Nikol Paşinyan - 2018-ci ilin mayın 8-də Ermənistanda "Qarabağ klanın"a qarşı güclü etiraz dalğası üzərində hakimiyyət sükanı arxasına keçən bəstəboy erməni.... Düzdür, Nikol hakimiyyətə yiyələndiyi ilk aylarda ictimai rəyə özünü "inqilabçı novator" kimi təqdim etməyə çalışsa da, sonrakı müddətdə açıqlamaları və atdığı addımlarla ən diletant və klassik tiranlardan biri olduğunu sübuta yetirdi. İrəvan küçələrində erməni xalqının nifrətlə yanaşdığı qaniçən Serj Sarkisyan-Robert Koçaryan cütlüyünə qarşı keçirilən aksiyalarda önə çıxan bu xırda saqqallı, bəstəboy Nikol, hakimiyyətə atılan kimi olmazın təxribat oyunları qurmağa başladı. Belində çantası, həm də "inqilabçıdan" daha çox dərviş obrazını xatırladan bu saqqallı erməni siyasətçi sanki "xüsusi missiya" üçün hakimiyyətə gətirildiyinə eyham vururdu. Min cür təxribata baş vurur, sanki ənənəvi stereotipləri dağıtmağa çalışırdı. Ən sonda Ermənistanın özünü "ağlar" qoydu. Əslində, N.Paşinyan uzun illərdir Ermənistan barədə üyüdülmüş yalan maşınının özünü darmadağın ETDİRDİ...
N.Varvaroviç hakimiyyətinin ilk illərindən Azərbaycana qarşı aqressiv mesajları ilə yanaşı, həm də Ermənistanın köçəri dövlət kimi yarandığı gündən ona sahiblik edən Rusiyaya qarşı da hücuma keçdi. Ermənistanın baş naziri o dərəcədə hiyləgər və qarışıq təxribat oyunları oynamağa başladı ki, hətta ən ayıq praqmatiklər belə onun kimin "adamı" olmasına, kimə "işlədiyinə" dair konkret fikir söyləməyə çətinlik çəkirdilər. Hətta bir ara siyasi fikir sahibləri iki cəbhəyə bölünmüşdülər: N.Paşinyanı qərbin adamı və əksinə Vladimir Putinin Ermənistana təyin etdiyi yeni canişin elan edənlər. Bu məsələdə tərəddüd üçün ən tutarlı fakt bilirsiniz nə idi? Rusiyanın hərbi qüvvələri Ermənistan ərazisində, bu qondarma ölkə yüz illərdir Moskvanın kəbinsiz arvadı obrazında yaşayır. Belə olan halda rəsmi İrəvanın birdən-birə Rusiyaya diş qıcayıb birbaşa qərbə tərəf meyillənməyi nə dərəcədə real görünür?
Düzdür, bu da tarixi faktdır ki, Ermənistan zaman-zaman ingilislərə də, amerikalılara da, türklərə də "sevgi" göstərib, özünü havadan-havaya soxub. Yəni, bir neçə tərəfə "oynamaq" erməni genlərində rast gəlinən adətdir. Amma indiki situasiyada bunu yenidən Rusiyaya qarşı sərgiləmək cəsarəti... müəmmalı məsələ kimi görünürdü. Əlbəttə, Qərb keçmiş sovet ərazilərində belə siyasi kuklalardan "qəhrəman" obrazı yaradıb oyunlar çıxarmağı çox sevir. Amma zaman göstərdi ki, hakimiyyətə cırıq ayaqqabılarda gətirilən erməni baş nazir hər iki cəbhəyə "işləmək" rolundadır. Erməni hiyləgərliyi, erməni xəbisliyi...
Xüsusilə, Azərbaycanın ədalətli zəfəri ilə bitən 44 günlük müharibədən sonra hazırkı Ermənistan hakimiyyətinin birbaşa qərbə meyil salmağı, hətta yaxın bir-iki il ərzində Rusiyanın nəzarət dairəsindən uzaqlaşmaq siyasəti daha qabarıq hal almışdı. N.Paşinyan hökumətinin KTMT tədbirlərini boykot etməsi, İqtisadi Şuranın toplantısında erməni baş nazirin qəribə eyhamlar səsləndirməsi onun tamamilə Rusiyadan qopduğunu yəqinləşdirməyə əsas verirdi. Amma sadəcə əsas verirdi, sən demə, tam yəqin deyildi. Çünki Sankt-Peterburqda keçirilən MDB sammitinə qatılmaqla V.Putinin səcdəgahına döndüyünü, Kreml sahibi ilə əcəl oyunu oynamağın sonunun ölümcül olacağını yəqinləşdirmiş oldu hiyləgər və kepkalı erməni baş nazir. "Gözü çıxmış qardaşlarından" dərs aldı Nikol Varvaroviç. Anladı ki, okeanın o tayında olanlardan fərqli olaraq V.Putin Ermənistanın başının üzərindədir və istənilən vaxt N.Varvaroviçi "yerin dibinə soxub çıxarmaq" imkanındadır...Vaxtı ilə Mixail Saakaşvilini qızışdırıb Rusiyanın üstünə göndərən qərb liderləri, indi Bizanaşvilinin məhbəsində son günlərini yaşayan Mişaya dərmanpulu belə yollamırlar. Bir neçə il əvvəl Avropanın "qəhrəmanı" kimi ayaq üstündə alqış aldıqları aktyor Vladimir Zelenskini indi qurbanlıq quzu kimi V.Putinin qarşısına yem kimi atan da qərb siyasətçiləri deyilmi? V.Putin erməni baş nazirə Moskvasız bir heç olduğunu, siyasi sonluğunun M.Saakaşvilinin sonluğundan daha betər olacağını özünəməxsus "dillə" anlatmamış olmaz. 2008-ci ildə ovaxtkı Fransa prezidenti Nikola Sarkozinin qalstukundan yapışıb onun altını islatdığı kimi...
Mətləb Salahov
