IV İslam Həmrəyliyi Oyunlarında ölkəmizə ilk qızıl medalı qazandıran daxili işlər orqanlarının idmançı əməkdaşları və DİN İdman Cəmiyyətinin yetirmələri bu uğurlarını davam etdirir. Bu zəfərlər əsası ulu öndər tərəfindən qoyulan və Prezident İlham Əliyev tərəfindən davam və inkişaf etdirilən ölkədə idmanın inkişafına və gənclərimizə dövlət qayğısının nəticəsi, bu istiqamətdəki fəaliyyətin daxili işlər orqanlarında da layiqincə tətbiqinin, təlim-məşq prosesinin düzgün təşkili və daimi ixtisaslı nəzarətin nəticəsidir. Yarışın hər ötən günündə Azərbaycanın aktivinə yeni qələbələrin yazılması üçün təmsilçilərimiz əllərindən gələni əsirgəmir.
Əli Hüseyni və Aydan Camalovadan ibarət stend atıcılığı üzrə komandamız baş mükafata sahib olub. Srağagün isə DİN Daxili Qoşunlarının İdman Komandasının əsgəri Teymur Məmmədov qələbələr seriyasını davam etdirərək, çəkisi 90 kiloqramadək olan boksçular arasında qızıl medal qazanıb. İdman Cəmiyyətinin baş inspektoru, polis polkovnik-leytenantı Radik Hüseynovun yetirməsi Kamran Məmmədov da yunan-Roma güləşi yarışlarının final mərhələsində qalib gələrək çəkisi 66 kiloqramadək olan pəhləvanların sırasında baş mükafata sahib olub.
Baki-xeber.com
