Cəmi 32 məzun, ana dili rüsvayçılığı...

Tarix: 19.06.2015 / 03:07
Bölmə: Sosial

Musa Qasımlı: "Yaranmış vəziyyətdən çıxmaq üçün yollar axtarmalıyıq"

Əjdər Ağayev: "Şagirdlərin ana dilini öyrənməsində təkcə məktəb rol oynamamalıdır"

Tələbə Qəbulu üzrə Dövlət Komissiyası (TQDK) iyunun 16-da orta ümumtəhsil müəssisələrinin 9 və 11-ci sinif şagirdləri üçün keçirdiyi buraxılış imtahanının nəticələrini açıqlayıb. TQDK-nın açıqladığı nəticələr heç də ürəkaçan olmayıb.

9-cu sinif şagirdləri üçün keçirilən buraxılış imtahanında iştirakı nəzərdə tutulan 21191 şagirddən 717 nəfəri imtahana gəlməyib, 6 nəfər qaydaları pozduğu üçün nəticələri ləğv olunub. TQDK-nın internet saytında 20468 şagirdin imtahan nəticələri yerləşdirilib. İştirakçılardan 14 nəfəri maksimum nəticə göstərərək 60 bal toplayıb.

XI sinif şagirdləri üçün imtahanda iştirakı nəzərdə tutulan 18124 şagirddən 868 nəfəri imtahana gəlməyib, 2 nəfər qaydaları pozduğu üçün nəticələri ləğv olunub. TQDK-nın internet saytında 17254 şagirdin imtahan nəticələri yerləşdirilib. İştirakçılardan 18 nəfəri maksimum nəticə göstərərək 90 bal toplayıb.

Nəticədə 32 iştirakçı maksimum nəticə göstərib.

Qeyd edək ki, məzunlar bu dəfə də ana dili və riyaziyyat fənnindən olduqca aşağı nəticə göstərib.

Ana dili üzrə aparılan imtahanların nəticələrinə görə, imtahan verən 20.468 nəfər şagirdin 8215 nəfəri 2 (qeyri-kafi) qiyməti alıb. Bu da şagirdlərin ümumi sayının 40.14 faizini təşkil edir.

8409 nəfər (41.08 faiz) bu fənn üzrə 3 (kafi) qiyməti alıb. Şagirdlərin 12.85 faizini (2630 nəfər) 4 (yaxşı) qiyməti alanlar təşkil edir. 5 (əla) qiyməti alanların sayı ümumi nəticələrin tərkibində olduqca azdır. Onların sayı 1214 nəfərdir ki, bu da şagirdlərin ümumi sayının 5.93 faizini təşkil edir.

Riyaziyyat fənni üzrə keçirilən imtahanın nəticələri də ürəkaçan deyil. Belə ki, imtahanda iştirak edən 20468 nəfər şagirddən 8239 nəfəri (40.25 faiz) 2 (qeyri-kafi) qiyməti alanlar təşkil edir. 7596 nəfər (37.11 faiz) 3 (kafi), 3160 nəfər (15.44 faiz) 4 (yaxşı) qiyməti alanlardır.

Bu fənn üzrə yenə ən az nəticə 5 (əla) qiymət alanlar üzrə qeydə alınıb. Onların sayı cəmi 1473 nəfər (7.20 faiz) təşkil edir.

Milli Məclisin Elm və Təhsil Komitəsinin üzvü, millət vəkili Musa Qasımlının sözlərinə görə, buraxılış sinifləri məzunlarının öz ana dilini bərbad halda bilməsi acınacaqlı durumdur. Ana dilimiz eyni zamanda dövlət dilimizdir: "Yaranmış vəziyyətdən çıxmaq üçün yollar axtarmalıyıq. Hər şeydən əvvəl məktəblərimizdə ana dilinin tədrisi işi yaxşılaşdırılmalıdır. Bundan əlavə, müvafiq qurumlar Azərbaycan dili və ədəbiyyatı fənlərindən dərs deyən müəllimlərin ixtisas artırmasını təşkil etməli, açıq dərslər keçirməlidir. Yaranmış vəziyyətlə bağlı pedaqoji kollektivlər müzakirələr aparmalıdır. Digər tərəfdən, şagirdlərə qarşı tələblər artırılmalıdır. Həmçinin şagirdlər arasında məktəb və rayon çərçivəsində inşa yazı müsabiqələrinin keçirilməsi praktikası genişləndirilməlidir".

Təhsil eksperti, professor Əjdər Ağayev məsələ ilə bağlı bunları dedi: "Mən bu il TQDK-nın məlumatında böyük bir məntiqi və elmi səhvə rast gəldiyimə görə bu nəticələrə şübhə ilə yanaşıram. Biz hər il TQDK-nın nəticələrinə baxırıq, inanırıq, sonra da "məktəb öyrətmədi, nəticə belə oldu və s." deyə hay-küy etməyə başlayırıq. Nəticədə "2" və "3" qiyməti alanların faizi filan qədərdir" - deyə qeyd olunur. Ancaq təhsil işçisi, pedaqoq bilir ki, "2" və "3"-ün meyarı nədir. "2" qiyməti o deməkdir ki, şagird heç nə bilmir. "3" qiyməti də "kafi" deməkdir, yəni şagird hərəkət edə bilər. Belə bir pedaqoji səhvə yol verdiklərinə görə mənə elə gəlir ki, onların nəticələri obyektivliyi təmin etmir. Onlar işi saxtalaşdırmayıblar, sadəcə, elə qurublar ki, nəticə belə alınıb".

Ə.Ağayevin fikrincə, şagirdlərin ana dilini öyrənməsində təkcə məktəb rol oynamamalıdır. Ailə, televiziya, yollardakı elanlar, yazılar da bu dili uşaqlara öyrədir: "Gəlin baxaq, televiziyada aparıcıların dili hansı səviyyədədir? Yollardakı reklamlar hansı səviyyədədir? Uşaq onlardan götürür. Buna görə məktəbi günahlandırmaq lazım deyil. Ölkədəki sosial və mədəni şəraiti təbliğ etmək lazımdır. Çünki bunlar uşağa təsir edir".

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...