Ölkədə narkomaniya yaşı gəncləşib

Tarix: 13.08.2015 / 02:04
Bölmə: Sosial

Könül Vaqifqızı: "İlkin mərhələdə gənclər narkotikin müxtəlif növlərindən, əsasən bahalı həblərdən istifadə edir, daha sonra isə..."

Bu gün bəşəriyyəti düşündürən və rahatsız edən ən ağrılı problemlərdən biri də cəmiyyətin ciddi bəlasına çevrilən "ağ ölüm" adlandırılan narkomaniyadır.

Narkomaniya və ya narkotizm bəşəriyyət üçün çox qorxulu olduğu qədər, fəsadları da ağır olur. Bu bəlaya mübtəla olanlar əksər hallarda onu dəf etməkdə aciz qalır. Artıq "ağ ölüm" kimi az qala bütün dünyanı ağuşuna alan bu sosial bəla hər il çoxlu sayda insanın ölümünə səbəb olur. Narkomaniya meylliliyi əsasən gənclik dövründə başlanır və bir çox hallarda elə gənclik dövründə də narkotik aludəsinin ölümü ilə nəticələnir. Gənclər, əsasən də yeniyetmələr arasında yayılan bu bəladan əziyyət çəkənlərin sayı isə günü-gündən artır. Hətta son illər ərzində narahatlıq doğuran amillərdən biri də ölkədə toksikomanlar qrupunun yaranmasıdır. Bu qrupa əsasən azyaşlılar daxildir.

Psixoloq Könül Vaqifqızı bizimlə söhbətində bildirdi ki, bu gün narkomaniyanın yaşı cavanlaşıb: "Hazırkı dövrdə narkotikdən istifadə edən kontingent xeyli genişlənib. Əvvəlki illərdə narkotikdən istifadə edən təbəqə əsasən 25-35 yaş arası idisə, indi bu rəqəm 15 yaşdan başlayır. Statistik göstəricilərə nəzar salsaq görərik ki, bir neçə il əvvəl narkotik istifadəçiləri əsasən kişilər idi. İndi isə qadınlar, yeniyetmə qızlar da bu zəhərdən istifadə edir".

İnsanlar nəyə görə narkotik maddələrdən istifadə edir sualına cavab verən psixoloq bildirdi ki, bir qisim insan həzz almaq, digər bir qisim adrenalin məqsədilə narkotik maddələrdən istifadə edir. Nəticədə zaman keçdikcə onlar özləri də bilmədən narkotik aludəsinə çevrilir. Alkoqol istifadə edənlər də birdən-birə alkoqolik olmur. Zaman keçdikcə insan orqanizmi bu zəhərə vərdiş edir və daim onu tələb edir, eynilə də narkotik maddələr. Narkomanların sayı artdıqca onlar yeni bazar axtarır. Bu səbəblə başqalarını bu işə cəlb edir, xoşluqla onları da bu bataqlığa çəkirlər. Bir sözlə, bu, zəncirvari problemdir. Ancaq nəzərə almaq lazımdır ki, bu həm də böyük bir biznesdir: "Narkotikdən istifadə edənlərin çoxu gənclərdir. İlkin mərhələdə gənclər narkotikin müxtəlif növlərindən, əsasən bahalı həblərdən istifadə edir. Daha sonra isə digərlərinə keçirlər. Son illərdə bu problemə qadınlarda - əsasən yeniyetmə, gənc qızlarda da rast gəlmək mümkündür. Bunun əsas səbəbi isə ailədaxili problemlər, müstəqil həyat arzusu və yüngül həyat tərzidir. Ata-ananın boşandığı natamam ailələrdə isə belə hallar çox olur. Depressiyaya düşən gənclər çıxış yolunu evdən uzaqlaşmaqda görür. Belə olduqda hər gün bir yerdə, fərqli mühitdə olan gənclər bu yola təhrik edilir.

Bu bəladan xilas olmağın asan yolu düşdüyü pis mühitdən uzaqlaşmaq və vaxtında həkimə müraciət etməkdir. Çünki pasiyent nə qədər tez müalicə olunarsa, xəstəlikdən bir o qədər tez yaxa qurtara bilər. Qadınlarda isə bu bəlaya əsasən yüngül həyat tərzi keçirən, ailədaxili konfliktlər yaşayan, ailəsi dağılan xanımlarda rast gəlmək mümkündür".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...