Makron məhz Qarabağdan əldə etdikləri qənimətin bədəli olaraq BMT tribunasından riyakarlıq etməyə məcbur qalıb
Nyu-Yorkda BMT Baş Assambleyasının tribunasında çıxış edən Fransa prezidenti Emmanuel Makron müxtəlif dünya münaqişələrində beynəlxalq ictimaiyyətin roluna və onların həllinə toxunaraq, Ermənistani təzyiq altında, ərazi bütövlüyünə təhlükə olan bir ölkə kimi qələmə verir. Görəsən, təcavüzkar və imperialist tarixə malik olan Fransa liderləri 2020-ci ilin 10 noyabırına qədər başlarını hansı kola soxmuşdular ki, Ermənistan hökumətinin Azərbaycana qarşı təcavüzünü və işğalçılıq siyasətini görmürdülər?
Əlbəttə görürdülər, lakin bu həqiqətləri dilə gətirmək, insanlığa qarşı cinayətlərə qarşı çıxmaq Fransa liderlərinin maddi mənafeyi ilə ziddiyyət təşkil edirdi. Ona görə də yalnız Emmanuel Makron deyil, son 30 ildə Fransaya rəhbərlik etmiş bütün liderlər Ermənistanın havadarlarının köməyi ilə Azərbaycana qarşı yürütdüyü işğalçı siyasətə riyakar mövqe sərgiləyiblər.
Bəs əvəzində Fransa və onun liderləri nə qazanırdı? Hələ Qarabağ və ona bitişik olan 7 rayon Ermənistanın işğalı altında olanda erməni mətbuati yazırdi ki, Qarabağda qızıl və digər əlvan metalların hasilatı ilə Fransa və Rusiya (Qarabağ probleminin həlli ilə məşğul olan beynəlxalq missiyanın - ATƏT-in Minisk Qrupunun həmsədr ölkələri) şirkətləri məşğul olur. Torpaqlar azad edildikdən sonra isə bəlli oldu ki, bütün faydalı qazıntılar, o cümlədən də qızıl yataqlarında işlədilən texnikanın 60-70 faizi Fransa istehsalı imiş. Aparılan araşdirmalara görə, Qarabağda işğal dönəmində 200 tondan çox qızıl hasil edilib ki, onun böyük əksəriyyəti Fransaya daşınıb.
Fransanın poliqrafiya məhsullarının çapı ilə məşğul olan "Cartor" şirkəti "Şuşanın azad olunmasının 20 illiyi", "Dağlıq Qarabağ Ordusunun yaranmasının 20 illiyi" və digər günlərdə Xankəndidəki nümayəndəliyi vasitəsilə sifarişlər həyata keçirib. Eyni zamanda Fransaya məxsus şirkətlər Qarabağda mebel və çaxır çəlləkləri sexləri üzrə ən çox gəlir əldə edən istehsalçılar olublar.
Yeri gəlmişkən, Ermənistan silahlı qüvvələrinin işğalı altında olan Azərbaycan ərazilərinin 261 min hektar meşə sahəsi, o cümlədən də pasportlaşmış 145 Şərq çinarı məhv edilib. Həmin nadir ağaclardan Fransa şirkəti poliqrafiya materialları və mebel istehsal edirmişlər. Fransanin "Cartor" şirkətinin Şərq çinarı, qoz, palıd və digər endemik ağac növlərinin materiallatından hazırladıqları unikal mebel dəstləri yalnıs Fransada deyil, bünün ərəb dünyasında satılıb.
İndi diqqət edin, Fransa liderləri, o cümlədən də E.Makron Azərbaycan xalqının bədbəxtliyi üzərində özlərinə necə "xoşbəxtlik" qururmuşlar. Bütün bu gəlirlər fransalı liderlərin gözünü elə qapayıbmış ki, onlar insanlığa qarşı əsrin ən dəhşətli cinayətlərini, yad ölkənin suveren ərazilərinin işğal edilməsini görməzdən gələrək, işğalçı, cinayətkar, irqçi, əsl etnik təmizləmə aparan bir dövləti müdafiə ediblər.
Kocaryan-Sarkisyan cütlüyünü guya bunlar bu 30 ildə heç bir şərtə razı sala bilmədilər. Yaxşı deyiblər: "Zülmun yenilməyən dəyənəyi varsa, haqqın da bükulməyən biləyi var". Zaman o bükülməyən biləyi yetirdi, 30 il dünya birliyinin çıxarda bilmədiyi "dəlinin quyuya atdığı daşı" Azərbaycan Ordusu 44 günə "çıxardı".
Bütün bu deyilənlərdən sonra yəqin ki, Makronun BMT kürsüsündən riyakarcasına işğalçını müdafiə etməsi, Azərbaycanı onunla sülh sazişi əvəzinə lazımsız kağız parçası imzalamağa çağırmasının əsl səbəbi hamıya aydındır. Qısası, vaxtında Ermənistan işğal etdiyi ərazilərin qənimətlərini Fransa və digər dövlətlərlə bölüşməklə onları öz cinayətlərinə şərik edib. Makron məhz Qarabağdan əldə etdikləri qənimətin bədəli olaraq BMT tribunasından riyakarlıq etməyə məcbur qalıb. Artıq Makron riyakarlığın elə bir zirvəsinə çatıb ki, Fransa xalqının seçiminə belə hörmət etmir, azlıqda qalan parlament fraksiyası ilə birləşmədən, guzli danışıqlar əsasında çoxluq qazanan fraksiyanı hökumətin formalaşdırılmasından kənarda qoymaq istəyir, gorək bas tutacaqmı?
Akif NƏSİRLİ
