26/02/2020 12:52
728 x 90

ABŞ və Almaniya kəşfiyyatlarının İsveçrədə gizli sahibi olduqları şirkətin satdığı cihazlarla 1940-cı illərdən indiyə kimi 120-dən çox ölkəni dinlədiyi ortaya çıxdı

img

ABŞ Mərkəzi Kəşfiyyat İdarəsi (MKİ) və Almaniyanın Xarici Kəşfiyyat İdarəsi (BND) İsveçrənin bir şirkəti vasitəsi ilə 120-dən çox ölkəyə satdıqlar cihazlar üzərindən bu ölkələrin hökumət rəsmilərini on illərlə dinlədiyi ortaya çıxıb.

Baki-xeber.com xəbər verir ki, bu barədə “Washington Post” qəzeti və Almaniyanın ZDF media qurumunun gizli MKİ və BND sənədlərinə istinad edərək ortaq hazırladığı xəbərdə bildirilir.

Xəbərdə sözügedən iki təşkilatın İsveçrə mərkəzli "Cyrpto AG" şirkətinin satdığı cihazlar vasitəsi ilə 120-dən çox ölkəni gizli dinlədikləri və bunu "əsrin kəşfiyyat zərbəsi" kimi qiymətləndirdikləri deyilir.

1940-cı illərdə İkinci Dünya Müharibəsi bitəndən 2000-ci illərin əvvəllərinə qədər "Cyrpto”nun gizli sahibləri olan MKİ və BND-nin, şirkətin digər ölkələrə satdığı cihazlarla bütün kodları sındırdığı, bu cihazlara hökumətlərin mesajlarını oxumağa imkan verən avadanlıqlar quraşdırdığı vurğulanır.

MKİ və BND-nin, aralarında Türkiyə, Pakistan, İran və Hindistanın da olduğu bir çox ölkənin hökumət rəsmilərini on illər ərzində bu cihazlar vasitəsilə dinlədiyi qeyd edilir.

“Washington Post” və ZDF-nin ələ keçirdiyi sənədlərdə “Cyrpto”nun ölkələrin kəşfiyyatlarına gizli girişi təmin edərək milyonlarla dollar qazanc əldə etdiyi qeyd edilir. "Xarici hökumətlər ABŞ və Qərbi Almaniyaya ən gizli sirlərinin ən azı iki xarici ölkə tərəfindən oxuması üçün yaxşı pul ödəyirdilər" - sənədlərdə deyilir.

Sözügedən cihazlar vasitəsilə ABŞ-ın 1979-cu ildə İranda girov böhranında Tehranı və 1986-cı ildə Qərbi Berlində diskotekanın bombalanması olayında Liviyanı dinlədiyi ​​qeyd edilir.

Alman kəşfiyyatının, 1990-cı illərin əvvəllərində pul məsələsində anlaşılmazlıqlar və ABŞ-ın Almaniyanın bəzi müttəfiqlərini dinləmək istəməsindən sonra şirkətdən ayrıldığı və CIA-nın Berlin hökumətinin səhmlərini satın aldığı bildirilir. MKİ-nin də əlindəki səhmləri satmasından sonra 2018-ci ildə ikiyə bölünən “Cyrpto” şirkəti sözügedən xəbərlərin ardından rəsmi veb saytında açıqlama yayıb və MKİ və ya BND ilə əlaqələrinin olmadığını bildirib: "MKİ və ya BND ilə əlaqəmiz yoxdur, heç vaxt da olmadı".

Son xəbərlər