Nikahqabağı məcburi tibbi müayinə normasının ən zəif yeri...

Tarix: 15.05.2015 / 02:46
Bölmə: Sosial

Əli İsaoğlu: "Xəstəlikləri ilə bağlı məlumatlar aldıqdan sonra qərar qəbul etmək səlahiyyəti şəxsin özünə qalır"

"Məcəllənin 13.6-cı maddəsinə əsasən nikaha daxil olmaq istəyən şəxslərin tibbi müayinəsinin nəticələri həkim sirridir, yəni hər bir halda, tərəflər nikaha daxil ola biləcək"

Bir müddət əvvəl Ailə Məcəlləsinə edilən dəyişikliklərə əsasən, nikaha daxil olanlar üçün sağlamlıq haqqında arayışın təqdim edilməsi tələbi qoyuldu. Yəni bundan sonra ailə həyatı qurmaq istəyən gənclər müvafiq icra orqanlarına nikahın bağlanması üçün təqdim olunan ərizə ilə yanaşı, sağlamlıq haqqında arayış da əlavə etməlidir.
Sağlamlıq haqqında arayış təqdim edilmədiyi halda isə nikahın bağlanması mümkün olmur. Dəyişikliyə görə, nikaha daxil olan şəxslərdən biri özündə olan hər hansı xəstəliyi gizlətdiyi təqdirdə qarşı tərəf nikahın etibarsız sayılması tələbi ilə məhkəməyə müraciət edə bilər.
Amma məsələ orasındadır ki, sağlamlıq haqqında məlumat şəxsin özünə verilir və anonim saxlandığı üçün bu, qarşı tərəfdən gizlədilə də bilər. Yəni bu, yenə insanın vicdanına qalır.
Hüquqşünas Əli İsaoğlu bildirdi ki, əvvəllər ailə həyatı quran şəxslərin tibbi müayinədən keçməsi könüllü olaraq həyata keçirilirdi: "Lakin ailələrdə baş verən problemlərlə əlaqədar olaraq parlament "Azərbaycan Respublikasının Ailə Məcəlləsində dəyişikliklər edilməsi haqqında" Qanunu qəbul edərək ailə quran şəxslərin tibbi müayinədən keçməsini imperativ norma kimi Ailə Məcəlləsinə daxil edib. Əsas dəyişiklik Məcəllənin 13-cü maddəsində öz əksini tapıb. Həmin maddəyə əsasən, nikaha daxil olmaq istəyən şəxslər siyahısı müvafiq icra hakimiyyəti orqanı tərəfindən müəyyən edilən xəstəliklər üzrə tibbi müayinədən keçir. Prezidentin qeyd olunan qanunun tətbiqi ilə əlaqədar verdiyi fərmana əsasən, müvafiq icra hakimiyyəti orqanının səlahiyyətlərini Nazirlər Kabineti həyata keçirir".
Hüquqşünasın sözlərinə görə, bu dəyişiklik nikaha daxil olan şəxslərin nikaha daxil olması üçün hər hansı bir maneə və ya məhdudiyyət deyil. Belə ki, Ailə Məcəlləsinin 13.3 və 13.4-cü maddələrinə əsasən, nikaha daxil olmaq istəyən şəxslərə onların tibbi müayinəsinin nəticələri ilə yanaşı, tibbi müayinədən keçdiklərini təsdiq edən arayış verilir. Nikaha daxil olmaq istəyən şəxslərin tibbi müayinədən keçdiklərini təsdiq edən arayış tibbi müayinədən keçmə faktını və bu Məcəllənin 13.2-ci maddəsinə uyğun olaraq, tibbi məsləhətin verildiyini təsdiq edir və həmin şəxslərin tibbi müayinəsinin nəticələrini əks etdirmir. Nikaha daxil olmaq istəyən şəxslərin tibbi müayinədən keçdiklərini təsdiq edən arayış onların müvafiq icra hakimiyyəti orqanına nikaha daxil olmaq barədə verdikləri ərizəyə əlavə olunur: "Müvafiq icra hakimiyyəti orqanlarının vəzifəli şəxsləri nikaha daxil olmaq istəyən şəxslərdən onların tibbi müayinəsinin nəticələrini tələb edə bilməz. Yəni nikaha daxil olmaq istəyən şəxslərdə siyahısı Nazirlər Kabineti tərəfindən təsdiq edilmiş xəstəliklər aşkar olunduğu təqdirdə bu məlumat həkim sirrini təşkil etdiyi üçün açıqlanmayacaq və müvafiq qeydiyyat orqanı bu barədə məlumatlı olmayacaq. Çünki həmin Məcəllənin 13.6-cı maddəsinə əsasən, nikaha daxil olmaq istəyən şəxslərin tibbi müayinəsinin nəticələri həkim sirridir. Yəni hər bir halda, tərəflər nikaha daxil ola biləcək. Burda nikah azadlığı prinsipi pozulmur. Bu dəyişiklik sadəcə olaraq tərəflərin məsuliyyətini artıracaq, onlara aşkar olunacaq xəstəliklər və onların nəticəsi barədə məlumat, məsləhət veriləcək. Bu, həmin şəxslərə nikaha daxil olmamışdan öncə qərarlarına bir daha nəzər yetirmək şansı verəcək. Digər tərəfdən, qanunverici orqan dəyişiklik və əlavələrdə xəbərdarlıq funksiyasını yerinə yetirərək, bəzi xəstəliklərin daha təhlükəli olduğunu nəzərə alaraq, nikaha daxil olan şəxslərə xəstəlikləri barədə yanlış məlumat verməyin zərərli nəticələrini də göstərir. Belə ki, Ailə Məcəlləsinin 13.7-ci maddəsinə əsasən, nikaha daxil olan şəxslərdən biri özündə dəri-zöhrəvi xəstəliyinin və insanın immunçatışmazlığı virusunun (İİV) törətdiyi xəstəliyin olmasını o birindən gizlətdikdə digər tərəf nikahın etibarsız sayılması tələbi ilə məhkəməyə müraciət edə bilər. Eyni zamanda bildirim ki, Cinayət Məcəlləsinin 139-cu maddəsinə əsasən, özündə zöhrəvi xəstəlik olduğunu bilən şəxsin bu xəstəliyi başqa şəxsə yoluxdurması və həmin Məcəllənin 140-cı maddəsinə əsasən, başqa şəxsi İİV infeksiyası ilə bilə-bilə yoluxma təhlükəsi qarşısında qoymaq cinayət əməlidir, şəxsin cinayət məsuliyyətinə cəlb edilməsi üçün əsasdır. Xəstəlikləri ilə bağlı məlumatlar aldıqdan sonra qərar qəbul etmək səlahiyyətləri özlərində qalır. Əsas etibarilə sağlam ailə istəyirlərsə, həkim məsləhətinə qulaq asmalı və atdığı addımlara görə məsuliyyət daşıdıqlarını bilməlidirlər".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...