ABŞ Ukrayna ilə bağlı mövqeyini dəyişib və Kiyevin tərəfdaşına çevrilib.
Fransa prezidenti Emmanuel Makron bu açıqlamanı İtaliyanın Baş naziri Giorgia Meloni ilə birgə mətbuat konfransı zamanı verib. Onun fikrincə, G7 sammiti zamanı imzalanan sənədlər "amerikalılar və avropalılar arasında yenilənmiş yaxınlaşma siqnalıdır".
Makron bildirib ki, ABŞ ilk dəfə olaraq artıq neytral vasitəçi olmadığını, əksinə, Ukraynanın ərazi bütövlüyünü dəstəkləmək, hərbi yardım göstərmək, enerji dəstəyi və Rusiya əleyhinə sanksiyalar məsələlərində dəstək bildirən mətn imzalayıb.
Xatırladaq ki, 15-17 iyun tarixlərində Fransanın Evian-le-Ben şəhərində keçirilən sammitdə G7 liderləri Ukraynaya hava hücumundan müdafiə sistemləri, əlavə sistemlər və tutucu qurğular, eləcə də uzaqmənzilli raketlərin tədarükünü artırmaq barədə razılığa gəliblər.
G7 ölkələri həmçinin Ukraynanın enerji sektoruna qarşıdan gələn qışdan sağ çıxmasına kömək etmək üçün əlavə dəstək vermək niyyətlərini açıqlayıblar. Bundan əlavə, G7 liderləri Rusiyanın müdafiə sənayesinə və hərbi iqtisadiyyatına təzyiqi artırmağa, xüsusən də neft və qaz sektorundakı məhdudiyyətlərə diqqət yetirməyə söz veriblər. Onlar Hörmüz boğazının açılmasının Moskvaya qarşı əlavə tədbirlər görmək üçün "fürsət anı” yaratdığına inanırdılar. Rusiya ekspert icması siyasətçinin açıqlamasını yalan adlandırıb. Siyasi analitiklər hesab edirlər ki, İranla müharibə olmasaydı, Amerika lideri digər G7 ölkələrinin Ukrayna böhranı ilə bağlı fikirlərini dəstəkləməzdi. "Politico"nun xəbər verdiyi kimi, Tramp həmkarlarına İslam Respublikası ilə razılaşmanı dəstəkləmələri və Hörmüz boğazının minalardan təmizlənməsinə kömək təklif etmələri üçün təzyiq göstərib.
SAMİRƏ
