gətiriləcək. Bunun 300 tonu Nyu-Yorkdan, 374 tonu isə Parisdən gətiriləcək qızılların payına düşür. Fransadakı qızıl anbarı isə tamamilə boşaldılaraq Almaniyaya aparılacaq. Almaniya Mərkəzi Bankı xaricdəki 3 min 400 ton qızıl ehtiyatının yarısını ölkəyə gətirməyi planlaşdırır. Bundensbankın sözügedən qərarına münasibət bildirən ekspertlər isə bu vəziyyətin mərkəzi banklar arasında etibarsızlıqdan qaynaqlanmadığını və bölgə iqtisadiyyatına təsir etməyəcəyini bildirirlər. Onların fikirlərinə görə, bu, iqtisadi narahatlıqdan daha çox, ölkə siyasətinin tərkib hissələrindən biridir. Almaniyanın aparıcı banklarından olan Berenberqin baş iqtisadçısı Kristian Sçulz Bundensbankın bu qərarında heç bir makro əlaqə görmədiyini qeyd edib. Onun sözlərinə görə, AMB-nin bu qərarı maliyyə əsaslıdır və Bundensbankın ehtiyatlarına daha çox nəzarət etmək istəyi ilə əlaqədardır. Mərkəzi Hollandiyada olan, dünyanın 40-dan çox ölkəsində şöbələri fəaliyyət göstərən "İNG Group"un avrozona üzrə regional baş iqtisadçısı Peter Vanden Houte də sözügedən qızıl transferi əməliyyatının maliyyə bazarlarına təsir edəcəyini bildirib: "Mən Bundensbankın bu planını maliyyə bazarları baxımından tamamilə əlaqəsiz bir əməliyyat kimi qiymətləndirirəm. Belə ki, pul vahidlərinin qızıl tərəfindən dəstəklənməsi artıq mövcud deyil. Lakin baş verənlər qızılın qiymətinə təsirsiz ötüşməyəcək". Onu da qeyd edək ki, Almaniyanın qızıllarını xaricdə saxlamasının səbəbi soyuq müharibə illərində ölkənin işğal olunma təhlükəsinin olması idi. Xatırladaq ki, Almaniyanın qızıl ehtiyatının ümumi dəyəri 140 milyard dollardır. Hazırda bu ölkənin siyasəti üzündən qızıl durmadan bahalaşır. Real vəziyyət odur ki, bahalaşan qızıl dünyanın maliyyə bazarını çalxalayır, güclü və imkanlı ölkələr valyuta ehtiyatlarında qızılın payını artırır. Avropa ölkələrinin mərkəzi bankları kütləvi şəkildə qızıl almağa və öz valyuta ehtiyatlarında bu nəcib metalın həcmini artırmağa başlayıb. Hazırda isə qızıl dünyada ən etibarlı valyuta olaraq qalır. Buna görə də investorlar qızıla üz tutur və kütləvi şəkildə qızılların alınması prosesi baş verir. Yəni öz valyuta ehtiyatlarında qızılın payını kütləvi şəkildə artırırlar. Mərkəzi banklar aktiv şəkildə qızıl alışına girişiblər. Dünya bazarında emal olunmuş deyil, daha çox külçə qızılın qiyməti qalxır. Belə ki, zərgərlik məmulatlarının qiymətində ciddi dəyişiklik yoxdur və bahalaşma xam, yəni külçə qızılın qiymətində daha çoxdur. Ekspertlər isə bunu zərgərlik məmulatlarına tələbatın azalması, külçə qızılın isə əksinə, valyuta ehtiyatlarının strukturunda ən etibarlı aktiv vasitəyə çevrilməsi ilə əlaqələndirir. Qızılın bahalaşmasının Azərbaycana təsirinə gəlincə, dünya bazarında nəcib metalın bahalaşmasının bir səbəbi də dolların ucuzlaşması ilə əlaqələndirilir. Dolların ucuzlaşması isə təkcə qiymətli malların yox, bütün istehlak məhsullarının, o cümlədən ərzağın bahalaşmasına səbəb olur. Ekspertlər hesab edir ki, qarşıdakı dövr ərzində qızılın durmadan bahalaşması şübhəsiz Azərbaycan iqtisadiyyatına da təsir göstərəcək. Ölkəmizin resurslarının və valyuta ehtiyatlarının bir hissəsinin avroda, bir hissəsinin dollarda saxlanması fonunda qızılın bahalaşmasının bu ehtiyatlara müəyyən təsirləri olacaq. Yəni həmin ehtiyatların qızıl ifadəsində dəyəri azalacaq. Digər tərəfdən, qiymətinin tənzimlənməsi müşkül məsələ olan qızılın getdikcə bahalaşması bütün sahələrə, məhsulların və malların qiymətlərinə öz təsirini göstərir və bu proses davamlı hal ala bilər.

Tahir TAĞIYEV

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...