Ukrayna Rusiyanın "İsgəndər" raketləri ilə Ukrayna Quru Qoşunlarına aid təlim poliqonunu hədəf aldığını və hücum nəticəsində ən azı 12 əsgərin öldüyünü açıqlayıb. Rəsmi açıqlamalara görə, 60-dan çox əsgər də yaralanıb. Hücum Ukraynanın şərqində baş verib.
Hücuma cavab olaraq, Ukrayna Təhlükəsizlik Xidməti (SBU) Rusiyanın dərinliklərində 40-dan çox strateji bombardmançı təyyarəni hədəf alan genişmiqyaslı xüsusi əməliyyata başlayıb.
SBU-nun il yarımdır hazırladığı “Hörümçək toru” kod adlı əməliyyat çərçivəsində A-50, Tu-95 və Tu-22M3 təyyarələrinin yerləşdiyi İrkutskdakı Belaya, Murmanskdakı Olenya, Ryazandakı Dyagilevo və İvanovodakı hava bazaları eyni vaxtda vurulub.
Ukrayna mətbuatının məlumatına görə, Rusiyanın İrkutsk vilayəti də ilk dəfə pilotsuz təyyarələrin hücumuna məruz qalıb. Yerli mənbələr partlayışların Usolye vilayətinin Srednıy və Novomaltinsk yaşayış məntəqələri yaxınlığında baş verdiyini bildiriblər.
Məlumatlara görə, əməliyyat hər gecə Ukrayna şəhərlərini vuran hava bazaları hədəf alınıb. Sosial media hesablarında paylaşılan görüntülərdə Tu-22M3 təyyarələrinin də yer aldığı Murmansk bölgəsindəki Olenya Hava Bazasına da hücum edildiyi görülür.
Ukraynanın təxminən 4900 kilometrliyində Rusiya hava limanında daha bir partlayış baş verib.
Hücum nəticəsində vurulan hava limanında Rusiyanın 444-cü və 200-cü Qvardiya Ağır Bombardmançı Aviasiya Alayları və 181-ci Aviasiya Eskadronu yerləşir. Yerli mənbələr bu bölmələrin böyük itki verdiyini bildiriblər.
Rusiya ilk dəfədir ki, bu böyüklükdə itkini rəsmi olaraq etiraf edib. Rusiya Müdafiə Nazirliyinə yaxın mənbələr ölkə daxilindəki hava bazalarına edilən hücumlarda “çoxlu sayda hərbi təyyarənin zədələndiyini” açıqlayıb.
Bildirilir ki, PUA-lar Rusiya ərazisində əvvəlcədən yerləşdirilmiş və damlarında FPV dronları gizlədilmiş yük maşınlarından buraxılıb. Yerli mənbələrin məlumatına görə, hücum Rusiyanın hava hücumundan müdafiəsini tamamilə hazırlıqsız yaxalayıb.
Rusiya Müdafiə Nazirliyi hücumdan sonra verdiyi açıqlamada Murmansk və İrkutsk vilayətlərində yanğınların baş verdiyini və çoxlu sayda təyyarənin zədələndiyini təsdiqləyib. Nazirlik Ryazan, Amur və İvanovodakı cəhdlərin dəf edildiyini iddia edib. Bununla belə, müstəqil mənbələr hücumların təsirinin daha çox olduğunu bildirir. Peyk görüntülərinə və videolarına görə, təkcə Olenya və Belaya bazalarında ümumilikdə 8 təyyarənin məhv edildiyi iddia edilir.
Ukrayna isə Rusiya hava limanlarına hücumların Poltavadakı Uzunmənzilli Aviasiya Muzeyindən idarə olunan süni intellektlə işləyən FPV dronları tərəfindən həyata keçirildiyinə dair iddiaları təkzib edib.
Hərbi müxbir Aleksandr Kotsun verdiyi məlumata görə, kamikadze FPV pilotsuz təyyarələrinin olduğu konteynerlərin Sverdlovsk vilayətindəki anbarda toplandığı güman edilir. Hücumlarda Çelyabinsk nömrəli iki yük maşınının da iştirak etdiyi bildirilir.
ABŞ mətbuatı Ukrayna tərəfinin hücumdan əvvəl Tramp administrasiyasını məlumatlandırdığını yazıb. Lakin CBS News Ağ Evin əməliyyatdan xəbərsiz olduğunu bildirib.
Qeyd edək ki, , iyunun 2-də, bazar ertəsi saat 13:00-da İstanbulun Çırağan sarayında Ukrayna və Rusiya nümayəndə heyətləri birbaşa danışıqlara başlayacaq. Ukrayna nümayəndə heyətinə müdafiə naziri Rustem Umerov, Rusiya nümayəndə heyətinə isə Kremlin müşaviri Vladimir Medinski rəhbərlik edəcək.
TAHİR
Insane. Footage shows Ukrainian drones at work deep inside Russian territory, obliterating Russian strategic aviation. pic.twitter.com/CiWPnqqmPC — NOELREPORTS 🇪🇺 🇺🇦 (@NOELreports) June 1, 2025
Insane. Footage shows Ukrainian drones at work deep inside Russian territory, obliterating Russian strategic aviation. pic.twitter.com/CiWPnqqmPC
It appears Ukraine may be conducting a coordinated operation targeting Russian strategic aviation at multiple sites deep inside Russian territory. Footage claiming to show burning airfields is circulating, and there are unconfirmed reports of numerous aircraft being hit. Further… pic.twitter.com/BiARKcD081 — NOELREPORTS 🇪🇺 🇺🇦 (@NOELreports) June 1, 2025
It appears Ukraine may be conducting a coordinated operation targeting Russian strategic aviation at multiple sites deep inside Russian territory. Footage claiming to show burning airfields is circulating, and there are unconfirmed reports of numerous aircraft being hit. Further… pic.twitter.com/BiARKcD081
