Erməni mediasının "ipucu" Azərbaycan əsilli amerika vətəndaşı Rəna Abbasova ismidir
Erməni mediası da erməni cəmiyyətinin xəstə təfəkküründən həmişə istifadə edərək özünə reytinq yığır. Belə qara piar kampaniyasından biri də bu günlərdə başlayıb. Erməni mediasının yazdığına görə, guya Nyu-York merinə qarşı korrupsiya və digər ittihamların bir ucu da Azərbaycana gəlib çıxır. Ermənilər ehtimal edilən korrupsiya ittihamında Türkiyənin adını gorub, "bir gülləyə iki dövşan vurmaq" istəyiblər və fantaziyarını işə salıblar.
Belə ki, 25 sentyabr tarixində Nyu-Yorkun meri Erik Adamsa (Eric Adams) qarşı cinayət ittihamları irəli sürülüb. Bu barədə "The Nyu-York Times" mənbələrə istinadla yazır. Yəni rəsmi ittaham haqqında məlumat yoxdur. Şəhərin tarixində ilk dəfə olaraq vəzifədə olan mer cinayət törətməkdə ittiham edilir. İttihamlar rəsmən elan edilməyib. Amma Nyu-York prokurorluğu bir ildir ki, merin bəzi müşavirləri və köməkçiləri, o cümlədən onun təhlükəsizlik məsələləri üzrə müavini ilə bağlı təhqiqat aparır.
Şəhər mediasının yazdığına görə, federal prokurorluq Adamsın seçki kampaniyasının maliyyə mənbələrini araşdırır. O, 2021-ci ildə Nyu-Yorkun meri vəzifəsinə namizədliyini verib.
Prokurorlar ötən ilin payızından bəri Adams ilə maraqlanmağa başlayıblar. FTB agentləri onu bir ictimai tədbirdən sonra saxlayaraq smartfon və planşetini müsadirə ediblər.
Adams Nyu-Yorkun tarixində ikinci qaradərili merdir. O, daha öncə polis kapitanı olub, cinayətkarlığın azaldılması, ABŞ-nin ən böyük şəhərinin idarə olunmasında peşəkarlığın artırılması devizi ilə kampaniyalar aparıb.
Merə qarşı ittihamlar əslində doğrularsa, bu, türkiyəli iş adamları ilə əlaqədardır. İttahama gorə, merin seçki kampaniyası zamanı Türkiyədən qeyri-qanuni ianələr gəlib və bu vəsait seçki kampaniyasına xərclənib. İttahamin digər detalları Erik Adamsın Türk Hava Yollari vasitəsi ilə 6 müxtəlif biznes-klass uçuşları ilə bağlıdır. İstintaq sual edir ki, nəyə görə uçuş üçün məhz Turk Hava Yolları şirkəti seçilib və biletlər bahalı - biznes-klassdir.
Digər tərəfdən, FTB şübhələnir ki, Nyu-Yorkda açılan Türkyə konsulluğunun binası təhvil verilərkə yanğın təhlükəsizliyi qaydalarına uyğun olmayıb. Mer Erik Adams Nyu-Yorkun Yanğın Təhlükəsizliyi Departamentinə təzyiq edib ki, binada hər şeyin qaydasında olduğunu təsdiq etsinlər.
Bununla yanaşı, məqalədə qeyd olunur ki, Rəcəb Tayyib Ərdoğan Amerikada səfərdə olarkən onu məhz Erik Adams qəbul edib. "The Nyu-York Times"-in məlumatına görə, merin Turkiyə və turk iş adamları ilə əlaqələri təhqiq edilir. Həqiqəti üzə çıxarmaq üçün merin tabeliyində çalışan rəsmi şəxslərin evlərində qəfil axtarışlar aparılır, istintaq üçün lazım olan əşyayi-dəlillər götürülur. Belə evində axtarış aparılan rəsmi şəxslərdən biri kimi siyahıda ABŞ-da təhsil almış Azərbaycan əsilli Amerika vətəndaşı Rəna Abbasovanın da adı keçir.
Qeyd edək ki, bir müddət əvvəl Rəna Abbasovanın adi Azərbaycan media məkanında fəxrlə çəkilmiş və onun Nyu-York merinin köməkçisi işlədiyi vurğulanmışdı.
Məqalədə qeyd edilir ki, mer barədə istintaqla bağlı Rəna Abbasovanın evində axtarış aparılıb, lakin evdən istintaq üçün yararli olan heç bir əşyayi-dəlil götürülməyib. O da qeyd edilir ki, xanım Abbasovaya istintaqla əməkdaşlıq etdiyinə görə minnətdarlıq bildirilib. Digər evində axtarış aparılanlarla bağlı məqalədə belə bir qeyd yoxdur. Bununla yanaşı, evində axtarış aparılan digər şəxslər Nyu-York bələdiyyəsində kariyerasına son versə də, Rəna Abbasova istintaqın xahişi ilə növbəti məzuniyyətə göndərilib.
Bütün bunlar da onu göstərir ki, hətta mer Erik Adamsa qarşı hər hansi bir korrupsiya ittahamı irəli sürülsə belə, bunun Azərbaycanla heç bir bağlılığı yoxdur. Sadəcə, mənfur düşmənlərinizin diqqətini cəkən məsələ Türkiyənin bu işdə adının hallanması və azərbaycanlı isminin keçməsi olub. Lakin yuxarıda da qeyd etdiyimiz kimi, məqalədə yazılanlardan belə anlaşılır ki, Rəna Abbasovanın heç bir suçu yoxdur. Onun hər hansı bir günahi sübut olunsa da, o, Amerika vətəndaşı, Nyu-York bələdiyyəsinin rəsmi məmuru kimi məsuliyyət daşıyacaq.
Akif NƏSİRLİ
