Gimnastikamızın medalı, inkişaf yolu və gələcəyi...

Tarix: 26.07.2016 / 00:56
Bölmə: İdman

Gimnastika Federasiyası - Bikə Abdullayeva: "Artıq Azərbaycan gimnastikası beynəlxalq arenada öz sözünü deyib"

Azərbaycanda bədii gimnastikanın yaranma və inkişaf tarixi keçən əsrin 40-cı illərinə təsadüf edir. Qızlardan ibarət qrup yaradan Nadejda Merkulova Azərbaycanda bu idman növünün formalaşması istiqamətində uzun müddət fəaliyyət göstərib. Məhz onun rəhbərliyi altında yetişən gimnastlar ümumittifaq və beynəlxalq yarışlarda uğurlar qazanıb.

Larisa Zebina, Lina Vinnikova, Svetlana Senatorova, Nina Hacıbəyli, Mila Şibayeva və Elmira Hacıyeva belə gimnastlardandır.

1961-ci ildə Lina Vinnikova keçmiş SSRİ yığmasının tərkibində Almaniyada keçirilən 1-ci Ümumdünya gimnastika turnirində iştirak edib. Bu, Azərbaycan gimnastlarının dünya arenasında ilk çıxışı idi. Lina 1965-ci ildə Bolqarıstanda keçirilən tələbələrin Ümumdünya Spartakiadasında çempion adını qazanıb.

Yüksək səviyyədə dövlət qayğısı və Milli Olimpiya Komitəsinin gərgin əməyi sayəsində bu gün Azərbaycan dünyanın idman mərkəzlərindən birinə çevrilib. Digər idman növləri ilə yanaşı, bədii gimnastika da diqqətdən kənarda qalmayıb. Xüsusilə də 2002-ci ilin oktyabrında Mehriban xanım Əliyeva Azərbaycan Gimnastika Federasiyasına prezident seçildikdən sonra bu sahədə mühüm canlanma hiss olunmağa

başlayıb. Federasiyanın məqsədyönlü və səmərəli fəaliyyəti nəticəsində bu gün ölkə gimnastikası, sözün əsl mənasında, özünün yeni inkişaf mərhələsinə qədəm qoyub.

Gimnastikanın bütün növlərinin, o cümlədən də bədii gimnastikanın maddi-texniki bazasının gücləndirilməsi, bu idman növünün kütləviləşməsi istiqamətində görülən işlər öz bəhrəsini verməkdədir.

Məlumat üçün bildirək ki, bu il Bədii Gimnastika üzrə Dünya Kubokunun finalı 22-24 iyul tarixlərində Azərbaycanın paytaxtında keçirilib. Dünya Kubokuna 17 ölkədən idmançılar qatılıb.

Bakıda keçirilən Bədii Gimnastika üzrə Dünya Kubokunun finalında Rusiya yığması 2 halqa və 3 cüt gürzlə qızıl medal qazanıb. Finalda rusiyalı gimnastlar 19.000 bal toplayıb.

İkinci yerə İtaliya (18.500 bal), üçüncü yerə isə İspaniya (18.300) təmsilçiləri çıxıb.

Azərbaycan komandası finalda 17.750 bal toplayaraq 5-ci yeri tutub.

Azərbaycan Gimnastika Federasiyasının mətbuat katibi Bikə Abdullayeva "Bakı-Xəbər"ə açıqlamasında qeyd etdi ki,

2002-ci ildə Azərbaycan Gimnastika Federasiyasının yenidən qurulması və Mehriban Əliyevanın federasiyaya prezident seçilməsi ölkəmizdə gimnastikanın inkişafına böyük təkan verib: "Məhz bu sahəyə göstərilən diqqət və qayğı nəticəsində bu idman növü surətlə inkişafa qədəm qoyub. Belə ki, paytaxtımızda 2003, 2004-cü illərdə Bədii Gimnastika üzrə Dünya Kuboku mərhələləri, 2005-ci ildə Bədii Gimnastika üzrə Dünya Çempionatı, 2007, 2009 və 2014-cü illərdə isə Avropa çempionatları uğurla təşkil olundu. 2014-cü il ölkəmizdə bədii gimnastikanın yeni inkişaf mərhələsi kimi yadda qalıb. Məhz həmin il Milli Gimnastika Arenasının açılışı oldu və Avropa Çempionatı elə həmin arenada yüksək səviyyədə təşkil olundu".

