Zəhərlənmələrə görə restoranlarla toy sahibləri arasında müqavilə ideyası ortaya gəldi

Tarix: 15.08.2015 / 03:08
Bölmə: Sosial

Eyyub Hüseynov: "Şadlıq evinin sahibi ilə istehlakçı arasında müqavilə bağlanmalıdır"

"Müqavilədə masaya veriləcək soyuq, isti yeməklərin və eləcə də içkilərin keyfiyyət məsələsi qeyd olunmalıdır"

Ötən həftə Bakının Binəqədi rayonu ərazisindəki "Zəngəzur" şadlıq evində kütləvi zəhərlənmə hadisəsi baş verib. Hadisə nəticəsində 77 nəfər şəxs, o cümlədən 15 uşaq yardım üçün tibb müəssisələrinə müraciət edib.

Müraciət edənlər əsasən 1 saylı Kliniki Tibbi Mərkəzə və 7 nömrəli Uşaq Yoluxucu Xəstəliklər Xəstəxanasına yerləşdirilib və onlara müvafiq tibbi yardım göstərildikdən evlərinə buraxılıblar. Hadisədən sonra adıçəkilən şadlıq evi bağlandı.

Amma bir şadlıq evinin bağlanması problemin həlli deyil. Əsasən şəhər yerlərindən yaşayanlar öz xeyir məclislərini restoran və şadlıq evlərində etməyə üstünlük verir. Toy sahibi narahatlıq hissi keçirir ki, birdən onun məclisində analoji hadisə yaşanar. Və o, toy sahibi kimi el-obasının yanında üzü qara olar ki, məclisinə gələnlər hansısa salatdan zəhərləndilər.

Ekspertlər təklif edir ki, bu kimi olayların yaşanmaması üçün toy sahibi ilə şadlıq evinin rəhbəri arasında müqavilə imzalansın. Həmin müqavilədə masaya düzülən təamların keyfiyyəti və onların təzə olması qeyd olunsun. Hər hansı bir xoşagəlməz hal yaşanarsa, şadlıq evinin sahibi toy yiyəsinə müəyyən məbləğdə təzminat ödəsin.

Azad İstehlakçılar Birliyinin (AİB) sədri Eyyub Hüseynov da "Bakı-Xəbər"ə açıqlamasında bildirdi ki, şadlıq evinin sahibi ilə istehlakçı arasında müqavilə bağlanmalıdır: "Bu, istehlakçıların hüquqlarının müdafiəsi haqqında qanunda qeyd olunur. Azad İstehlakçılar Birliyinin apardığı araşdırmaya görə, tək-tük hallarda rayon yerlərində müqavilə imzalanır. Rayon yerlərində toy sahibi özü masaya düzüləcək təamları hazırlayıb restorana təqdim edir. Şadlıq evi də həmin təamları qablaşdıraraq masaya düzür. Amma paytaxt Bakıda isə durum fərqlidir. Restoran özü menyuda qeyd olunan bütün nemətləri hazırlayır. O üzdər müqavilədə soyuq və isti yeməklərin keyfiyyətinin necə olduğu qeyd olunmalıdır". Birlik sədrinin sözlərinə görə, müqavilə bağlanmazsa, bu, cinayət tərkibi yaradır.

Həmsöhbətimiz onu da əlavə etdi ki, toy günü süfrəyə düzülən bütün naz-nemətlər də toy yiyəsinə aiddir: "Süfrəyə düzülən təamların, içkilərin pulunu artıqlaması ilə ödəyən toy sahibləri həmin gün evlərinə qonaq apardıqları insanlar üçün yenidən xərc çəkib yemək hazırlamalı olurlar. Toy başa çatdıqda, bəzi hallarda, şadlıq evinin rəhbərliyi insaflı olarsa, toy evinə onun pulunu ödədiyi təamlardan bir paket hazırlayaraq təqdim edir. Əks halda toy sahibinin, onun ailə üzvlərinin masadakı təamlardan bir tikə belə götürməyə ixtiyarı çatmır. Halbuki, toyun sonunda həmin təamların pulu toy sahibindən alınır. Şadlıq evlərinin administratorları, ofisiantlar toy sona çatdıqdan dərhal sonra stoldakı bütün təamları, naz-neməti, içkiləri restoranın mətbəxinə daşıyır. Sadaladığımız hal, demək olar ki, şadlıq evlərində bir ənənəyə çevrilib. Toy sahibi şənlik başa çatan kimi bütün yerlərin pulunu ödəyərək şadlıq evinin sahibi ilə sağollaşır. Toy sahibinin pulunu ödədiyi yeməklər, sular, içkilər, meyvə və çərəzlər yeyilməyib masanın üzərində qalsa belə, həmin müştərinin malı sayılır. Çünki toy sahibi şənlik başa çatan kimi, stolun üzərinə qoyulan hər bir yeməyin haqqını qəpiyinədək ödəyir. Bunun səbəbi isə şadlıq evi sahibinin toy sahibi ilə müqavilə bağlamamasındadır. Şadlıq evləri ilə bağlı standartlar müəyyənləşsə də, çox təəssüf ki, bu məqam kölgədə qalıb. Şadlıq evlərinin rəhbərləri bugünədək toy sahibi ilə kağız üzərində heç bir razılaşmaya getmirlər. Ortada müqavilə olmadığından, toy sahibi şadlıq evinin rəhbərliyindən də pulunu artıqlaması ilə ödədiyi yeməkləri tələb edə bilmir. Baxmayaraq ki, toy sahibinin pulunu ödədiyi sərinləşdirici suların, spirtli içkilərin, salatların, meyvənin, yeməyin çoxu stolun üzərində qalır. Şadlıq evinin rəhbərliyi həmin suları, spirtli içkiləri, bəzən salatları növbəti gün keçirilən toy məclisində süfrəyə düzür. Bu yolla da beşqat artıq qazanc əldə edirlər".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...