Şagirdlərimiz ana dili fənnini niyə sevmir, bəlkə yaxşı tədris yoxdur...

Tarix: 20.06.2015 / 02:26
Bölmə: Sosial

Elmina Kazımzadə: "Ana dilindən buraxılış imtahanlarında zəif nəticənin səbəbi elmi araşdırma tələb edir"

Nadir Abdullayev: "Ədəbi dilimiz, orfoepiya, orfoqrafiya, üslub normalarına müəllimlər lazımi səviyyədə diqqət yetirmir"
Tələbə Qəbulu üzrə Dövlət Komissiyası (TQDK) tərəfindən iyunun 16-da orta ümumtəhsil müəssisələrinin 9 və 11-ci sinif şagirdləri üçün keçirilmiş buraxılış imtahanlarında şagirdlərin aldığı qiymətlərin statistikası açıqlanıb.
TQDK-nın mətbuat xidmətinin açıqladığı statistikaya görə, 9-cu sinif şagirdlərinin 40,14 %-i "Ana dili"ndən "2", 40,25 %-i "Riyaziyyat"dan "2", 41,08 %-i "Ana dili"ndən "3" qiyməti alıb.
11-ci sinif şagirdlərinin 43 %-i "Ana dili"ndən "2", 35,03 %-i "3" qiyməti alıb.
İmtahanın nəticələrinə görə, şagirdlərin 5.93 % i "5" qiyməti alıb.
Doğma dilimiz olan Azərbaycan dilindən şagirdlərin zəif nəticə göstərməsi olduqca ürək ağrıdan bir durumdur. Şagirdlərin belə bir nəticə göstərməsinin səbəbi nə ilə bağlıdır? Şagirdlər əcnəbi dil sayılan ingilis dilindən yüksək nəticə göstərir, doğma ana dilimizdən isə zəif...
Məsələ ilə bağlı fikir bildirən dilçi alim, professor Nadir Abdullayevin sözlərinə görə, buraxılış imtahanlarının acınacaqlı nəticələrinin olması şagirdlərin yazı və danışıq dilinə az fikir verməsi ilə bağlıdır: "Belə ki, bu sahədə şagirdlərdə biliklər olsa da, bacarıq və vərdişlər yoxdur. Şagirdlərlə möhkəm iş aparılsa, şübhəsiz ki, onlar müvəffəq qiymət ala bilər. Şagirdlərin yol verdiyi səhvlərin çoxu orfoqrafiya ilə bağlıdır. Şagirdlərin əllərində orfoqrafiya lüğəti yoxdur. Ümumtəhsil məktəblərində Azərbaycan dili müəllimləri bu sahə ilə istənilən səviyyədə məşğul olmur. Ona görə şagirdlər bu cür nəticə göstərir. Məktəblərdə təcrübəsiz müəllimlər var. Onlar şagirdlərin hazırlığında daha çox nəzəri məsələlərə üstünlük verir. Ədəbi dilimiz, orfoepiya, orfoqrafiya, üslub normalarına müəllimlər lazımi səviyyədə diqqət yetirmir. Müəllim özü də sinfə hazırlıqsız gəlir. Hazırlıqsız müəllimin gördüyü işin nəticəsi bu formada olmalıdır".
"Müasir Təhsil və Tədrisə Yardım Mərkəzi"nin proqram rəhbəri Elmina Kazımzadə isə bildirdi ki, mütləq müqayisəli təhlil aparılmalıdır: "Biz builki buraxılış imtahanlarının nəticəsinin təhsilimizin inkişaf, yoxsa geriləmə mərhələsində olduğundan xəbər verdiyini demək üçün mütləq əvvəlki illərlə müqayisəli təhlil aparmalıyıq. Bu çox geniş araşdırma tələb edən bir işdir. Öncə yerlər üzrə müqayisəli təhlil aparılmalıdır. Öyrənilməlidir ki, keyfiyyətli təhsil bərabər paylanır, yoxsa yox? Əlbəttə, bu gün hamımız təhsilimizin inkişafının tərəfdarıyıq. Bəlkə bu inkişaf ancaq mərkəzdə gedir. Əyalətdə isə təhsildə inkişaf çox zəifdir. Bütün bunları üzə çıxarmaq üçün bir il əvvələ yox, üç-dörd il, beş il, bəlkə də daha artıq illərin nəticələrini bu illə müqayisə etmək lazımdır".
E.Kazımzadə bu zaman həmin illərin məzunlarının hansı təhsil üsulu ilə öyrədilməsinin araşdırılmasının da vacib olduğunu söyləyir.
Ekspertin sözlərinə görə, ana dilindən buraxılış imtahanlarında zəif nəticənin səbəbi elmi araşdırma tələb edir: "Yenə də araşdırma aparmalıyıq ki, nəyə əsasən nəticə aşağı olub. Ola bilər ki, ana dilində qrammatikanın qaydaları düzgün çatdırılmır və sair. Hər halda ciddi və müqayisəli araşdırmadan sonra qəti fakir söyləmək olar ki, təhsilimiz inkişafa doğru gedir, yoxsa əksinə".

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...