B.Abdullayevanın sözlərinə görə, Federasiya 2013-cü ildən qadın idman gimnastikasını, 2014-cü ildən isə batut və aerobika gimnastikasını inkişaf etdirməyə başlayıb: "Artıq Azərbaycan gimnastikası beynəlxalq arenada öz sözünü deyib. Ölkəmizdə irimiqyaslı gimnastika yarışlarının keçirilməsi bir ənənəyə çevrilib. Bu cür yarışların uğurla təşkili gənc nəsil arasında gimnastikanın populyarlaşmasında və təbliğində mühüm rol oynayır. Son olaraq təşkil etdiyimiz Dünya Kuboku da (22-24 iyul 2016-cı il) bir çox yeniliklərlə yaddaqalan oldu. Məhz zalda işıqların yalnız gimnastın çıxış etdiyi xalçaya yönləndirilməsi, yarışın son günü final mərhələsində hər ölkənin çıxışından sonra canlı orkestrin onları öz milli musiqiləri ilə müşayiət etməsi, mükafatlandırma mərasiminin tamaşaçı tribunalarında təşkili bu Dünya Kubokuna xüsusi fərqlilik yaşatdı. Qeyd etməyə dəyər ki, bu yarış 2016-cı ilin Bədii Gimnastika üzrə son Dünya Kuboku idi. Yarışın ümumi təşkilində milli ruha xüsusi önəm verilib və zalın dizaynında milli ornamentlərdən geniş istifadə edilib".

Bədii gimnastika sahəsinin inkişafı ilə bağlı fikir bildirən idman jurnalisti Təranə Xudabaxşiyeva bizimlə söhbətində qeyd etdi ki, bədii gimnastika digər idman növlərinə baxanda Azərbaycan üçün gənc idman növü sayıla bilər: "Mentalitet bizə bədii gimnastikanın bir çox növlərinin inkişafına sədlər yaradırdı. Bunları nəzərə alaraq bu idman növünün Azərbaycanda yeni-yeni inkişaf etdiyini deyə bilərik. Millət vəkili, Heydər Əliyev Fondunun prezidenti Mehriban Əliyeva Gimnastika Federasiyasının prezidenti seçilərək (2002-ci il 7 oktyabr ) bu idman növünün daha da inkişaf etməsində böyük rolu olub. 2002-ci ildən bu günə kimi bir çox yerlərdə gimnastika məktəblərinin açılması, bu idman növünün təbliği, eyni zamanda beynəlxalq gimnastika yarışlarının Azərbaycanda keçirilməsi valideyn və uşaqlarda bu idman növünə marağı artırıb. Bu gün də bu istiqamətdə bir çox işlər həyata keçirilir. Bu təbliğatlar yaxın illərdə bu idman növünün daha çox uğur qazanacağından xəbər verir".

Günel CƏLİLOVA

DİGƏR XƏBƏRLƏR

Tarix: 23.08.2026 / 11:48

Sidney Marafonu təşkilatçılarının səhvi sosial mediada açıldı - medallara səhvən Münhen stadionunun şəkli vuruldu…

Tarix: 15.08.2026 / 18:26

İlham Zəkiyev 10-cu dəfə Avropa çempionu oldu

Tarix: 03.08.2026 / 13:56

Bosfor Qitələrarası Üzgüçülük Yarışı 38-ci dəfə keçiriləcək

Tarix: 29.07.2026 / 13:00

Futbol dünyası ŞOKda... FİFA prezidentinə milyardlarla dollarlıq gizli təklif - Tramp ailəsi Dünya Kubokunu ələ keçirir...

Tarix: 26.07.2026 / 11:50

Ermənistan güləşçiləri dünya çempionatında iştirak etmək üçün Bakıya gəldi

Tarix: 20.07.2026 / 18:10

Aslan Ercan beynəlxalq karate turnirində qızıl medal qazandı - FOTO

Tarix: 19.07.2026 / 11:37

Üçüncü yer uğrunda Fransa-İngiltərə oyunu tarixə düşdü...

Tarix: 19.07.2026 / 09:22

İspaniya, yoxsa Argentina? - Bu gün dünya çempionu bəlli olacaq...

Tarix: 18.07.2026 / 10:10

DŞ-2026: 3-cü yer uğrunda mübarizə başlayır - İngiltərə-Fransa

Tarix: 16.07.2026 / 13:18

Federasiya Hidayət Heydərovu sosial şəbəkə paylaşımlarına görə cəzalandırdı

Tarix: 15.07.2026 / 10:07

Fransa məğlub oldu - İspaniya 2010-cu ildən bəri ilk dəfə Dünya Kubokunun finalında...

Tarix: 15.07.2026 / 09:44

DÇ-2026: İngiltərə Argentinaya qarşı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.08.2026 / 20:58

Azərbaycan-Özbəkistan əməkdaşlığı dünya üçün Avrasiya məkanının strateji əhəmiyyətini artırır

Tarix: 24.08.2026 / 14:41

Ermənistan xarici siyasətdən Rusiyanı tamamilə silmək yolunu tutdu...

Tarix: 20.08.2026 / 21:55

Azərbaycan və daha 2 türk dövləti Avrasiyanın "orta gücləri"nə çevrilir...

Prezidentin xüsusi nümayəndələrinin daha səmərəli fəaliyyəti üçün zəruri şərt... Bu olarsa...