Valeh Ələsgərovun ehtiyatsız bəyanatı Prezidentin əhəmiyyətli bir tapşırığını yenidən gündəmə gətirdi

Tarix: 07.04.2014 / 08:21
Bölmə: İqtisadiyyat

Bu gün Azərbaycanda müşahidə olunan iqtisadi inkişaf fonunda qarşıya qoyulan məqsədlərdən biri də ölkənin tamamilə qazlaşdırılmasıdır. Sözügedən məqsədlə dövlət səviyyəsində bir sıra işlər görülür.
Parlamentdə millət vəkili Zahid Oruc ucqar kəndlərdə qazlaşdırmanın ləng həyata keçirilməsinə toxunub. Çox qəribədir ki, Milli Məclisin vitse-spikeri Valeh Ələsgərov məsələyə fərqli prizmadan yanaşıb. Onun fikrincə, bu çox baha başa gəlir. V.Ələsgərov bölgələri qazlaşdırmaq əvəzinə bioqazdan, yəni mal peyinindən əldə edilən qazdan istifadənin daha düzgün olduğunu deyib: "Kəndlərimizdə peyin nə qədərdir, bunu bilirsiniz. Gəlin oturaq bunu müzakirə edək. Yoxsa hər kəndə qaz çəkməyə ölkənin pulu çatmaz". V.Ələsgərovun məlum yanaşması Prezidentin ölkə əhalisinin sosial rifahının yüksəlməsinə dair müəyyən etdiyi strategiyaya ziddir. Məsələ ondadır ki, Prezident ARDNŞ qarşısında ölkədə qazlaşdırma səviyyəsinin 2013-cü ilə qədər ən azı 95 faizə çatdırılması, o cümlədən ucqar kəndlərə və bölgələrə də təbii qaz verilməsi vəzifəsini qoymuşdu.
Prezident bu vəzifəni müəyyən edərkən heç də V.Ələsgərovun riyazi biliklərinə istinad etməmişdi. Dövlət başçısı ölkənin ümumi sosial-iqtisadi inkişaf strategiyasını müəyyən edəndə bu inkişafın ən vacib şərtlərinin infrastrukturdan, o cümlədən elektrik enerjisi və təbii qazla təchizatdan keçdiyini nəzərə almışdı. Bu strategiya əsasında bütün ölkə boyu, o cümlədən ucqar bölgələrdə yeni yolların, elektrik və qaz xətlərinin çəkilməsi prosesi gedir.
Bütün bunları nəzərə alsaq, hətta ən ucqar kəndləri belə qazlaşdırmaq mümkündürmü?
Sözügedən məsələni dəyərləndirən İlqar Hüseynli hesab edir ki, hazırkı imkanlar buna imkan verir: "Dövlət büdcəsinin mövcud potensialı imkan verir ki, ölkənin ən ucqar kəndi belə qazlaşdırılsın. Çünki 2004-cü ildən ölkəyə böyük həcmdə neft gəlirləri daxil olur. Neftdən əldə olunan gəlirlər hesabına böyük infrastruktur və digər layihələr həyata keçirilir. Bütün bunların fonunda ucqar kəndlərin qazlaşdırılması elə də çətin deyil. Ən azından sözügedən iri layihələrlə müqayisədə bunun üçün elə də böyük həcmdə vəsait tələb olunmur. Hesab edirəm ki, ucqar kəndlərin qazlaşdırılması olduqca vacib məsələdir. O mənada ki, həmin yaşayış məntəqələri qazlaşdırılsa, kəndlərdən şəhərə kütləvi axın olmaz. Digər tərəfdən, bu minvalla meşələrin qırılmasının qarşısını almış olaraq. Ucqar kənddə qaz olsa, müəllim orada işləməkdən imtina etməz. Bu gün bir çox ucqar kəndlərdə müəllim çatışmazlığı müşahidə olunur. Yaranan problemin səbəblərindən biri də sözügedən yaşayış məntəqələrində bu kimi infrastrukturun olmamasıdır. Peyindən qaz almaq olur, amma bunun ucqar kəndlərdə geniş yayılması üçün ənənə, vaxt, texnologiya və müəyyən vərdişlər olmalıdır. Bu da, deyildiyi kimi, asan deyil. Ona görə də V.Ələsgərovun yanaşması düzgün deyil".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...