Ermənistanın baş diplomatı G20 sammitində "məzlum erməni" obrazını ustalıqla ifa etdi
Ermənistan Respublikasının xarici işlər naziri Ararat Mirzoyan G20-nin (Boyuk İyirmilər) ikinci nazirlər görüşündə çıxış edib.
Ermənistanın XİN şefi fürsətdən istifadə edərək Böyük İyirmilər ölkələrindən sədəqə almaq üçün özünü və ölkəsini "məzlum erməni" obrazında göstərməyə çalışdı. Mirzoyanın dunya birliyini nə qədər aldada bildiyini isə biz qarşıdakı illərdə müəyyənləşdirə biləcəyik. Aldada bilibsə, ölkəyə inaələr, dilənçi payları gələcək.
Mirzoyan çixışina ağa qarşısında real bir təbəə kimi başladi və ardınca sözün əsl mənasında çıxışını yalvarışlarla davam etdirdi.
Mirzoyan deyir: "Mən son illərdə qlobal və regional böhranların nəticələri ilə üzləşmiş, dənizə çıxışı olmayan, orta gəlirli, dağlıq ərazisi olan bir ölkəni təmsil edirəm. Ermənistan hər bir ölkənin məqsədyönlü və uyğunlaşdırılmış siyasət və dəstək vasitəsilə öz inkişaf istəklərini həyata keçirmək imkanına malik olduğu qlobal mühiti təşviq etməklə, xüsusi vəziyyətlərdə olan ölkələrin ehtiyaclarının ödənilməsinin vacibliyini ardıcıl olaraq vurğulayır. Güclü, əhatəli, effektiv və çoxtərəfli maliyyə institutları bu məqsəd üçün çox vacibdir". Loru dildə desək, Mirzoyan demək istəyir ki, Ermənistan özünə zorba və varlı bir sponsor axtarır.
XİN başçısı çıxışında vurğulayır ki, Ermənistan dağlıq ərazidə yerləşir, bu səbəbdən də iqlim dəyişikliklərindən ciddi təsirlənir, təbii sərvəti yoxdur, qlobal və regional böhranlara cəlb edilib və s.
Cənab Mirzoyan unudur ki, ölkənin inkişaf imkanlari heç də həmisə dənizə çıxışı, təbii sərvətlərinin bolluğu, ərazisinin düzənlik olmasi ilə şərtləndirilmir. Bunu ona qulaq asanlar da bilir. Dünyada onlarla dənizə çıxışı olmayan, dağlıq ərazisi olan varlı ölkələr saymaq olar. Deməli, səbəb baş diplomatın dedikləri deyil. Bəs nədən Ermənistan Mirzoyanın təsvir etdiyi kimi kasıb və miskin bir ölkədir?
Birinci ondan başlayaq ki, Ermənistan yalnız İranı çıxmaq şərti ilə bütün qonşularından ərazi iddiasına malikdir. Ermənistan Respublikası Türkiyədən "Qərbi Ermənistan"a, Azərbaycandan "Dağlıq Qarabağa", Gürcüstandan isə Cavaxetiya bölgədinə iddialıdır. Bu iddialardan ikisi ilə - "Dağlıq Qarabağ" və "Qərbi Ermənistan"la bağlı Ermənistanın konstitusiyasında müvafiq istinad və maddələr var. Məhz bu səbəbdən də bu iki ölkə ilə sərhədlər bağlıdır. Turkiyə ilə sərhədlər açılsa, Gürcüstanla münasibətlər istiləşsə bu ölkələrin dəniz potensialından istifadə İrəvan üçün çox böyuk iqtisadi səmərə verə bilər. Gurcüstanla münasibətlər normaya yaxın olduğuna gorə Tiflus ona Yuxari Lars gömrük keçid məntəqəsindən keçməklə Rusiyaya çıxışını təmin edir. Həmin ərazidə də relyef elədir ki, bəzən aylarla keçid məntəqəsi bağlı qalmalı olur. Ermənilərin xislətinə bələd olan gürcü hökuməti həmin keçid məntəqəsini yenidən qurub, ötürücülük qabiliyyətini genişləndirmir.
Ermənistanın üçüncü problemli qonşusu ərazisinin 20 faizini rus qoşunlarının köməyi ilə işğal etdiyi və 30 il həmin əraziləri işğalda saxladığı Azərbaycandir. Cənab Mirzoyan bu mötəbər tədbirdə niyə etiraf etmir ki, qonsumuzun torpağını işğal etdiyimiz üçün blokadada qalmışıq?
Ermənistanın Azərbaycanla münasibətləri normal olsaydı nələr baş verərdi?
Birincisi, Azərbaycanın Gürcüstan ərazisindən keçməklə reallaşgırdığı Bakı-Tiflis-Ceyhan neft əsas ixrac boru kəməri, Bakı-Tiflis-Ərzurum qaz kəməri, Bakı-Tiflis(Axalkələk)-Qars dəmir yolu xətləri məhz Ermənistanın Zəngəzur bölgəsindən keçərdi. Hazırda bu layihələrin icrası nəticəsində Gürcüstanın dövlət büdcəsinin 45 faizi doldurulur. Həmin vəsaitləri Gürcüstan yox, Ermənistan qazana bilərdi. Çünki Ermənistandan keçən bu marşurut həm 150 km qısadır, həm də birbaşa Naxçıvana, oradan isə Türkiyəyə keçə bilərdi. Ermənilərin xəstə təfəkkürü onlari bu gəlirdən məhrum etdi.
İkincisi, Ermənistan Azərbaycan vasitəsilə ən yaxın müttəfiqi olan Rusiyaya və indi Avrasiya İqtisadi İttifaqında birlikdə olduğu, onlardan milyonlarla dollar qazandığı Orta Asiya ölkələrinə çıxıs əldə edə bilərdi.
Digər tərəfdən, Azərbaycan-Ermənistan münaqişəsi olmasaydı, artıq 25-30 il əvvəl Orta Dəhliz layihəsi reallaşmışdı və Ermənistan bu tranzitdən hər il 2-3 milyard dollar xalis mənfəət əldə edə bilərdi. Çunki Orta Dəhliz layihəsi Orta Asiya, Cin, Hindistan, Əfqanstan və "Asiya Pələngləri" adlanan ölkələri Avropa ilə birləşdirəcəkdi.
Bütün bunlar G20 sammitində Ararat Mirzoyanın "məzlum erməni" maskasi altında gizlətdiyi həqiqətlərin yalnız bir hissəsidir. Biz hələ xırdalıqlara gedib, qonşularla ticarət dövriyyədindən gələ biləcək gəlirləri hesablamırıq.
Akif NƏSİRLİ
