Azərbaycanda mobil telefon nömrələrinə sahiblik qaydaları sərtləşdirilir

Tarix: 10.06.2015 / 02:25
Bölmə: Sosial

Rəsul Cahangirli: "Elə hallar da olur ki, başqasının adına olan nömrədən bəziləri digərlərini narahat etmək üçün istifadə edir"

"Bu kimi hallardan qorunmaq üçün dəyişiklik diqqəti cəlb edir"

Nazirlər Kabineti mobil nömrələrin satışına nəzarəti gücləndirib. Belə ki, artıq istənilən adamın adına olan mobil nömrəni istifadə etmək mümkün olmayacaq. Bu qərar əslində vətəndaşların özlərinə faydalıdır. 3 ay ərzində qüvvəyə minəcək yeni qaydalara görə, abunəçi öz adına olan sim kartı başqa şəxsə istifadə etmək üçün verə bilməz.
Bu qəti qadağandır. Həmçinin, vətəndaş öz sim kartını və telefon aparatını itiribsə, mütləq polisə xəbər verməlidir. Telefon və ya nömrəni alarkən vətəndaşın imzaladığı müqavilədə bu mütləq qeyd olunmalıdır. Bundan sonra heç kəs müqaviləsiz nömrə və ya telefon ala bilməyəcək. Hətta bu müqaviləyə şəxsiyyət vəsiqəsinin surətinin əlavə olunması məcburidir. Məlumata görə, rəsmi distrubütor olan dükanlar bu qaydalara indidən əməl etdiklərini deyirlər. Kiçik satış mərkəzlərində isə əksər hallarda nömrələr başqa adlara rəsmiləşdirilir. Bəzi ekspertlərin fikrincə, bu qaydaların sərtləşdirilməsi ilk növbədə vətəndaşların mənafeyi və onların təhlükəsizliyi üçündür. Onlar bunu onunla əlaqələndirir ki, vətəndaş öz telefon nömrəsini başqasına verərsə, sonradan nömrəni işlədən şəxsin hansısa cinayət əməlinə görə sim kartın əsl sahibi də istintaqa cəlb olunur. Ona görə də nömrə və telefon itirilərsə dərhal polisə məlumat vermək tələbi yenə abunəçinin öz xeyrinədir. Digər tərəfdən, bu qaydalar bahalı nömrə alverçilərinin "fəaliyyətini" məhdudlaşdıracaq. Çünki bəzi işbazlar yaxşı səslənən nömrələri alaraq sonradan hətta fantastik qiymətə başqalarına satır. İndi bu, ticarət mümkün olmayacaq.
Sözügedən məsələni dəyərləndirən ekspert Rəsul Cahangirli, prinsipcə, yeni qaydalara müsbət prizmadan yanaşır: "Ola bilsin ki, ilk vaxtlar bu müəyyən vətəndaşlar üçün hansısa narahatlıq yaratsın. Ancaq bir sıra məsələlərə görə bunun tətbiqinə normal yanaşıram. Hansısa bir şəxs digər şəxsin adına olan telefon nömrəsindən istifadə edirsə, qarşılıqlı razılığa uyğun olaraq onu öz adına keçirə bilər. Bu minvalla da problem həll oluna bilər. Həqiqətən də, bəzən başqasının adına olan nömrə müəyyən problemlərə yol açır. Kimsə telefondan istifadə edərkən cinayət xarakterli hallara yol verir. Bu zaman nömrə kimin adınadırsa, o da məsuliyyətə cəlb olunur və s. Elə hallar da olur ki, başqasının adına olan nömrədən bəziləri digərlərini narahat etmək üçün istifadə edir. Yersiz zəng vuraraq narahat edir. Bu kimi hallardan qorunmaq üçün dəyişiklik diqqəti cəlb edir".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...