Azərbaycanda "bal saxtakarları" ilə mübarizənin yeni standartları olacaq...

Tarix: 18.05.2015 / 02:51
Bölmə: Sosial

Rəsul Cahangirli: "Təkcə standartların hazırlanması ilə bu sahədə problemlərin öz həllini tapacağını düşünmək sadəlövhlük olar"

"Yaxşı olardı ki, arıçılıqla bağlı mütəxəssislərin hazırlığına başlansın"

Azərbaycanda arıçılıq məhsulları və balın keyfiyyət standartları hazırlanır. Hazırda bu məqsədlə Kənd Təsərrüfatı Nazirliyində iş gedir və builki bal mövsümünə qədər bu standartların hazırlanması nəzərdə tutulub. Bu barədə nazirliyin Heyvandarlığın inkişafı şöbəsinin müdiri Qalib Əbdüləliyev mətbuata açıqlamasında bildirib.
Onun sözlərinə görə, son zamanlar satışa çıxarılan balın keyfiyyəti qənaətbəxş deyil: "Bunun qarşısını almaq üçün yollar axtarılmalıdır. İlk növbədə laboratoriya analizi metodu var ki, bu iş də kütləvi şəkildə aparıldığı üçün öz nəticəsini vermir. Çünki təbii balı saxta baldan ayırmaq üçün dərin analizlər aparılmalıdır. Çuğundur şəkərini həqiqi balın tərkibində olan nektar şəkərindən laborator analizləri şəraitində ayırmaq çox çətindir".
Azərbaycanda arıçılıqla məşğul olan təqribən 40 rayonun olduğunu açıqlayan Q.Əbdüləliyev qeyd edib ki, arıçılıq daha çox dağlıq və dağətəyi rayonlarda yayılıb. Lakin rayonlarda arıçılıqla təqribən əhalinin 10 faizi məşğul olur: "Bu sahədə mövcud problemlərin aradan qaldırılması üçün arıçılar təşkilatlanmalıdır. Ötən ilin oktyabr ayında bu məsələ qaldırılsa da, indiyə kimi heç bir təşəbbüs görülməyib".
Digər tərəfdən, ölkədə arıçılığın daha da inkişaf etdirilməsi məqsədilə BMT-nin Ərzaq və Kənd Təsərrüfatı Təşkilatı (FAO) tərəfindən "Azərbaycanda arıçılıq sahəsində məhsuldarlığın artırılması vasitəsilə kənd əhalisinin yaşayışının yaxşılaşdırılması" layihəsinin həyata keçirilməsinə başlanıb.
Maraqlıdır, arıçılıqla bağlı standartların hazırlanması bu sahədə problemlərin həllinə nə dərəcədə təsir göstərə bilər? Xüsusən də saxta bal satışının qarşısının alınması baxımından bunun rolu nə ola bilər?
Məsələyə münasibət bildirən ekspert Rəsul Cahangirlinin sözlərinə görə, standartların hazırlanması bu sahədə problemlərin həll olunması demək deyil: "Düzdür, bu təşəbbüs ümumi işin xeyrinədir. Ancaq bütövlükdə bu sahədə problemləri həll etmək üçün kompleks işlər görülməlidir. Təkcə standartların hazırlanması ilə bu sahədə problemlərin öz həllini tapacağını düşünmək sadəlövhlük olar. Məsələ ondadır ki, arıçılığı inkişaf etdirmək üçün ilk növbədə bitkiçilik sahəsini inkişaf etdirmək lazımdır. Çünki arı balı bitkilərin çiçəyindən toplayır. Bu sahədə ciddi problemlər mövcuddur. Arıçılığın inkişafı istiqamətində hansı bitkilərin yetişdirilməsinin vacib olduğu müəyyən olunmalıdır. Bu istiqamətdə hansısa işlər aparılmalıdır. Bitkilərin yetişdirilməsi üçün növbəli əkin sistemindən istifadə olunmalıdır. Arıçılıq sahəsinə təkcə maliyyə vəsaiti ayırmaqla bu sahəni inkişaf etdirmək real deyil. Arıçılıq sahəsində bir sıra problemlər mövcuddur ki, onlar da bir-birilə bağlıdır. Bu sahəni bilən mütəxəssislər azdır. Yaxşı olardı ki, onların hazırlığına başlansın. Əvvəllər bununla bağlı Rusiyadan müəyyən jurnallar gəlirdi ki, həmin vəsaitlər bu işlə məşğul olanların işinə yarayırdı. İndi bu yoxdur. Ekoloji amillərin arıçılığın inkişafına mənfi təsir göstərdiyi müşahidə olunur. Ancaq bunun qarşısının alınması istiqamətində elmi araşdırmaya söykənən iş yox səviyyəsindədir. Bəzən naşı adamlar bu işlə məşğul olur. Satışda çoxlu miqdarda saxta bal var. Ona görə də məsələyə hərtərəfli yanaşılmalıdır".

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...