Xaqani Cəfərli: “Safaryanın açıqlamaları ziddiyətli gerçəkliklərin ifadəsidir”
Ermənistan xarici işlər nazirinin müavini Mnatsakan Safaryan Rusiyanın TRIPP layihəsinin yalnız Rusiyanın iştirakından faydalanacağı ilə bağlı açıqlamalarına münasibət bildirib. Armenpress-in məlumatına görə, Safaryan parlamentdə jurnalistlərə bildirib ki, TRIPP hazırda Ermənistan-ABŞ formatında həyata keçirilir, müqavilə imzalanıb və layihə icra mərhələsindədir. Ermənistanın Rusiyanın TRIPP layihəsində iştirakını gələcəkdə hər hansı bir formatda mümkün hesab edib-etmədiyi soruşulduqda, Safaryan "Hazırda gələcək barədə heç nə demək istəməzdim" cavabını verib. Safaryan həmçinin qeyd edib ki, Rusiyanın TRIPP-də iştirakı hazırda müzakirə olunmur; belə bir məsələ gündəmdə deyil. Ermənistanın Avrasiya İqtisadi İttifaqına üzvlüyü nəzərə alınmaqla TRIPP tranzitinin hansı formatda həyata keçiriləcəyi ilə bağlı suala Ermənistan xarici işlər nazirinin müavini belə cavab verib: "Ermənistan hazırda Aİİ-in üzvüdür və tranzit qaydaları AİB qaydalarına uyğundur."
TRIPP-nin Aİİ qaydalarına uyğun olaraq tətbiq edilib-edilməyəcəyi sualına nazir müavini müsbət cavab verdi.
Rusiya xarici işlər nazirinin müavini Mixail Qaluzin bu yaxınlarda TRIPP layihəsinin yalnız Rusiyanın iştirakından faydalanacağını bildirdi. O, Azərbaycanla fasiləsiz xidməti təmin etmək üçün Rusiya dəmir yolu ilə eyni enlikdə TRIPP marşrutunun inşasını təklif etdi. Qaluzin xatırlatdı ki, Ermənistan dəmir yolları Rusiya Dəmir Yollarının törəmə müəssisəsi olan Cənubi Qafqaz Dəmir Yolları Qapalı Səhmdar Cəmiyyəti tərəfindən idarə olunur.
“Yeri gəlmişkən, Avrasiya İqtisadi Birliyi çərçivəsində Ermənistan ərazisindən tranzit, Ermənistanın özünün də dediyi kimi, çıxmaq istəmədiyi Avrasiya İqtisadi Birliyinin norma və qaydalarına uyğun olaraq həyata keçirilməlidir. Axı “Tramp marşrutu” onilliklərdir erməni həmkarları ilə birlikdə Ermənistanın Türkiyə və İranla sərhədlərini qoruyan Rusiya sərhədçilərinin mühafizə etdiyi ərazidən keçəcək. Buna görə də, bu və ya digər şəkildə Rusiyanın, eləcə də Avrasiya İqtisadi Birliyinin rəyi nəzərə alınmalıdır. Buna görə də, biz inanırıq ki, layihə yalnız Rusiyanın iştirakından faydalanacaq”, - deyə Mixail Qaluzin qeyd edib.
Ermənistan xarici işlər nazirinin müavini deyib ki, TRIPP dəhklizində tranzit qaydaları Avrasiya İqtisadi İttifaqının reqlamentinə uyğun olmalıdır. Sonra TRIPP-də Rusiyanın iştirakı ilə bağlı deyir ki, Rusiyanın Aİİ-də mövqeyi nəzərə alınmalıdır. Amma ən diqqət çəkən məqam isə odur ki, o, bildirir ki, tranzit qaydaları Aİİ-nin reqlamentinə uyğun olmalıdır.
Bu necə olacaq?
Politoloq Xaqani Cəfərli baki-xeber.com-a bildirdi ki, Cənubi Qafqazın geosiyasi gələcəyi, Rusiya ilə münasibətlər tam həllini tapmadığı üçün ziddiyyətli açıqlamlar davam edəcək. “Çünki, bu hazırkı ziddiyətli vəziyyətin nəticəsidir. Ermənistan Avrasiya İqtisadi Birliyinin və Kollektiv Təhlükəsizlik Müqaviləsi Təşkilatının üzvüdür. Bu üzvülükdən irəli gələn öhdəlikləri var. Ermənistanın özünün daxilində gömrük siyasətu Avrasiya İqtisadi Birliyinin reqlamentinə uyğunlaşdlırılıb. Bu baxımından Ermənistan xarici işlər nazirinin müavini Mnatsakan Safaryanın açıqlamaları ziddiyətli gerçəkliklərin ifadəsidir. TRIPP-nin Avrasiya İqtisadi Birliyinin qaydalarına uyğun olaraq tətbiq edilib-edilməyəcəyi sualına nazir müavinin müsbət cavab verməsi bu ziddiyətin nəticəsidir. Rusiyanın gələcəkdə TRIPP layihəsində hər hansı bir formatda iştirak etməsinin mümkünlüyü ilə bağlı sualı Ermənistan xarici işlər nazirinin müavinin cavablandırmaması, gələcəklə bağlı heç nə demək istəmədiyini bəyan etməsi mövcud ziddiyətli vəziyyətin nəticəsidir”.
X.Cəfərlinin sözlərinə görə, Azərbaycandan fərqli olaraq Ermənistan tam müstəqil davrana bilmir. “Üstəlik, Paşinyan hökuməti hazırkı mərhələdə Rusiya ilə münasibətləri tam gərginləşdirmək də istəmir. Ermənistanda anlayırlar ki, postsovet çoğrafiyası keçid mərhələdədir. Ancaq bu mərhələnin hələ başa çatmaması ziddiyətli vəziyyət yaradıb. Onun da nəticəsi olaraq ziddiyyətli açıqlamaların şahidi oluruq”-deyə X.Cəfərli vurğuladı.
İradə SARIYEVA
