Qasım Hacıyev: "Erməni əlifbasının "riyazi ədədlər sistemi" adlandırılması gülünc bir məsələdir"
Özləri barədə min cür miflər yaradan haylar indi də çox qəribə bir iddia ilə çıxış ediblər. Bu, qəribəlikdən daha çox uydurmadır. Erməni əlifbasının 1600 yaşı olduğunu iddia etməkləri bir yana qalsın, hətta onlar "erməni əlifbası sadəcə yazı sistemi deyil: o, həm də riyazi hesablamalar və təqvim tarixlərini qeyd etmək üçün istifadə edilən ədədi sistemdir" kimi cəfəng fikirlər də irəli sürürlər.
Qeyd edək ki, Ermənistanda, hətta "erməni əlifbası" parkı da salınıb...
"Ümumiyyətlə, "qədim erməni əlifbası"nın varlığı belə uydurmadır"
Erməni mediasının irəli sürdüyü yeni cəfəngiyata münasibət bildirən AMEA-nın Qafqazşünaslıq İnstitutunun Qafqaz Tarixi şöbəsinin müdiri, professor Qasım Hacıyev baki-xeber.com-a bildirdi ki, ermənilər hər dəfə yeni "sensasiyalar" uydurmaqdan yorulub usanmırlar. "Bilirsiz ki, bunlar çoxdan sərsəmləyirlər və uzun illərdir yalan, saxta məlumatlar yaymaqla məşğuldurlar. XVII əsrdən başlayaraq indiyə qədər saysız saxtakarlıqlar sərgiləyiblər. Hər dövrdə ortaya "yeniliklər" çıxarırlar. Mən bunların hamısını siyahılaşdırıram. Misir ehramlarını "yaratmalarından" tutmuş Nuh peyğəmbərin gəmidən düşən kimi "ilk dəfə erməni dilində danışması", xritianlığı dünyada birinci dəfə ermənilərin "qəbul etməsi" uydurmaları, əlifba məsələsinə qədər minlərlə yalanları var ki, mən çox cizi hissəni vurğuladım. O qədər yalan, faktsız-əsassız fikirlər söyləyirlər ki, buna yalnız gülmək lazımdır. Əlifba məsələsinə və onun "riyazi hesablamalar və təqvim tarixlərini qeyd etmək üçün istifadə edilən ədədi sistem" olması iddiasın gəlincə, tamamilə cəfəngiyatdır. Ümumiyyətlə, "qədim erməni əlifbası"nın varlığı belə uydurmadır. Bu əlifba onların yaratdıqları saxta tarixin və miflərə söykənən ideologiyanın tərkib hissəsidir. Erməni əlifbasının "riyazi ədədlər sistemi" adlandırılması özü gülünc bir məsələdir. Bu saxta tarix və bu saxta ideologiya da onları görün aparıb hara çıxardı"-deyə Q.Hacıyev vurğuladı.
Q.Hacıyev deyir ki, Azərbaycan alimləri erməni alimlərinin bütün saxtakarlıqlarını ifşa edirlər və onlara layiq olduqları cavabı verirlər. "Biz onların bütün saxtakarlıqlarına zamanında cavab veririk. Onlar hələ də Mesrop Maştoç, "qədim erməni əlifbası", Moisey Xorenli kimi gülməli rəvayətlər havasındadırlar. Bu gün onlar erməni əlifbasını riyazi ədədlər sistemi kimi qələmə verirlər, sabah da iddia edəcəklər ki, əlifbaları Mesrop Maştoçdan əvvəl yaranıb. Halbuki, ermənilərin öz adlarına çıxdıqları əlifba Efiopiya əlifasıdır..."deyə Q.Hacıyev qeyd etdi.
İradə SARIYEVA
