Ermənistanın baş naziri Nikol Paşinyan deyib ki, heç kimin Ermənistanı 9 noyabr 2020-ci il tarixli üçtərəfli bəyannamənin müddəalarına əməl etməməkdə ittiham etməyə əsası yoxdur. "Armenpress" xəbər verir ki, bunu Nikol Paşinyan Yerevan Dialoqu konfransında çıxışı zamanı deyib.
"Üçtərəfli bəyanatın yeddinci bəndində deyilir: "Məcburi köçkünlər və qaçqınlar BMT-nin Qaçqınlar üzrə Ali Komissarlığının idarəsinin nəzarəti altında Dağlıq Qarabağ ərazisinə və ona bitişik rayonlara qayıdırlar". Gördüyünüz kimi, 2020-ci il noyabrın 9-dan sonra Rusiya Federasiyasının Prezidenti, Azərbaycan Prezidenti və mən bu sənədi imzaladıqdan sonra nəinki Dağlıq Qarabağdan və ətraf ərazilərdən qaçan erməni qaçqınları geri qayıtmadı, nəticədə düz bir il əvvəl baş vermiş etnik təmizləmə nəticəsində Dağlıq Qarabağ tamamilə ermənisizləşdirilib", - Paşinyan bildirib.
Baş nazir üçtərəfli bəyanatın səkkizinci abzasından da sitat gətirib: "Hərbi əsirlərin, girovların və digər məhbusların, eləcə də ölənlərin cəsədlərinin mübadiləsi aparılır".
Nikol Paşinyan bəyan edib ki, Azərbaycanda hələ də erməni hərbi əsirlər, girovlar və digər məhbuslar var və onlar hələ də geri qaytarılmayıb. "Bu, 9 noyabr tarixli üçtərəfli bəyanatda da var və gördüyünüz kimi, icra olunmayıb. Heç bir tərəfdaşın Ermənistanı 9 noyabr 2020-ci il tarixli üçtərəfli bəyanatın hər hansı müddəasına əməl etməməkdə ittiham etməyə heç bir əsası yoxdur.
Göründüyü kimi, Ermənistanın və istənilən müstəqil və obyektiv beynəlxalq müşahidəçinin üçtərəfli bəyannamədəki digər tərəfdaşlarımızın öz öhdəliklərini ən azı tam yerinə yetirmədiyini söyləməyə əsasları var", - Nikol Paşinyan bildirib.
Doğrudanmı Paşinyan düz deyir, Ermənistanı heç kim 9 noyabr sənədini yerinə yetirməməkdə suçlaya bilməz?
Məsələ ilə bağli açiqlama verən politoloq Əli Orucov bildirdi ki, yenə Pasinyan məsələləri təhrif edir: "Onun dediklərinin heç bir real əsası yoxdur. Həqiqətən sənəddə göstərilir ki, Azərbaycanın qərb rayonlarını Naxçıvan Muxtar Respublikası ilə birləşdirən yol açılmalıdır. Amma Ermənistan hər vəchlə bundan müxtəlif bəhanələrlə yayınır. Paşinyanin dediyi "Məcburi köçkünlər və qaçqınlar BMT-nin Qaçqınlar üzrə Ali Komissarlığının idarəsinin nəzarəti altında Dağlıq Qarabağ ərazisinə və ona bitişik rayonlara qayıdırlar" ifadəsi heç də o ərazidən ötən il könüllü köçmüş ermənilərə aid deyil. Bu, işğal nəticəsində bir milyondan artıq məcburi köçkün düşmüş azərbaycanlılara aiddir. Həmin vaxt Qarabağda yaşayan ermənilər öz evində yaşayirdi, qaçqın deyildi. Söhbət azərbaycanlılardan gedirdi, Buna da Xankəndidə yerləsən separatçılar mane olurdu. Azərbaycan Ordusunun hədəfi məhz həmin separatçılar idi. Dinc əhaliyə isə yüksək təhlukəsizlik təminatı ilə reintqrasiya təklif edildi. Lakin onlar bunu qəbul etməyəndə, biz onların təhlukəsiz köçünə şərait yaratdiq. Xocalı, Meşəli və sair kəndlərimizdə ermənilər kimi dinc əhalini pusquya salib qirmadıq".
Ekspert onu da əlavə etdi ki, Azərbaycanda heç bir hərbi əsir və girov yoxdur, Azərbaycanda mühakimə edilənlər Azərbaycanın dinc əhalisinə divan tutmuş hərbi cinayətkarlardır və onlar ədalət məhkəməsi qarşısında cavab verməlidirlər. Onların cinayətləri faktlarla və canlı şahidlərlə sübuta yetirilib. Onlar layiqli cəzalarını məhz Azərbaycanda çəkməlidirlər. Azərbaycan əlində olan hərbi əsirlərin hamısını birtərəfli qaydada təhvil verib, bu, dövlətimizin humanizm nümunəsidir. Hazirda Ermənistan ordusuna əsir düsmüş 4 minə yaxın azərbaycanlıdan heç bir xəbər yoxdur. İşğaldan azad edilmiş ərazilərdə quruculuq işləri zamanı aşkarlanır ki, azərbaycanlı əsirlər öldurulərək kütləvi məzarlıqlarda basdırılırmış. Eyni zamanda, Ermənistan bugünə qədər minalanmış ərazilərin dəqiq xəritəsini verməkdən imtina edir. Bütün bu faktlar ortada olduğu halda, Paşinyanın təhrifçi-təxribatçı mövqe tutması ondan xəbər verir ki, Ermənistan konstriktiv mövqedən uzaqdir və sûlh sazişinin tezliklə imzalanmasında maraqli deyil".
Dəniz NƏSİRLİ
