Son günlər Fransanın ardınca Almaniyada da kənd təsərrüfatı işçilərinin etiraz dalğaları genişlənir. Almaniyada hazırkı hökümətin aqrar sektorda yürütdüyü siyasətə etiraz edən minlərlə insan küçələrə çıxaraq tətil elan ediblər. Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində bu barədə fikirlərini bölüşüb. Politoloq yazır: "Fermer etirazları bütün Avropanı bürüdü. Strasburq, Brüssel alman, fransız, holland, italyan fermerlərin ayaqları altında qalıb. Avropa Şurasının və Avropa İttifaqının ofislərinin qarşısına saysız- hesabsız yonca və saman presləri töküblər. Bir o qalır ki, Makronun, Borrelin, Şoltsun idarələrinin qarşısına maşın- maşın peyin töksünlər .Əsas etiraz yerlərindən biri Avropa parlamentinin qarşısıdır. Görsənir ki, Avroparlamentin sədri xanım Metsolanın başı ermənipərəst antiazərbaycan qərarlarının qəbuluna o qədər qarşıb ki, öz qitəsində kənd təsərrüfatının vəziyyəti yaddan çıxıb, fermerlər Allahın ümidinə buraxılıb və kütləvi şəkildə ayağa qalxıblar.
Demokratiyanın qalası saydıqları və Azərbaycanın səsinin məhdudlaşdırııdığı AŞPA və Avroparlament müstəvisində nələr baş verir?
Avropalılar indiyərək 2 şeylə öyünürdü.
1. Aqrar sektorun inkişafı ilə. İndi Avropanı bürümüş fermer hərəkatları sübut edir ki, Avropa Birliyinin vahid kənd təsərrüfatı siyasəti iflasdadır . Fermerlər hesab edir ki, vahid kənd təsərrüfatı siyasəti fermerləri layiq olduqları dəstəkdən məhrum edib. Fermerlər hesab edir ki, idxal tənzimlənmir və onların yerli mənafeləri qorunmur.. Avropaya idxalın dayandırılmasını, fermerlərə dəstək verilməsini tələb edirlər .Halbuki Avropanın başbilənləri hələ də Azərbaycandan tələb edirlər ki, kənd təsərrüfatına dövlət dotasiyasından imtina edək, vahid kənd təsərrüfatı siyasətinə biz də qoşulaq. Özlərinə "bal tutdular, bizə barmaq yaratmaq istəyirlər"...Avropanın ekoloji siyasətinə və ticarət siyasətinə qarşı kəskin daxili etirazlar güclənməkdədir. Açıq deyillər ki, aqrar sektorun taleyini "ağ vorotniklilər" həll edə bilməz.
2.Öyündükləri 2- ci şey ətraf mühitin qorunması və iqlim dəyişmələri ilə mübarizədir. Bu da yarıtmaz vəziyyətdədir. Avtopanın hesablama palatası belə qənaətə gəlib ki, son 10 ildə avtomobillərin ətraf mühiti çirkləndirməsi nəinki azalmayıb, hələ artıb.
Bəs nooldu evro 5, evro 6 benzin istehsalı?
Demək, Avropa istehsalçıları ekoloji təmiz yanacaq adı altında bu illər ərzində bütün bəşəriyyəti afyorcasına aldadıblar, pul qazanıblar. Əks halda Avropa audit palatası bu qənaətə gəlməzdi ki, son 10 ildə atmosferə atılan istixana qazları, xüsusilə avtomobillərin tullantısı azalmayıb ...."
Mətləb
