Faiq Ələkbərli: “Bu kimi saxta “şahidlərin” meydana çıxarılması məsələsi də onların özlərinin elə əleyhinə çevriləcəkdir”
Ermənistan mətbuatı qondarma erməni soyqırımı mövzusunda yalan üzərində qurduqları təbliğatı ən müxtəlif formalarda davam etdirir. Tarixdə heç zaman baş verməyən, Avropa dövlətlərinin və keçmiş SSRİ-nin uydurduğu bu qurama məsələ ilə bağlı saxta şahidlər haqda da məlumatlar yayırlar. Məsələn, erməni mediası 112 yaşında vəfat edən Mariya Vardanyanı “qondarma soyqırımın son şahidi” kimi qələmə verirlər, yazırlar ki, “erməni soyqırımının son şahidi vəfat etdi”.
Guya M.Vardanyanın 1 yaşı olanda bu olay baş verib və o, da “"erməni soyqırımından” sağ çıxıb.
“Erməni soyqırımından sağ çıxan sonuncu şəxslərdən biri olan Mariya Vardanyan 112 yaşında vəfat edib” ifadəsinin özü açıq manipulyasiyadır.
Əvvəla, 112 yaşlı adamın olması təbiidir, hər bir ölkədə bu yaşda şəxs ola bilər. 1914-cü ildə doğulmuş adamın indi də yaşaması mümkündür. Yəni burada qeyri-adi bir şey yoxdur.
“Erməni soyqırımının son şahidlərindən” saydıqları Mariya Vardanyan haqda yazırlar ki, o dostunun ailəsinin köməyi ilə Türkiyədən çıxıb xaricə gedib. Birincisi, 1915-ci ildə Varadanyanın 1 yaşı ola bilərdi ki, o yaşda uşağın yadında nəyin qalması təəccüblüdür. İkincisi də əgər ermənilər qırğına məruz qalırdılarsa onda onun dostunun ailəsi özlərini nə təhər "xilas" etdi ki, hələ bir Mariyanı da götürüb özləri ilə apardılar? 1 yaş olanlar nəyi xatırlaya bilir ki, bu qadın da nəyi isə xatırlasın. Belə idisə bəs Vardanyanın xatirələrindən biri niyə ortada yoxdur? Bu müddət ərzində o bunları niyə üzə çıxarmadı, yazmadı? Bəli, həmin dövrdə anadan olan və indiyə qədər yaşayan erməni ola bilər, amma bu o demək deyil ki, o həmin "qırğınların" şahidi olub.
AMEA-nın Fəlsəfə və Sosiologiya İnstitunun şöbə müdiri, fəlsəfə doktoru, siyasi ekspert Faiq Ələkbərli baki-xeber.com-a bildirdi ki, birincisi, erməni yalanları bu gün başlamayıb, bunun da bir “tarixi” var. “Qondarma erməni soyqırımının özü şahidləri də saxtadır. Görünür, erməni yalanlarından ibarət tarixi hələ də davam edəcəklər. Çünki ən böyük yalanlardan, saxtakarlıqlardan biri erməni soyqırımı məsələsidir ki, bu tamamilə cəfəngiyyat bir məsələdir. Çünki 1915-ci ildə Osmanlıda yaşayan ermənilərin xeyli bir qismi silahlandırılmışdı və Osmanlıya qarşı arxadan zərbə vurmaq üçün prosesə qoşulmuşdular. Yəni artıq bu tarixi bir faktir ki, erməni quldur dəstələrinin arxasında Böyük Britaniya, Fransa, Çar Rusiyası dayanmışdı. Onlar məhz o dönəmdə Osmanlıı bitirmək üçün ermənilərdən maksimum istifadə etdilər. Osmanlı da öz ərazisi daxilində bu kimi problemlərin qarşısını almaq üçün sadəcə ermənilərin bir qismini ölkənin digər yerlərinə köçürmüşdülər. Liviyaya, Suriyaya və s. Bu zaman yolda ölənlər də, dünyaya gələnlər də ola bilər. Bəlkə o zaman dünyaya gələnlərdən kimsə indi də yaşayır. Ancaq ermənilərin iç üzünü göstərmək üçün ancaq şahidlik edə bilərlər. Yəni ermənilərin əsl saxtakarlığını, öz ölkələrinə qarşı necə xəyanət etdiklərini şahid deyə bilərdi. Eləcə də o şahidlərdən biri adı çəkilən guya Mariya Vardanyan olub. O, 112 yaşında vəfat edib. O da vaxtilə nəslinin, ermənilərin Osmanlıya qarşı necə xəyanət etdiklərinin şahidi ola bilər. Yəni bu kimi qondarma şahidlərdən danışmaq və onların adlarını çəkmək ermənilər üçün baş aşağlığıdır, başucalığı deyil”.
F.Ələkbərli bildirdi ki, bu yalanlar, saxtakarlıqlar artıq Ermənistanda dövlət səviyyəsində, indiki baş nazir Paşinyan tərəfindən bu və ya digər şəkildə etiraf edilir. “Paşinyan qondarma erməni soyqırımının bir siyasət halına gətirildiyini də dilə gətirir və haqlıdır da. Çünki doğrudan da qondarma erməni soyqırımı məsələsi yalnız Avropa, Qərb ölkələri üçün erməniləri maşa kimi istifadə etmək, eləcə də Ermənistan daxilindəki revanş qüvvələri hərəkətə gətirmək üçün istifadə olunur. Şovinist qüvvələr üçün sözdə erməni soyqırımı bir vasitədir. Bu baxımdan bu kimi yalançı şahidlərdən danışılması da ermənilərə ancaq zərər verə bilər. Bu baxımdan hesab edirəm ki, ancaq Paşinyan kimi müəyyən mənada praqmatik siyasət yürüdənlər bunu anlayırlar və sözdə erməni soyqırımının artıq bir siyasi oyuna çevrilməsinin qarşısını almaq istəyirlər. Ümid edirəm ki, bu kimi saxta “şahidlərin” meydana çıxarılması məsələsi də onların özlərinin elə əleyhinə çevriləcəkdir”-deyə F.Ələkbərli vurğuladı.
İradə SARIYEVA
