Mübariz Göyüşlü: “Ölkəmizdə sabitliyin və təhlükəsizliyin hökm sürməsi Prezident İlham Əliyevin apardığı ağıllı, praqmatik siyasətin nəticəsidir”
Ceyhun Məmmədov: "Azərbaycan bir sabitlik adasıdır"
Dünyada münaqişələrin, qarşıdurnaların daha da artdığı bir dövrdə Azərbaycanda sabitliyin, təhlükəsiliyin yüksık səviyyədə təmin olunur. Qlobal miqyasda münaqişələrin, iqtisadi böhranların və təhdidlərin artdığı bir dövrdə Azərbaycanda sabitliyin yüksək səviyyədə təmin olunması, ölkənin müstəqil siyasətinin, güclü iqtisadi potensialının və xalq-iqtidar birliyinin məntiqi nəticəsi kimi qiymətləndirilir. Bu sabitlik ölkəmiz üçün təkcə daxili təhlükəsizlik deyil, həm də geniş iqtisadi və siyasi dividendlər qazandırır.
Regional təhlükəsizlik və sabitlik adası kimi Azərbaycan tanınır, qəbul edilir. Belə ki, dünyanın bir çox nöqtələrində, xüsusilə Yaxın Şərqdə və müxtəlif qitələrdə baş verən müharibələr fonunda, Azərbaycan sabitlik və təhlükəsizlik məkanı kimi tanınır. Bu, ölkəmizi qlobal böhranların mənfi təsirlərindən qoruyur.
Dövlətimizin milli təhlükəsizlik strategiyasının təməlində daxili risklərin və kənardan gələ biləcək təhdidlərin vaxtında analiz olunaraq neytrallaşdırılması dayanır. Hüquq-mühafizə orqanlarının peşəkar fəaliyyəti və qanunvericilik bazasının təkmilləşdirilməsi bu təhlükəsizliyin əsasını təşkil edir. Ərazisində terror və radikal təhdidlərin ən aşağı səviyyədə olduğu ölkələrdən biri kimi, Azərbaycan beynəlxalq investorlar üçün etibarlı tərəfdaş imicini qoruyub saxlayır. Sabitliyin mövcudluğu ərzaq və enerji təhlükəsizliyi məsələlərində ölkəni qlobal qiymət artımları və dalğalanmalar qarşısında daha dayanıqlı edir.
Dünyada münaqişələrin, qarşıdurnaların daha da artdığı bir dövrdə Azərbaycanda sabitliyin , təhlükəsiliyin yüksık səviyyədə təmin olunması necə dəyərləndirilə bilər? Buna necə nail olunub?
"Müasir İnkişaf" İctimai Birliyinin sədri, Crossmedia.az saytının baş redaktoru, siyasi şərhçi Mübariz Göyüşlü baki-xeber.com-a bildirdi ki, dünyada münaqişələrin, qarşıdurnaların daha da artdığı bir dövrdə Azərbaycanda sabitliyin, təhlükəsiliyin yüksək səviyyədə təmin olunması təsadüfi deyil, bu dövlətin həyata keçirdiyi uğurlu siyasətin təzahürüdür. O, vurğuladı ki, biz ölkəmizdə olan sabitliyi, mövcud olan sakitliyi, təhlükəsizliyi daha çox hiss etməkdəyik. “Yəni müharibədən sonra Azərbaycanda çox stabil, sabit bir situasiya yaranıb və ətraf ərazilərdə yaşanan, böyük ölkələr arasında baş verən bu qanlı, dağıdıcı müharibədən sonra biz ölkəmizdəki sabitliyin nə qədər əhəmiyyətli olduğunu hiss etməkdəyik. Hesab edirəm ki, ölkəmizdə sabitliyin və təhlükəsizliyin hökm sürməsi Prezident İlham Əliyevin apardığı ağıllı, praqmatik siyasətin nəticəsidir. Xüsusən biz Yaxın Şərqdə, Amerika/İsrail və İran arasında baş verən müharibə zamanı da, müharibədən sonra da situasiyanı müşahidə etdiyik. Müharibə zamanı bu müharibəyə birbaşa aidiyyəti olmayan ölkələrin də ərazisinə raketlərin düşməsini, gərginliyin baş veriyini gördük. Amma bu situasiyada Azərbaycanda sabitliyin qorunub saxlanılması bu uğurlu siyasətin nəticəsidir. Yəni, bir növ Azərbaycanın ətrafda gedən müharibələri nəzərə alsaq deyərdik ki, Azərbaycan bunların içərisində bir yaşıl, sabit, stabil ada kimi qalmaqdadır və görünməkdədir”.
