Sığorta şirkətlərinin müqavilə fırıldağı...

Tarix: 04.04.2014 / 09:29
Bölmə: İqtisadiyyat

Sığorta şirkətlərinin fəaliyyəti Azərbaycanda mütəmadi olaraq tənqid hədəfinə çevrilməkdədir. Bunun isə bir sıra haqlı səbəbləri var. Belə ki, sığorta şirkətləri hadisə olan zaman heç də zəruri məbləği ödəmir və ya ödəməni bilərəkdən uzadırlar. Elə bunun nəticəsidir ki, ölkənin sığorta bazarındakı mövcud problemlər bu sahəyə inamsızlıq formalaşdırır. Çünki sığorta şirkətlərinə müraciət edənlər ehtiyac duyulduğu məqamda bu imtiyazlarından faydalana bilmir.
Və işi məhkəməyə çatdıran istehlakçılar çox zaman prosesi uduzur. Ekspertlər bunun səbəbini sığorta müqavilələrinin birtərəfli olmasında görür. Yəni müqavilə bağlanan zaman yalnız siğorta şirkəti şərtlərlə çıxış edir. Bu zaman isə yalnız onların maraqları təminat qazanir. Birtərəfliyi gizlətmək üçün isə müqavilənin "mühüm şərtlər" bölməsi çox xırda şriftlərlə yazılır. Bilərəkdən bu cür tərtib edilən yazı formatı həm də istehlakçının səbrini tükətməyə hesablanir. Ekspertlər qeyd edir ki, görmə və əsəb problemi olan müştəri şərtlərlə tanış olmadan dərhal müqaviləyə imza atır.
Təbii ki, bunları heç də bütün sığorta şirkətləri barədə söyləmək olmaz. Digər tərəfdən, problemli sığorta agentliklərinin tanınması üçün də yeni tədbirlər görülməsi planlaşdırılır. Belə ki, Azərbaycanda yaradılması nəzərdə tutulan sığorta agentlərinin keyfiyyət reyestri yaradılır və o, əhali üçün də açıq olacaq. Azərbaycan Sığortaçılar Assosiasiyasının sədri Orxan Bayramovun sözlərinə görə, reyestrin yaradılmasında əsas məqsəd "yaxşı" və "pis" agentlərin müəyyən edilməsidir: "Əgər agent bilmədən səhvə yol verirsə, bu başqa məsələ, amma qəsdən fırıldaq işlədirsə, bazar iştirakçıları bunu bilməli və həmin agenti tanımalıdırlar. Nəticədə bazarda fırıldaqçı agentlərin kimlər olduğu bilinəcək".
Agentlərin keyfiyyət reyestrinin yaradılması məsələsi bir qədər əvvəl ASA-nın icbari sığorta komitəsinin iclasında da müzakirə edilib. O.Bayramov "fins" portalına açıqlamasında qeyd edib ki, reyestrin yaradılması üçün müxtəlif variantlar nəzərdən keçirilir: "Məsələn, təkliflərə görə, bu reyestrdə hansı agentin hansı şirkətlə müqaviləsi olduğu, eləcə də iş yerini dəyişirsə, gələcəkdə hansı şirkətlə işləyəcəyi bilinməlidir". Bu məlumatlar əhali üçün də açıq olacaq: "Yəni fırıldaqçı agentləri əhali də tanıyacaq ki, belələri ilə əməkdaşlıq etməsin". Gələcəkdə isə agentlərin fəaliyyətinə daha ciddi nəzarət etmək mümkün olacaq, məsələn bilinəcək ki, onun bağladığı müqavilələrdən neçəsində problem yaranıb.
Bununla yanaşı, sığorta bazarında digər problemlərin də həllinə jiddi ehtiyac var. Məsələn, ekspertlərin sözlərinə gərə, sığorta bazarında inhisarçılıq meylləri də var. Problem özünü banklarla sığorta şirkətləri arasında əməkdaşlıqda göstərir. Banka müraciət edən vətəndaşa istədiyi sığorta şirkətinin xidmətlərindən yararlanmaq imkanı verilmir. Müştəri qarşısına yalnız bankla birgə fəaliyyət göstərən sığorta şirkəti ilə müqavilə bağlamaq şərti qoyulur. Sığorta şirkətlərinin öhdəliklərindən boyun qaçırması isə vətəndaşlarda bu sahəyə inamsızlıq yaradır. Ona görə də Avropa ölkələri ilə müqayisədə Azərbaycanda sığorta bazarına müraciət dəfələrlə aşağıdır. Mövcud çatışmazlıqların aradan qaldırılması üçün ilk növbədə maarifləndirmə işi aparılmalıdır. Ekspertlər məsləhət görür ki, vətəndaşlar müraciət etdikləri sığorta şirkətinin nüfuzu ilə öncədən maraqlansınlar. Müqavilə şərtləri də diqqətlə nəzərdən keçirilməlidir.
Onu da qeyd edək ki, Azərbaycanda sığorta şirkətlərinin reytinqi hazırlanacaq. Bu reytinqlər şirkətlərin nə dərəcədə səmərəli və peşəkar işlədiyini müəyyən edəcək. Bu, müştərilərin şirkətləri vacib göstəricələrə görə seçməsinə yardım edəcək. hələlik isə ekspertlər bildirir ki, sığorta olduqca həssas bir sistemdir. Həssas sistem olduğu üçün hər hansı bir sığorta şirkətinin öz öhdəliyini yerinə yetirməməsi ümumilikdə sığorta sisteminə qarşı inamın kəskin azalmasına gətirib çıxarır. Aparılan monitorinqlər isə göstərir ki, bəzi sığorta şirkətləri üzərinə düşən öhdəlikləri yerinə yetirməkdən imtina edir. Bundan isə vətəndaş əziyyət çəkir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...