ABŞ Prezidenti Donald Tramp süni intellekti tənzimləyən xüsusi bir qurumun yaradıldığını elan edib. Onu "Süni İntellektin Gücü" adlandıran Tramp bu planları sosial media platforması Truth Social-da paylaşıb. Donald Tramp, eyni zamanda, ABŞ hakimiyyətinin neyron şəbəkələrinin inkişafını tam dəstəkləyəcəyini və təşviq edəcəyini vurğulayıb. "Biz heç bir şəkildə bu inanılmaz sənayenin böyüməsini dayandırmayacağıq və ya yavaşlatmayacağıq", - o deyib və hakimiyyət orqanlarının sektora mənfi təsir göstərən amillərlə mübarizə aparmaq üçün cinayət və mülki ədalət sistemlərindən istifadə edəcəyini bildirib. "Biz həmçinin pis aktyorları axtaracağıq. Bu məqsədlə, ilk müddətimdə böyük uğur qazanan Kosmik Qüvvələri yaratdığım kimi, Süni İntellektin Gücünü yaradıram", - deyə ABŞ prezidenti qeyd edib və yaxın gələcəkdə bu təşəbbüsə rəhbərlik edəcək bir məmur - "Süni İntellektin Gücü"nü təyin edəcəyini bildirib.
9 sentyabrda süni intellekt modellərinin təlimi üzrə aparıcı mütəxəssis Ceykob Kokson rəqabətin təsiri altında süni intellekt şirkətlərinin "özünü təkmilləşdirən superintellekt və həyatımızla qumar oynamağa doğru birbaşa yarışdığını" bildirərək Anthropic-dən (Claude-un tərtibatçısı) istefa verib. Daha sonra Anthropic (Dario Amodei), SpaceX (Elon Musk) və OpenAI (Sam Altman) şirkətlərinin rəhbərləri süni intellekt inkişafını yavaşlatmaq çağırışına qoşulublar. Lakin ABŞ prezidenti Donald Tramp üstünlüyü Çinə verməklə bağlı narahatlıqlar səbəbindən bu ideyanı rədd edib.
SAMİRƏ
