Prezidentin ABŞ-da sammitqabağı görüşləri bir çox məsələləri konkretləşdirdi...

Tarix: 01.04.2016 / 01:12
Bölmə: Gündəm

Qabil Hüseynli: "İlham Əliyevin ABŞ-da keçirdiyi görüşlər böyük əhəmiyyətə malikdir"

"İkitərəfli münasibətlərin inkişafı ilə bağlı irəliyə doğru addımlar atılır"

4-cü Beynəlxalq Nüvə Sammitində iştirak etmək üçün Vaşinqtona səfəri çərçivəsində Prezident İlham Əliyevin ABŞ dövlət katibi Con Kerri ilə görüşü başa çatıb. ABŞ Dövlət Departamentinin saytına istinadən xəbər verilir ki, Prezident İlham Əliyevlə dövlət katibi Con Kerrinin görüşü nəzərdə tutulan vaxtdan 10 dəqiqə tez başlayıb.

Buna səbəb əvvəlcədən planlaşdırılmadığı halda, Türkiyə prezidenti Rəcəb Tayyib Ərdoğanla görüşün dövlət katibinin qrafikinə daxil edilməsi olub.

"Azərbaycan ABŞ-la iqtisadi əməkdaşlıq edir və bu əməkdaşlıq inkişaf etməkdədir". Bu barədə Azərbaycan Prezidenti İlham Əliyev ABŞ dövlət katibi Con Kerri ilə görüşdən sonra açıqlama verib. İlham Əliyev deyib ki, ABŞ şirkətləri Azərbaycana külli miqdarda sərmayə yatırır.

Dövlət başçısı regionda Ermənistanın işğalçılıq siyasətindən də danışıb: "Ermənistan silahlı qüvvələri Azərbaycanın torpaqlarını işğal ediblər. Bu işğalla bağlı BMT-nin 4 qətnaməsi var. Ermənistanın işğalçılıq siyasəti regionda təhlükəsizliyə böyük hədədir".

Con Kerri ABŞ-ın Dağlıq Qarabağ münaqişəsinin sülh danışıqları yolu ilə nizamlanacağına ümid etdiyini bildirib.

"Biz Dağlıq Qarabağdakı dondurulmuş münaqişənin həllini görmək istəyirik", - deyə Kerri əlavə edib.

Onun sözlərinə görə, "bu, danışıqlar prosesi ilə olmalıdır".

Dövlət Departamenti Prezident İlham Əliyev-Kerri görüşündən görüntülər də yayımlayıb.

Azərbaycan Prezidenti İlham Əliyev Vaşinqtonda Amerika Birləşmiş Ştatlarının bir sıra konqresmenləri ilə də görüşüb. Dövlət başçısının saytına istinadən bildirilir ki, görüşdə Azərbaycanla ABŞ arasında münasibətlərin uğurlu inkişafı haqqında danışılıb, bir çox sahələrdə, xüsusilə siyasi, iqtisadi, enerji, müdafiə, təhlükəsizlik sahələrində əlaqələrin çox yaxşı səviyyədə olduğu bildirilib. ABŞ Konqresinin üzvlərinin bu əlaqələrin inkişafına töhfə verə biləcəyi qeyd edilib.

Prezident İlham Əliyev son illərdə Azərbaycanın uğurlu inkişafı haqqında danışıb. Söhbət zamanı "Cənub Qaz Dəhlizi" layihəsi ilə bağlı geniş fikir mübadiləsi aparılıb. Sonra dövlət başçısı konqresmenlərin suallarını cavablandırıb.

İlham Əliyevin ABŞ-da keçirdiyi görüşlərin əhəmiyyətini necə qiymətləndirmək olar?

Politoloq Qabil Hüseynli qəzetimizə açıqlamasında bildirdi ki, İlham Əliyevin ABŞ-da keçirdiyi görüşlər böyük əhəmiyyətə malikdir: "Azərbaycan Prezidenti İlham Əliyevin Nüvə Təhlükəsizliyi Sammitində iştirakla əlaqədar ABŞ-a reallaşdırdığı səfər xüsusi əhəmiyyət kəsb edir. Dövlət başçısı sammitdə Azərbaycanın nüvə təhlükəsizliyi sahəsində gördüyü işlər və qarşıda duran vəzifələr barədə danışmaqla yanaşı, əhəmiyyətli görüşlər keçirə bilir. Belə mötəbər sammitlərin vacib əhəmiyy

əti bundan ibarətdir ki, orada müxtəlif görüşlər, danışıqlar olur. Həmin danışıqlar nəticəsində də ikitərəfli münasibətlərin inkişafı ilə bağlı irəliyə doğru addımlar atılır. Artıq İlham Əliyevin Con Kerri və bir sıra nüfuzlu konqresmenlərlə keçirdiyi görüşü və əldə edilən nəticələri bu qəbildən saymaq olar. ABŞ dünyanın super dövlətidir. Onunla sıx təmasda olmaq, ortada olan bəzi məsələləri müzakirə etmək olduqca önəmli və vacibdir. İlham Əliyevin keçirdiyi görüşlərdə səsləndirdiyi bəyanatlardan hiss edilir ki, görüşlər normal siyasi atmosferdə keçib".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...