Bankomatlar üzərində iki bankın inhisarı, ya digər bankların laqeydliyi...

Tarix: 04.04.2014 / 09:49
Bölmə: İqtisadiyyat

Bəzən bankomatlar qarşısında uzun-uzadı növbələr yaranır. Təqaüdçülər və digər vətəndaşlar saatlarla bankomatların qarşısında dayanırlar. Belə vəziyyət əsasən də bayram günləri özünü göstərir.
Ancaq bu heç də o demək deyil ki, yalnız bayram günləri bu cür növbələr yaranır. Digər günlərdə də belə halların yaranmasının şahidi oluruq. Baxmayaraq ki, ötən illər ərzində ölkə ərazisində xeyli sayda bankomat quraşdırılıb.
İqtisadçı-ekspert Samir Əliyev bankomatların qarşısında uzun növbələrin yaranmasını bir sıra amillərlə izah edir: "Birinci səbəb bankomatların azlığıdır. Bankomatların sayının optimal səviyyədə olması kart sahiblərinin nağd pula əlçatanlığı üçün vacib şərtdir. Mərkəzi Bankın açıqlamasına görə, fevralın 1-nə Azərbaycanda ümumilikdə 2417 bankomat olub. Hər bank orta hesabla 56 bankomata xidmət göstərir. Bu, ölkənin şəhər və rayonlarının sayından da azdır. Cəmi bankomatların təxminən yarısı 2 bankın payına düşür. Bu halda yerdə qalan bankların payına orta hesabla 30 bankomat düşər. Bankomatların yüklənməsinin ikinci səbəbi pensiyalara və büdcədən verilən maaşlara ancaq 2 bankın xidmət göstərməsidir. Hazırda 3 milyona yaxın şəxs dövlət büdcəsindən müxtəlif təyinatlı ödəniş alır ki, bunların da təxminən 1,3 milyon nəfərini pensiyaçılar təşkil edir. Pensiyalarla yanaşı, büdcə işçilərinin maaşları, sosial müavinətlər, təqaüdlər və sair ödənişlər debet kartları vasitəsilə alınır.
Üçüncü səbəb bayram günləri bankomatlara xidmətin zəifləməsidir. Bir qayda olaraq bayram günlərində bankomatlarda pul qıtlığı müşahidə edilir. Çünki adi iş günlərindən fərqli olaraq bayram günləri bankomatlara ya pul yerləşdirilmir, ya da proses mütəmadi aparılmır. Bayram günləri bank sistemi işləmir. Digər tərəfdən, bayram günləri bankomatların pulla doldurulması prosesi bankları adi günlərlə müqayisədə daha çox xərcə salır. Ən nəhayət, dördüncü səbəb əhalinin hələ də kartlardan nağdsız ödəniş vasitəsi kimi istifadə etməməsidir. Hazırda ölkədə 5,8 milyon plastik kart mövcuddur. Bu kartların 4,8 milyon ədədi maaş, pensiya və sosial ödəniş kartlarının payına düşür. Kart sahiblərinin 85 faizi nağd əməliyyata üstünlük verir. Halbuki, kommunal xidmətlərdən tutmuş, adi internet xidmətinə qədər olan ödənişləri onlayn qaydada, bankomata gedib pul çıxarmadan, əlavə vaxt itirmədən həyata keçirmək olar".
S. Əliyevin fikrincə, pensiya, maaşların və sosial ödənişlərin verilməsində digər banklar da yaxından iştirak etməlidir: "Həmçinin, nağdsız ödənişlər inkişaf etdirilməli, belə ödənişlərin edilməsi üçün zəruri infrastruktur yaradılmalı, stimullaşdırıcı tədbirlər görülməlidir. Əhalinin maarifləndirilməsi sahəsində işlər gücləndirilməli, nağdsız ödənişin üstünlüyü və vacibliyi təbliğ edilməlidir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...