Elşad Həsənov: “Əgər belə bir toqquşma olarsa o zaman NATO ölkələri Rusiyaya qarşı hərbi əməliyyatlara başlaya bilər”
Xarici medianın məlumatına görə, Türkiyənin F-16 təyyarələri Baltik hava məkanında 24/7 patrul xidməti göstərəcək. NATO-nun Baltik Hava Polisi missiyasının bir hissəsi olaraq Estoniyada beş Türkiyə F-16 qırıcı təyyarəsi və 76 hərbi qulluqçu yerləşdiriləcək.
Əməliyyata hazırlıqlar Türkiyə Hərbi Hava Qüvvələrinin Diyarbəkirdəki 8-ci Baş Komandanlıq hava bazasında aparılır.
Əməliyyata hazırlıqlar Türkiyə Hərbi Hava Qüvvələrinin Diyarbəkirdəki 8-ci Baş Komandanlıq aviabazasında aparılır.
Məlumdur ki, Baltik bölgəsi çox həssas bölgədir. Rusiyada orada sərhədləri daim pozur. Türkiyə NATO-nun üzvüdür. Amma məhz belə şəraitdə bir əgər Türkiyənin F-16-larının şəxsi heyətinin Baltik səmalarında mühafizə ilə məşğul olması, bu Rusiya-Türkiyə toqquşma ehtimalını yaradırmi?
Siyasi ekspert Elşad Həsənov baki-xeber.com-a bildirdi ki, Rusiya Ukrayna müharibəsi başlayandan sonra NATO ölkələri Ukraynaya ciddi dəstək göstərirlər. “Bildirilir ki, Rusiyanın Ukraynadan sonra hədəfi ilk növbətə Baltik ölkələri və Polşa ola bilər. Ona görə də, bu ölkələrdə ayıq-sayıq dayanmağı vacib bilirlər. 2004-cü ildən Latviya, Litva və Estoniyanın hərbi hava qüvvələri olmaması səbəbindən NATO ölkələri Baltik ölkələrində keşik çəkirlər. Son illər də dəfələrlə məhz Baltik ölkələrinin hava sərhədləri pozulub. Rusiya tərəfindən göndərilən dronlar, qırıcı təyyarələr hava məkanını pozub və bu barədə də NATO rəsmiləri dəfələrlə bəyanat veriblər. İndi isə potasiya qaydasında həmin bölgənin hava məkanının mühafizəsi Türkiyəyə tapşırılıb. Türkiyə NATO-nun ən güclü üzvlərindən biri olaraq bu işi həyata keçirəcək. Bu da avqustdan noyabra qədər olacaq. Həmin dövr ərzində Türkiyənin 5 F-16 qırıcı təyyarəsi və 76 hərbiçisi orada öz vəzifələrini yerinə yetirəcək. Onu bildirmək lazımdır ki, həmin qüvvələr Marı hərbi bazasında yerləşdiriləcək. Vəziyyət mürəkkəbdir, Rusiya tez-tez hava sərhəddini pozur. Bu səbəbdən, orada da təxribatlar olması gözlənilir. Ancaq hesab edirəm ki, Türkiyənin hərbi gücü yalnız onun özü üçün deyil, həm də NATO ölkəsi olduğu üçün burada Rusiya Türkiyə münasibətləri yox, Rusiya NATO ölkələri arasında münasibətlər haqqında düşünməliyik.
Ona görə də, hesab edirəm ki, bu Türkiyə Rusiya toqquşmasına gətirib çıxarmayacaq. Əgər belə bir toqquşma olarsa o zaman NATO ölkələri Rusiyaya qarşı hərbi əməliyyatlara başlaya bilər”.
E.Həsənovun fikrincə, bu mənada Türkiyə hərbiçiləri özbaşına deyil, NATO ölkəsi olaraq rotasiya qaydasında avqustdan noyabra qədər Estoniyada xidmət edəcək. “Hesab edirəm ki, heç bir ciddi qarşıdurma olmayacaq”-deyə E.Həsənov vurğuladı.
İradə SARIYEVA
