İsrail və Fələstin arasında davam edən müharibə ilə bağlı ilginc faktlar ortaya çıxır. Sən demə İsraili bu müharibədə dəstəkləyən Qərb ölkələrində yüzlərlə dövlət mənsubu mənsub olduqları ölkələrin bu müharibədə İsraili dsətəkləməsinə qarşı kəskin mövqe tutublar. "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində bu məsələ barədə fikirlərini bölüşüb. Politoloq yazır: "ABŞ, Britaniya ,Almaniya, Fransa və ümumən Avropa Birliyinin 11 ölkəsindən olan hazırda fəaliyyət göstərən 800 nəfərdən çox dövlət qulluqçusu öz ölkələrinin İsrailin Qəzza əməliyyatlarına dəstək siyasətini kəskin tənqid edən məktub yazıblar. Məktub Bi- bi- sinin redaksiyasına daxil olub .. Çox maraqlıdır ki, Bi- bi- si redaksiyası məktubu tam şəkildə ictimailəşdirsə də ona imza atmış şəxslərin kimliyini açmır. Bu barədə də mülahizələrimi bildirəcəyəm.
Məktub müəllifləri öz ölkələrinin hökumətlərinin 21- ci əsrin ən qanlı hadisələrindən birinin iştirakçıları olduqlarını narahatlıq və kəskin ittiham tonunda ifadə edirlər. Həm İsraili, həm də onun Qəzza əməliyyatlarına dəstək verənləri sərt tənqid edən müəlliflər açıq yazırlar ki, oktyabrın 7- dən heç bir müsbət nəticə yoxdur və İsrailə verilən dəstək mənasız qırğınların miqyasını daha da artırır və artıracaq. Məktubdan bir cümlə :"Qəzzada İsrailin əməliyyatları və ona Qərbdən verilən dəstəklər 11 sentyabrdan sonra başlanmış qlobal antiterror əməliyyatlarının bütün təcrübələrini slt- üst etdi". Etiraf edək ki, çox ağır ittihamdır.
Məktub müəllifləri İsraili Beynəlxalq məhkəməyə verərək "genosidin qarşısının alınmasına yönəlik tədbirlərin görülməsinə" çağıran qərar qəbuluna nail olmuş Cənubi Afrika Respublikasının sülhə Qərb ölkələrindən daha çox töhfə verdiyini etiraf edirlər. Çox maraqlı məqam Bi- bi- si müxbirinin 800 nəfərin siyahısını və imzalarını gördüyünü açıq desə də, adları gizli saxlamasıdır. Ad, soyadlar niyə açıqlanmayıb? İngilis müxbir nədən çəkinib?
İsrailə dəstək siyasətinə qarşı çıxanları öz ölkələrində hansı təhlükə gözləyir? Məgər ABŞ, Almaniya, Fransa, Britaniya və sair ölkələrdə ifadə azadlığına görə təqiblər bu səviyyədədir?..."
Mətləb
