10/08/2020 00:07
728 x 90

Seçkidə polisin asayişi mühafizə fəaliyyətini qaralamaq cəhdlərinin arxasındakı qüvvələr...

Elman Nəsirov: “Polisin seçki prosesinə müdaxilə etməsi ilə bağlı səslənən fikirlər tamamilə yalandır”

img

Zaman-zaman polisə yönəlik qaralama kampaniyasının aparılmasını müşahidə etmişik. Müəyyən qüvvələr, yeri gəldi-gəlmədi, polisin adını mənfi yönümdə hallandırmağa çalışırlar. Hər seçki dönəmində belə rəy yaratmağa çalışırlar ki, guya polis seçki prosesinə müdaxilə edir. Hansı ki, polisin işi ictimai asayişi qorumaqdan ibarət olur.

9 fevral parlament seçkilərində səsvermə zamanı sosial şəbəkələrdə yayılan bəzi videolarda polisin guya zorakılığa yol verməsi ilə bağlı fikirlər formalaşdırmağa cəhdlər edildi. Hansı ki, bütün bunlar qərəzli və ədalətsiz yanaşmalardır. Polis yalnız Seçki Məcəlləsi ilə nəzərdə tutulmuş halda - rəsmi dəvət əsasında seçki məntəqələrinə gəlib asayişi bərpa edir, qanunauyğun tədbirlər həyata keçirir. Ona görə də polisi qaralamaq, onun fəaliyyətinə kölgə salmaq qəbuledilməzdir. Nəzərə almaq lazımdır ki, polis qanunun ona verdiyi imkanlar daxilində hərəkət edir. Polisin əsas vəzifəsi isə ölkədə asayişi, insanların təhlükəsizliyini qorumaqdır. Əgər kimsə qanunu pozursa, qarşısında asayiş keşikçisini görəcək. Bu, dünyanın hər yerində belə olduğu kimi, Azərbaycanda da o cürdür.

Yeri gəlmişkən onu da qeyd edək ki, Daxili İşlər Nazirliyinin mətbuat xidmətinin rəisi, polis polkovniki Ehsan Zahidov sosial şəbəkələrdə Suraxanı rayonundakı seçki məntəqələrindən birində polis əməkdaşlarının məntəqənin daxilində bir nəfərə qarşı zor tətbiq etdiklərini əks etdirən videogörüntülərlə bağlı açıqlama verərək deyilənlərə aydınlıq gətirib. Məlum olub ki, həmin məntəqənin sədri qanunvericiliyin tələbinə uyğun olaraq, ərazidə xidmət aparan polis əməkdaşlarını məntəqəyə dəvət edib və oradakı müşahidəçinin seçki prosesinə yersiz və əsassız müdaxilə etməsini, seçicilərin normal səs vermələrinə maneələr yaratdığını bildirib. Bütövlükdə, Milli Məclisə növbədənkənar seçkilər zamanı polis yalnız Seçki Məcəlləsi ilə nəzərdə tutulmuş halda – rəsmi dəvət əsasında seçki məntəqələrinə gəlib asayişi bərpa edib və qanunauyğun tədbirlər görüb.

  • “Reallıq ondan ibarətdir ki, müəyyən qüvvələr polisi qaralamaqla gözdən salmağa çalışırlar”

Məsələyə münasibət bildirən millət vəkili Elman Nəsirovun sözlərinə görə, müəyyən dairələr polisi qaralamaqla gözdən salmağa çalışırlar: “Əvvəla 9 fevralda keçirilən növbədənkənar parlament seçkiləri şəffaf və demokratik şəraitdə keçirilib. Beynəlxalq müşahidəçilərin mütləq əksəriyyəti seçkini belə qiymətləndirib. Bu arada guya polisin seçki prosesinə müdaxilə etməsi ilə bağlı səslənən fikirlər tamamilə yalandır. Məsələ ondadır ki, polisin funksiyası ictimai asayişi təmin etməkdir. Ölkə polisi də bunu yüksək səviyyədə təmin edir. İnsanların gediş-gəlişinin sıx olduğu yerlərdə, nəqliyyatın hərəkət zonasında razılaşdırılmamış aksiyaların təşkilinə polis imkan vermir. Çünki belə aksiyalar qanuna ziddir. Bu məsələdə polisin davranışı tamamilə onların fəaliyyətinə uyğundur. Seçki günü də polis ancaq ictimai asayişi qoruyub. Ancaq reallıq ondan ibarətdir ki, müəyyən qüvvələr polisi qaralamaqla gözdən salmağa çalışırlar. Bu isə düzgün hərəkət deyil. Bəziləri, xüsusən də radikallar seçkidə uduzmalarının səbəbini zəif sosial bazaları ilə deyil, polislə əlaqələndirməyə çalışırlar. Guya polis seçkiyə müdaxilə edib. Bu cür yanaşma isə kökündən absurddur”.

Vidadi ORDAHALLI 

Son xəbərlər