Bu yaxınlarda Macarıstanda dünya kuboku uğrunda kikboksinq yarışları keçirilib. Ümumilikdə 56 komandanın təmsil olunduğu, 2300 idmançının iştirak etdiyi yarışda ölkəmizin milli komandası növbəti uğur qazanıb.
DİN İdman Cəmiyyətinin əməkdaşı, əməkdar məşqçi Hikmət Hacıyevin hazırladığı milli komandamızın təmsilçilərindən Ruslan Musayev çəkisi 67 kiloqramadək olan idmançılar arasında keçirdiyi bütün qarşılaşmalarda rəqibləri üzərində inamlı qələbələr qazanaraq yarışın baş mükafatını qazanıb. Çəkisi 48 kiloqramadək olan idmançıların mübarizəsində Məhəmməd İmanov gümüş, 63,5 kiloqram çəkidə Zəkulla Teymurov, 67 kiloqram çəkidə Ağamahmud Siracov bürünc mükafata layiq görülüb.
Veteranlar arasında mübarizəyə qatılan DİN İdman Cəmiyyətinin İdmanın təşkili bölməsinin kiçik inspektoru, polis baş serjantı Hikmət Hacıyev bürünc medal qazanıb.
Zeyni Hüseynov, DİN Mətbuat Xidmətinin əməkdaşı
