Köhnə maşınlar həqiqətən bahalaşmağa başladı

Tarix: 02.04.2014 / 07:45
Bölmə: İqtisadiyyat

Aprelin 1-dən etibarən ölkədə "Avro-4" standartlarının tətbiqinin başlanmasının maşın bazarına hansı təsir göstərəcəyi xüsusi maraq doğurmaqdadır. Ekspertlər hesab edir ki, ilk günlərdə bazarda hansısa ciddi bahalaşmanın olacağını gözləməyə dəyməz. Çünki "Avro-4" standartlarının tətbiqinə qədər Gürcüstandan bu standarta cavab verməyən, lakin qiyməti münasib olan xeyli sayda maşın Azərbaycana gətirilib.
Qeyd edək ki, son bir ayda xaricdən, xüsusilə Gürcüstandan Azərbaycana çoxlu sayda "Avro-2"və "Avro-3"standartında olan maşınlar gətirilib. Həmin avtomobillər "Avro-4" standartına cavab verən maşınlardan xeyli ucuzdur. Elə satıcılar da köhnə maşınlara təlabatın artmasından qazanmaq istəyir. Buna görə də yaxın həftələrdə bazarlarda köhnə maşınların qiymətinin kifayət qədər qalxacağı gözlənir.
Düzdür, onlar elə indinin özündə də bir qədər baha təklif olunur. Lakin növbəti həftələrdən etibarən bu maşınların müştərilərə daha yüksək qiymətə təklif olunması gözlənir. Çünki bu sahədə tələb və təklif arasında balansın pozulması qaçılmaz sayılır. Milli Məclisin İqtisadi siyasət komitəsinin üzvü Əli Məsimli də bildirir ki, Azərbaycanda "Avro-4" standartının tətbiqi avtomobillərin qiymətinin artımına səbəb olacaq. O, "Avro-4" standartının müsbət və mənfi cəhətlərindən danışarkən bildirib ki, bu məsələyə ilk növbədə ekoloji baxımdan yanaşmaq lazımdır: "Bakı şəhərində atmosferə atılan zəhərli maddələr avtomobillərdən ixrac olunur. Bu, ciddi amildir. Ona görə də avtomobillərin saz olması önəmlidir. Atmosferə atılan zərərli maddələrin azaldılması böyük əhəmiyyət daşıyır". Deputat avtomobillərin və yanacağın keyfiyyətinə də toxunub və söyləyib ki, ölkəmiz Avropaya inteqrasiya edir: "İnteqrasiya zamanı mütərəqqi məqamları götürməliyik. Birdən-birə "Avro-2"-dən "Avro-4"ə keçmək Azərbaycanın həvəsli və sürətlə hərəkət etdiyini göstərir. Zamanı keçmiş, fiziki və mənəvi cəhətdən köhnəlmiş avtomobillərin yenilərilə əvəzlənməsi mühümdür. Düzdür, bir sıra problem olacaq. Yəni Azərbaycana gətirilən avtomobillərin böyük hissəsinin buraxılış ili məhz 2005-ci ilə qədərdir. Həmin avtomobillərin idaxalında məhdudiyyətlər yaranan zaman say azalacaq. Bu zaman tələb və təkliflə, ola bilər ki, avtomobillərin qiymətində artım qeydə alınacaq. Birmənalı şəkildə avtomobillərin qiyməti qalxa bilər. Buna əks təsir göstərən amillər də var. Məsələn, kreditlərlə bağlı tələblərin sərtləşdirilməsi əks təsir göstərən amildir".
Ekspertlər onu da vurğulayır ki, bahalaşma get-gedə, köhnə avtomobillərin satışı azaldıqca hiss ediləcək. O da vurğulanır ki, yeni standartlara keçid daha çox əhalinin aşağı təbəqəsinə təsir edəcək. Çünki orta və yuxarı təbəqə onsuz da təzə avtomobillərə üstünlük verir. Bu proseslərdən zərər görən də daha çox aşağı təbəqə olacaq. Əksər satıcılar da "Avro-2"və "Avro-3" standartına uyğun maşınların hələ aprelin 1-dən sonra bahalaşacağını deyir. Onların sözlərinə görə, bu birbaşa "Avro-4"ə uyğun gəlməyən maşınların idxalının qadağan olunması ilə bağlıdır. Onu da bildirək ki, "Avro" standartı təkcə ekologiya və ətraf mühiti deyil, avtonəqliyyat vasitələrinin təhlükəsizliyi, yanacağın keyfiyyəti məsələlərini də əhatə edir və bunlar bir-biri ilə bağlı məsələlərdir. Köhnə istehsala məxsus avtomobil yüksək keyfiyyətli yanacağa, yenisi isə əksinə olana ehtiyac duymadığından, bu bağlılıq pozulduğu təqdirdə atmosferə zərərli maddələrin atılması, sözsüz ki, qaçılmaz olur.
Elə bu səbəbdən Nazirlər Kabineti ölkə ərazisində dövriyyəyə buraxılan avtonəqliyyat vasitələrindən atmosfer havasına atılan zərərli maddələrə dair tələblərin "Avro-4" ekoloji normalarına uyğunlaşdırılması barədə qərar qəbul edib. Ekspertlər də bu qərarı düzgün sayır. Məlumdur ki, Azərbaycana idxal edilən avtomobillərin sayı ildən-ilə artır. 2012-ci ildə Azərbaycana 102 minə kimi avtomobil gətirilibsə, 2013-cü ildə bu rəqəm 110 minə yaxın olub. Hazırda respublikada 1,2 milyondan artıq avtomobilin olduğunu deyən ekspertlər qeyd edir ki, onların 50 faizindən çoxu MDB ölkələrinin istehsalı olan və keçmiş sovetlər birliyindən qalan avtomobillərdir. Respublikadakı avtomobillərin 70 faizə qədəri isə Bakıda cəmləşib. Hazırda Bakıda 800 minə yaxın avtomobil qeydiyyatdadır. O da faktdır ki, respublikada olan avtomobillərin bir qismi ekoloji baxımdan Avropanın və MDB-nin bugünkü standartlarına uyğun gəlmir və köhnə hesab edilir. Belə avtomobillərin sayının artmasının qarşısını isə onların idxalına qadağa qoymaqla almaq olar. Elə hökumət də məhz bu addımı atıb.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...