M.Göyüşlünün sözlərinə görə, bu sabitliyin və təhlükəsizliyin qorunmasında təhlükəsizlik orqanlarının, ordumuzun, güc strukturlarının fəaliyyəti xüsusi qeyd edilməlidir. O, hesab edir ki, bütün bunlar hamısı çox önəmli bir məsələdir. “Bundan sonra da bu siyasətin davam edəcəyi şübhəsizdir. Çünki bu günlərdə keçirilən sorğuların nəticələrinə əsasən, Prezident İlham Əliyevə rəyi soruşulanların etimad səviyyəsi 87.7 faizdir. İnsanların 93.6 faizi dövlət başçısının fəaliyyətini müsbət qiymətləndirir, 81.9 faiz isə onu alternativsiz siyasi lider hesab edir. Respondentlərin böyük əksəriyyəti Prezidentin yürütdüyü siyasəti dəstəklədiklərini bildiriblər. Bu da həmin o sabitliyə və stabilliyə Azərbaycan xalqının reaksiyasıdır”-deyə M.Göyüşlü qeyd etdi.
Millət vəkili Ceyhun Məmmədov da hesab edir ki, bu gün Azərbaycan bu mənada dünyada çox nadir, unikal nümunələrdən biridir: “Yəni bu gün ölkəmizdə sabitlik, əmin-amanlıq ən yüksək səviyyədədir. Bu mənada Azərbaycan xalqı xoşbəxtdir. Sabitlik var, təhlükəsizlik var, əmin-amanlıq var. Dünyamız heç zaman olmadığı qədər bu gün gərgindir. Ətrafımızda müharibə gedir. Amma cənab Prezidentin həyata keçirdiyi uzaqgörən, müdirik, ardıcıl siyasət nəticəsində bu gün Azərbaycan bir sabitlik adasıdır, Azərbaycanda sabitlik , əmin-amanlıq var. Bu gün Azərbaycan bu mənada dünyanın bütün ölkələrindən xüsusilə seçilir. Yəni, bu mənada ölkəmiz unikal bir nümunə kimi qiymətləndirilməlidir. Ümumiyyətlə, bu sadə bir məsələ deyil. Yəni, keçən əsrin 90-cı illərinin əvvəllərində Azərbaycan çox ağır və mürəkkəb bir dövrdən, mərhələdən, zamandan keçdi. Sabitlik pozuldu, vətəndaş müharibəsi ərəfəsində idik. Çox ağır və mürəkkəb bir dövrə qədəm qoymuşduq. O dövrdə ulu öndər Heydər Əliyev gəldi, Azərbaycanı bu bəlalardan xilası etdi. Yalnız bu istiqamətdə yox, eyni zamanda davamlı olaraq müxtəlif istiqamətlərdə tədbirlər həyata keçirildi. Xüsusilə onu qeyd etməliyik ki, bu tədbirlərlə yanaşı, eyni zamanda sabitlik təmin olundu və cənab Prezident bu siyasəti uğurla davam etdirdi. Yəni, bu gün də Azərbaycanda ciddi bir sabitlik var, ciddi bir əmin-amanlıq var. Ölkəmiz davamlı olaraq inkişaf edir. Özünün imkanlarını və potensiyalarını daha da artırır”.
İradə SARIYEVA
