Bakıda təzə maşınların qiymətdən düşməsinin maraqlı səbəbləri var...

Tarix: 09.04.2014 / 09:57
Bölmə: İqtisadiyyat

Məlum olduğu kimi, bu ayın ilk günündən Azərbaycan "Avro-4" standartlarına keçib. Xatırladaq ki, "Azərbaycan Respublikasının ərazisində dövriyyəyə buraxılan avtonəqliyyat vasitələrindən atmosfer havasına atılan zərərli maddələrə dair tələblərin "Avro-4" ekoloji normalarına uyğunlaşdırılması barədə" Nazirlər Kabinetinin qərarı olub. Qərara əsasən, artıq Azərbaycan ərazisində dövriyyəyə buraxılan avtonəqliyyat vasitələrindən atmosfer havasına atılan zərərli maddələr üzrə "Avro-4" ekoloji normaları tətbiq edilir.
Təbii ki, bu hal ölkədə ekoloji duruma da ciddi təsir edir.
İqtisadçı-ekspert Qubad İbadoğlu da bildirir ki, "Avro-4" standartına keçid nəinki avtomobil bazarına, eyni zamanda ekologiyaya da ciddi şəkildə müsbət təsir göstərəcək: "Bu, avtomobil bazarında qiymətlərin bahalaşmasına gətirib çıxarmaqla yanaşı, eyni zamanda ətraf mühitə buraxılan zəhərli qazların qarşısını müəyyən qədər almağa da kömək edəcək. Belə bir standartın tətbiqi ekologiyaya da ciddi şəkildə müsbət təsir göstərəcək. Bəllidir ki, indiki benzinlərin cəmi 70%-i yanırdı. Yerdə qalan hissəsi isə tullantı kimi atmosferə zərər verirdi. Biz canlı olaraq təmiz ekoloji qida yeyəndə necə sağlam oluruqsa, təmizlik avtomobillərə də eyni cür təsirini göstərir. Məhz Azərbaycana idxal olunan "Avro-4" standartına keçid həm də idxal olunan avtomobillərin qiymətinin kəskin artmasına gətirib çıxaracaq. Bununla da avtomobil həvəskarları daha xaricdən gətirilən avtomobillərə deyil, ölkədə istehsal olunan və aşağı "Avro" standarta aid avtomobillərdən istifadəyə üstünlük verəcək. Çünki bu daha sərfəli olacaq".
Hazırda isə, ekologiya ilə yanaşı, maşın bazarında "Avro-4" ə keçidlə bağlı müşahidə olunan vəziyyət, gözlənildiyi kimi, köhnə Avropa, xüsusən də Almaniya istehsalı olan maşınların bahalaşması ilə müşayiət olunur. Belə ki, ili köhnə olan avtomobillərin qiymətlərinin aşağı olması onlara ölkədə hər zaman tələbatın formalaşmasına səbəb olub. Son qadağanın isə köhnə avtomobillərin ölkəyə gətirilməsinə imkan verməyəcəyini nəzərə aldıqda o zaman təklifin azalması müşahidə ediləcək ki, bu da qarşıdakı bir ay ərzində özünü daha qabarıq büruzə verəcək. Bu avtomobillərə tələbin dəyişmədiyini və hətta bəzi hallarda artdığını nəzərə aldıqda o zaman qiymət artımlarının olacağını proqnozlaşdırmaq çətin deyil. Bunun əvəzində isə ili nisbətən yeni olan maşınların qiymətinin müəyyən qədər azalması müşahidə edilir. Əsas səbəblərdən biri də odur ki, banklar hələ də avtokreditləri əvvəlkinə nisbətən çox ağır şərtlərlə verirlər. Bu isə yeni maşınların satışına əngəl yaradır və nəticədə onların ucuzlaşmasına səbəb olur.
Iqtisadçı-ekspert Vüqar Bayramov da qeyd edir ki, "Avro-4" standartlarına keçid Azərbaycanın avtomobil bazarına ciddi təsir göstərib. Belə ki, bu standart ili köhnə olan avtomobillərin qiymətlərində artıma, ili yeni olan, lakin istismar olunan avtomobillərin qiymətlərində isə azalmalara səbəb olub. Onun sözlərinə görə, ölkəmizə idxal olunan avtomobillərin siyahısı müəyyənləşib və nəticədə Avropanın 2005-ci il, Yaponiyanın isə 2011-ci il istehsalı olan avtomobillərinin ölkəmizə idxalı qadağan olunub: "Avro-4" standartının tətbiqi Azərbaycana idxal edilən avtomobillərin sayının azalmasına səbəb olub. Eyni zamanda, həm avtomobillərin, həm də bir sıra avtomobillər üçün istehsal edilən məhsulların qiymətlərində artımlar var. Hazırda müşahidə edilən tendensiyaya əsasən, ili köhnə olan avtomobillərin qiyməti 5% bahalaşıb. Artımlar birmənalı şəkildə bu avtomobillərə tələbatın artması və onların ölkəyə idxal olunmasına qoyulan qadağa ilə əlaqədardır. Ehtimal var ki, ayın sonuna kimi bu artımlar stabilləşəcək". Ekspert bildirib ki, ili nisbətən yeni olan, 2005-2010-cu illərin istehsalı olan avtomobillərin qiymətlərində isə 7% azalma müşahidə olunur: "İli nisbətən yeni olan avtomobillərin qiymətlərinin baha olması və onların ölkəyə idxalının qadağan olunmaması bu kimi nəqliyyat vasitələrinə tələbatı azaldır. Bu isə qiymətin ucuzlaşmasına səbəb olur. Sıfır kilometr, yəni yeni istehsal olunmuş avtomobillərin qiymətlərində isə heç bir dəyişiklik yoxdur. Onlar alıcılara öncəki qiymətlərlə təklif olunur". Bütün bunlar, şübhəsiz ki, yeni maşınların bazarlarda daha çox satılmasına rəvac verəcək.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...