Vətən Müharibəsində vətənə sədaqətini öz qüsursuz döyüş yolu ilə təsdiqləyən, qəhrəmanlığı, fədakarlığı ilə sınaqdan çıxan, Vətənə olan borcunu layiqincə yerinə yetirən Vətən oğullarından, tanımadığımız, lakin xalqımızın tanımalı olduğu qəhrəmanlarımızdan biri də peşəkar zabit, N saylı hərbi hissənin artilleriya rəisi, polkovnik leytenant, Vətən Müharibəsi qazisini, qəhrəmanını - Taleh Zaman oğlu Əliyevi siz də tanıyın!
"Bakı-Xəbər" qəzetinin baş redaktoru Aydın Quliyevin bacısı oğlu, peşəkar zabit, N saylı hərbi hissənin artilleriya rəisi, polkovnik leytenant Əliyev Taleh Zaman oglu Vətən müharibəsində erməni snayperinin gülləsindən başından ciddi xəsarət alıb və hazırda müalicəsini davam etdirir. T.Əliyev Füzuli, Şuşa uğrunda gedən qanlı savaşda ön cəbhədə iştirak edib, başından xəsarət almasına baxmayaraq sona qədər döyüşməyi davam etdirib. Onu da bildirək ki, düşmən snayperindən atılan güllə qəhrəmanımızın dəbilqəsini deşib keçib, onu ölümdən dəbilqə xilas edib. Əgər başında dəbilqə olmasaydı? T.Əliyevin xilas olması mümkün deyildi. Hazırda o, düşmən snayperindən deşilən dəbilqəsini saxlayır.
27 oktyabrda Hadrut, Tug, Daşaltı? Şuşa istiqamətində gedən döyüşlərdə qəhrəmanlığı ilə fərqlənən T.Əliyev noyabrın 4-də Daşaltının azad olunmasında iştirak edib, noyabrın 5-i Şuşa-Lacın yolunun baglanması tapşırıgın; yerinə yetirərkən yaralanıb, lakin ayın 7-də yenidən döyüşlərə qatılıb və öz bölmələrini bacarıqla idarə etməyə başlayıb, cəbhə yoldaşlarının sıralarına qayıtdıqdan sonra Şuşa-Xankəndi yolunun baglanmasında iştirak edib.
Qeyd edək ki, Taleh Əliyev 1996-2000-ci illərdə Bakı Ali Birləşmiş Komandirlər Məktəbini bitirib. Türkiyədə komuta kurmay və karargah subayı kurslarını, Azərbaycanda Ali Hərbi Akademiyanın taktiki və əməliyyat kurslarını bitirən N saylı hərbi hissənin artilleriya rəisi, polkovnik-leytenant, peşəkar zabit Əliyev Taleh Zaman oglu hazırda müalicəsini davam etdirir.
Biz də zabitimizə, Vətən müharibəsi qazisinə, qəhrəmanımıza Allahdan şəfa və tezliklə sağalıb öz müqəddəs işinin başına qayıtmasını diləyirik.
İradə SARIYEVA
