Tokioda Azərbaycanla bağlı kitabın təqdimatı və imzalama mərasimi keçirilib

Tarix: 09.10.2026 / 15:48
Bölmə: Sosial

Yaponiyanın paytaxtı Tokio şəhərində yerləşən Kinokuniya Şinjuku kitab mağazasının böyük tədbir zalında həmvətənimiz Əlibəy Məmmədovun yapon dilində nəşr olunan "Şərabla səfər edəcəyiniz Azərbaycan" kitabının təqdimatı və imzalama mərasimi keçirilib.

Tədbirdə Azərbaycanın tarixi, mədəniyyəti, milli mətbəxi, çay və süfrə mədəniyyəti, qonaqpərvərlik ənənələri, şərabçılıq mədəniyyəti və turizm potensialından bəhs olunub.

Müəllif çıxışında Azərbaycan qonaqpərvərliyinin özünəməxsus xüsusiyyətlərindən danışaraq qeyd edib ki, ölkəmizdə qonaq evin ən əziz insanı kimi qarşılanır. Azərbaycan ailələrində qonağa ən yaxşı yeməklərin təqdim edilməsi, ən rahat yerin ayrılması və ona xüsusi ehtiram göstərilməsi milli qonaqpərvərlik ənənələrinin mühüm tərkib hissəsidir.

Kitabın ilk 32 səhifəsi Azərbaycana aid rəngli fotoşəkillərdən ibarətdir. Nəşrdə ölkənin gəzməli və görməli yerləri, təbiəti, bazarları, milli mətbəxi, quru meyvələri, şərabları, çay mədəniyyəti və gündəlik həyat tərzini əks etdirən fotoşəkillər geniş yer tutur.

Tədbirdə Azərbaycanın şərablarının Yaponiya bazarında uğurla təmsil olunması da xüsusi vurğulanıb. Bildirilib ki, Azərbaycan şərablarının Yaponiya bazarında tanıdılması iki ölkə arasında iqtisadi və mədəni əlaqələrin inkişafı baxımından mühüm əhəmiyyət daşıyır.

Qeyd olunub ki, "Şərabla səfər edəcəyiniz Azərbaycan" kitabı yapon oxucularına ölkəmizin mədəniyyəti, mətbəxi, turizm imkanları və qonaqpərvərlik ənənələri haqqında geniş məlumat təqdim edir. Nəşrin Azərbaycan haqqında Yaponiyada daha dolğun təsəvvürün formalaşmasına, eləcə də ölkəmizə turist marağının artmasına töhfə verəcəyi bildirilib. Kitabda, həmçinin Qafqazın təbii gözəllikləri, Azərbaycanın biznes və turizm potensialı, Azərbaycan-Yaponiya münasibətlərinin mövcud vəziyyəti və gələcək əməkdaşlıq imkanları barədə məlumatlar yer alır.

Tədbirin sonunda Əlibəy Məmmədov təşkilatçılara və iştirakçılara təşəkkürünü bildirib, kitablarını imzalayaraq oxuculara təqdim edib.

Qeyd edək ki, "Şərabla səfər edəcəyiniz Azərbaycan" kitabında Azərbaycanın tarixi və mədəni irsi, milli mətbəxi, qonaqpərvərlik ənənələri, şərabçılıq və çay mədəniyyəti, turizm imkanları və ölkənin müxtəlif bölgələrinin özünəməxsus xüsusiyyətləri yapon oxuculara təqdim olunur.

Xatırladaq ki, Əlibəy Məmmədov 2012-ci ilədən Yaponiyada yaşayır. Hokkaydo Universitetində siyasi elmlər üzrə təhsil alıb. Yaponiya hökuməti təqaüdçüsü olmuş Əlibəy Məmmədov, eyni zamanda konfliktoloq, Yaponiya-Azərbaycan Əməkdaşlıq Assosiasiyasının sədridir. Diaspor fəaliyyətinə təhsil illərindən başlayıb. 2015-ci ildən isə Yaponiyada biznes sahəsində fəaliyyət göstərir. Onun 2018-ci ildə yapon dilində "Azərbaycanın indi maraqlı olmasının səbəbləri", bu ilin aprelində isə "Azərbaycan adlı strategiya" adlı kitabları çap olunub.

https://youtube.com/shorts/pOIGQAa9EdE?feature=share

DİGƏR XƏBƏRLƏR

Tarix: 09.10.2026 / 14:33

Azərbaycan tibb elminə həsr olunan ömür-Əməkdar Elm Xadimi, professor Qalib Qarayev…

Tarix: 09.10.2026 / 13:34

Dünya səyyahları Kəlbəcərdə Xudavəng Monastır Kompleksində olublar

Tarix: 08.10.2026 / 22:05

Azərbaycanda mina qurbanlarının sayı 443-ə çatdı

Tarix: 08.10.2026 / 21:03

Cəbrayılda bir gündə ikinci partlayış - öncə oğul, saatlar sonra isə ata minaya düşdü...

Tarix: 08.10.2026 / 17:30

Cəbrayılda mal-qara otaran sakin minaya düşdü

Tarix: 08.10.2026 / 15:54

Dövlət Statistika Komitəsinə yeni sədr müavini təyin edildi

Tarix: 08.10.2026 / 15:43

TƏBİB tibb müəssisələrində informasiya sistemlərindəki problemin səbəbini açıqladı

Tarix: 08.10.2026 / 15:19

1000-5000 pensiya alanların artımı nə qədər olacaq?..

Tarix: 08.10.2026 / 13:48

"Sosial şəbəkələrdə ifadə azadlığı başqalarının şərəf və ləyaqətini alçaltmaq hüququ vermir" - Məhkəmə

Tarix: 08.10.2026 / 13:34

Beynəlxalq səyyahlar Şuşaya səfər ediblər

Tarix: 08.10.2026 / 12:24

Dünyanın 13 ölkəsindən olan səyyahlar Azıx mağarasını ziyarət etdi - FOTO

Tarix: 08.10.2026 / 12:20

Səhiyyə Nazirliyi qeydiyyatda yaranan ləngimələr və növbələrə aydınlıq gətirdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...